________________
सतं-२५, वग्गो- ,सत्तंसत्तं- , उद्देसो-३
तंसे चठरंसे आयते अणित्थंथे।
परिमंडला णं भंते! संठाणा दव्वट्ठयाए किं संखेज्जा, असंखेज्जा, अणंता? गोयमा! नो संखेज्जा, नो असंखेज्जा, अणंता।
वटा णं भंते! संठाणाo? एवं चेव। एवं जाव अणित्थंथा। एवं पदेसट्ठताए वि।
एएसि णं भंते! परिमंडल-वा-तंस-चतुरंस-आयत-अणित्थंथाणं संठाणाणं दव्वट्ठयाए पएसट्ठताए दव्वट्ठ-पदेसट्ठयाए कयरे कयरेहिंतो जाव विसेसाहिया वा? गोयमा! सव्वत्थोवा परिमंडला संठाणा दव्वट्ठयाए, वटा संठाणा दव्वद्र्याए संखेज्जगुणा, चउरंसा संठाणा दव्वद्र्याए संखेज्जगुणा, तंसा संठाणा दव्वळ्याए संखेज्जगुणा, आयता संठाणा दव्वयाए संखेज्जगुणा, अणित्थंथा संठाणा द असंखेज्जगुणा।
पएसट्ठताए-सव्वत्थोवा परिमंडला संठाणा पएसट्ठयाए, वगा संठाणा पएसट्ठयाए संखेज्जगुणा, जहा दव्वट्ठयाए तहा पएसट्ठताए वि जाव अणित्थंथा संठाणा पएसट्ठयाए असंखेज्जगुणा।
दव्वट्ठपएसट्ठयाए-सव्वत्थोवा परिमंडला संठाणा दव्वट्ठयाए, सो चेव दव्वट्ठतागमओ भाणियव्वो जाव अणित्थंथा संठाणा दव्वट्ठयाए असंखेज्जगुणा। अणित्थंथेहिंतो संठाणेहिंतो दव्वठ्ठयाए, परिमंडला संठाणा पएसट्ठयाए असंखेज्जगुणा; वटा संठाणा पएसट्ठयाए असंखेज्जगुणा, सो चेव पएसट्ठयाए गमओ भाणियव्वो जाव अणित्थंथा संठाणा पएसट्ठयाए असंखेज्जगुणा।
[८७१]कति णं भंते! संठाणा पन्नता? गोयमा! पंच संठाणा पन्नता, तंजहा-परिमंडले जाव आयते।
परिमंडला णं भंते! संठाणा किं संखेज्जा, असंखेज्जा, अणंता? गोयमा! नो संखेज्जा, नो असंखेज्जा, अणंता।
वटा णं भंते! संठाणा किं संखेज्जा0? एवं चेव। एवं जाव आयता। इमीसे णं भंते ! रयणप्पभाए पुढवीए परिमंडला संठाणा किं संखेज्जा, असंखेज्जा, अणंता ? गोयमा! नो संखेज्जा, नो असंखेज्जा, अणंता। वटा णं भंते! संठाणा किं संखेज्जा0? एवं चेव। एवं जाव आयता। सक्करप्पभाए णं भंते! पुढवीए परिमंडला संठाणाo? एवं चेव। एवं जाव आयता। एवं जाव अहेसत्तमाए। सोहम्मे णं भंते! कप्पे परिमंडला संठाणा0? एवं चेव। एवं जाव अच्चुते। गेविज्जविमाणाणं भंते! परिमंडला संठाणा0? एवं चेव।
एवं अणुत्तरविमाणेसु। [दीपरत्नसागर संशोधितः]
[454]
[५-भगवई
