________________
सतं-२५, वग्गो- ,सत्तंसत्तं- , उद्देसो-३
सपज्जवसियाओ, नो सादीयाओ अपज्जवसियाओ, नो अणादीयाओ सपज्जवसियाओ, नो अणादीयाओ अपज्जवसियाओ।
एवं जाव उड्ढमहायताओ।
अलोयागाससेढीओ णं भंते! किं सादीयाओ0 पुच्छा। गोयमा! सिय सादीयाओ सपज्जवसियाओ, सिय सादीयाओ अपज्जवसियाओ, सिय अणादीयाओ सपज्जवसियाओ, सिय अणादीयाओ अपज्जवसियाओ।
पाईणपडीणायताओ दाहिणुतरायताओ य एवं चेव, नवरं नो सादीयाओ सपज्जवसियाओ, सिय सादीयाओ अपज्जवसियाओ, सेसं तं चेव।
उड्ढमहायताओ जहा ओहियाओ तहेव चउभंगो।
सेढीओ णं भंते! दव्वट्ठयाए किं कडजुम्माओ, तेओयाओ0 पुच्छा। गोयमा! कडजुम्माओ, नो तेयोयाओ, नो दावरजुम्माओ, नो कलियोगाओ।
एवं जाव उड्ढमहायताओ। लोयागाससेढीओ एवं चेव। एवं अलोयागाससेढीओ वि। सेढीओ णं भंते! पएसठ्ठयाए किं कडज्म्माओ0? एवं चेव। एवं जाव उड्ढमहायताओ।
लोयागाससेढीओ णं भंते! पएसठ्ठताए0 पुच्छा। गोयमा! सिय कडजुम्माओ, नो तेयोयाओ, सिय दावरजुम्माओ, नो कलिओयाओ।
एवं पादीणपडीणायताओ वि, दाहिणुत्तरायताओ वि।
उड्ढमहायताओ णं0 पुच्छा। गोयमा! कडजुम्माओ, नो तेयोगाओ, नो दावरजुम्माओ, नो कलियोगाओ।
अलोयागाससेढीओ णं भंते! पदेसठ्ठताए0 पुच्छा। गोयमा! सिय कडजुम्माओ जाव सिय कलियोयाओ।
एवं पाईणपडीणायताओ वि। एवं दाहिणुत्तरायताओ वि। उड़ढमहायताओ वि एवं चेव, नवरं नो कलियोयाओ, सेसं तं चेव।
[८७६]कति णं भंते! सेढीओ पन्नताओ? गोयमा! सत्त सेढीओ पन्नताओ, तं जहाउज्जुआयता, एगतोवंका, दुहतोवंका, एगओखहा, दुहतोखहा, चक्कवाला, अद्धचक्कवाला।
परमाणुपोग्गलाणं भंते! किं अणुसेढिं गती पवत्तति, विसेढिं गती पवत्तति? गोयमा! अणुसेढिं गती पवत्तति, नो विसेढिं गती पवत्तति।
दुपएसियाणं भंते! खंधाणं किं अणुसेढिं गती पवत्तति, विसेढिं गती पवत्तति? एवं चेव। एवं जाव अणंतपएसियाणं खंधाणं। नेरइयाणं भंते! किं अणुसेटिं गती पवत्तति, विसेदि गती पवत्तति? एवं चेव। एवं जाव वेमाणियाणं।
[दीपरत्नसागर संशोधितः]
[459]
[५-भगवई
