________________
सतं-२५, वग्गो- ,सत्तंसत्तं- , उद्देसो-३
एवं नीलवण्णपज्जवेहि वि। एवं पंचहिं वण्णेहिं, दोहिं गंधेहिं, पंचहिं रसेहिं, अट्ठहिं फासेहिं जाव लुक्खफासपज्जवेहिं।
[८७४]सेढीओ णं भंते! दव्वट्ठयाए किं संखेज्जाओ, असंखेज्जाओ, अणंताओ? गोयमा! नो संखेज्जाओ, नो असंखेज्जाओ, अणंताओ।
पाईणपडीणायताओ णं भंते! सेढीओ दव्वट्ठयाए0? एवं चेव। एवं दाहिणुत्तरायताओ वि। एवं उड्ढमहायताओ वि।
लोयागाससेढीओ णं भंते! दव्वट्ठताए किं संखेज्जाओ, असंखेज्जाओ, अणंताओ? गोयमा! नो संखेज्जाओ, असंखेज्जाओ, नो अणंताओ।
पाईणपडीणायताओ णं भंते! लोयागाससेढीओ दव्वछताए किं संखेज्जाओ0? एवं चेव। एवं दाहिणुत्तरायताओ वि। एवं उड्ढमहायताओ वि।
अलोयागाससेढीओ णं भंते! दव्वठ्ठताए किं संखेज्जाओ, असंखेज्जाओ0 पुच्छा। गोयमा! नो संखेज्जाओ, नो असंखेज्जाओ, अणंताओ।
एवं पाईणपडीणायताओ वि। एवं दाहिणुत्तरायताओ वि। एवं उड्ढमहायताओ वि।
सेढीओ णं भंते! पएसठ्ठयाए किं संखेज्जाओ0? जहा दव्वट्ठयाए तहा पदेसठ्ठयाए वि जाव उड्ढमहायताओ, सव्वाओ अणंताओ।
लोयागाससेढीओ णं भंते! पदेसट्ठयाए किं संखेज्जाओ0 पुच्छा। गोयमा! सिय संखेज्जाओ, सिय असंखेज्जाओ, नो अणंताओ।
एवं पादीणपडीणायताओ वि, दाहिणुत्तरायताओ वि। उड़ढमहायताओ नो संखेज्जाओ, असंखेज्जाओ, नो अणंताओ।
अलोयागाससेढीओ णं भंते! पएसट्ठताए0 पुच्छा। गोयमा! सिय संखेज्जाओ, सिय असंखेज्जाओ, सिय अणंताओ।
पाईणपडीणायताओ णं भंते! अलोयागाससेढीओ0 पुच्छा। गोयमा! नो संखेज्जाओ, नो असंखेज्जाओ, अणंताओ।
एवं दाहिणुत्तरायताओ वि। उड्ढमहायताओ0 पुच्छा। गोयमा! सिय संखेज्जाओ, सिय असंखेज्जाओ, सिय अणंताओ।
[८७५]सेढीओ णं भंते! किं सादीयाओ सपज्जवसियाओ, सादीयाओ अपज्जवसिताओ, अणादीयाओ सपज्जवसियाओ, अणादीयाओ अपज्जवसियाओ? गोयमा! नो सादीयाओ सपज्जवसियाओ, नो सादीयाओ अपज्जवसियाओ, नो अणादीयाओ सपज्जवसियाओ, अणादीयाओ अपज्जवसियाओ।
एवं जाव उड्ढमहायताओ। लोयागाससेढीओ णं भंते! किं सादीयाओ सपज्जवसियाओ0 पुच्छा। गोयमा! सादीयाओ
[दीपरत्नसागर संशोधितः]
[458]
[५-भगवई
