________________
सतं - २५, वग्गो, सत्तंसत्तं, उद्देसो २
असंखेज्जे लोए जाव भइयव्वाई।
लोगस्स णं भंते! एगम्मि आगासपएसे कतिदिसिं पोग्गला चिज्जंति? गोयमा ! निव्वाघातेणं छद्दिसिं; वाघातं पडुच्च सिय तिदिसिं, सिय चउदिसिं, सिय पंचदिसिं ।
लोगस्स णं भंते! एगम्मि आगासपएसे कतिदिसिं पोग्गला छिज्जंति? एवं चेव ।
एवं उवचिज्जंति, एवं अवचिज्जंति ।
[८६९] जीवे णं भंते! जाई दव्वाइं ओरालियसरीरत्ताए गेण्हइ ताइं किं ठियाई गेण्हइ, अठियाई गेण्हति? गोयमा! ठिया पि गेण्हइ, अठियाइं पि गेहइ ।
ताइं भंते! किं दव्वओ गेण्हइ, खेत्तओ गेण्हइ, कालओ गेण्हइ, भावतो गेण्हइ ? गोयमा ! दव्वओ वि गेण्हति, खेत्तओ वि गेण्हइ, कालओ वि गेण्हइ, भावतो वि गेण्हइ । ताइं दव्वतो अणतपएसियाइं दव्वाइं, खेत्ततो असंखेज्जपएसोगाढाई, एवं जहा पण्णवणाए पढमे आहारुद्देसए जाव निव्वाघाएणं छद्दिसिं, वाघायं पडुच्च सिय तिदिसिं, सिय चउदिसिं, सिय पंचदिसिं ।
जीवे णं भंते! जाई दव्वाइं वेउव्वियसरीरत्ताए गेण्हइ ताई किं ठियाई गेण्हति, अठियाई हति? एवं चेव, नवरं नियमं छद्दिसिं ।
एवं आहारगसरीरत्ताए वि ।
जीवे णं भंते! जाई दव्वाइं तेयगसरीरत्ताए गिण्हति० पुच्छा। गोयमा ! ठियाई गेण्हइ, नो अठियाई गेण्हइ । सेसं जहा ओरालियसरीरस्स ।
कम्मगसरीरे एवं चेव जाव भावओ वि गिण्हति ।
जाइं दव्वतो गेण्हति ताइं किं एगपएसियाई गेण्हति, दुपएसियाइं गेण्हइ0? एवं जहा भासापदे जाव आणुपुव्विं गेण्हइ, नो अणाणुपुव्विं गेण्हति ।
ताइं भंते! कतिदिसिं गेण्हति ? गोयमा ! निव्वाघातेणं० जहा ओरालियस्स ।
पंचदिसिं ।
जीवे णं भंते! जाई दव्वाइं सोइंदियत्ताए गेण्हइ० जहा वेठव्वियसरीरं । एवं जाव जिब्भिंदियत्ताए ।
फासिंदियत्ताए जहा ओरालियसरीरं ।
मणजोगत्ताए जहा कम्मगसरीरं, नवरं नियमं छद्दिसिं ।
एवं वइजोत्ताए वि ।
कायजोगत्ताए जहा ओरालियसरीरस्स ।
जीवे णं भंते! जाई दव्वाइं आणापाणुत्ताए गेण्हइ ? जहेव ओरालियसरीरत्ताए जाव सिय
सेवं भंते! सेवं भंते! ति०।
केयि चवीसदंडणं एयाणि पयाणि भणति जस्स जं अत्थि ।
* पंचवीसइमे सते बीइओ उद्देसो समत्तो*
० तइओ उद्देसो ०
[८७०] कति णं भंते! संठाणा पन्नत्ता ? गोयमा ! छ संठाणा पन्नत्ता, तं जहा - परिमंडले वट्
[453]
[५-भगवई]
[दीपरत्नसागर संशोधितः ]
