Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 453

सतं-२५, वग्गो- ,सत्तंसत्तं- , उद्देसो-१
असंखेज्जगुणे ८, ओरालियमीसगस्स विउव्वियमीसगस्स य एएसि णं उक्कोसए जोए दोण्ह वि तुल्ले असंखेज्जगुणे ९-१0, असच्चामोसमणजोगस्स जहन्नए जोए असंखेज्जगुणे ११, आहारगसरीरस्स जहन्नए जोए असंखेज्जगुणे १२; तिविहस्स मणजोगस्स, चठव्विहस्स वइजोगस्स, एएसि णं सत्तण्ह वि तुल्ले जहन्नए जोए असंखेज्जगुणे १३-१९; आहारगसरीरस्स उक्कोसए जोए असंखेज्जगुणे २0; ओरालियसरीरस्स वेठव्वियसरीरस्स चठव्विहस्स य मणजोगस्स, चठव्विहस्स य वइजोगस्स, एएसि णं दसण्ह वि तुल्ले उक्कोसए जोए असंखेज्जगणे २१-३०। सेवं भंते! सेवं भंते! तिला
पंचवीसहमे सते पदमो डेसो समतोल
0बीओ उद्देसो0
[८६६]कतिविधा णं भंते! दव्वा पन्नता? गोयमा! दुविहा दव्वा पन्नता, तं जहा-जीवदव्वा य अजीवदव्वा य।
अजीवदव्वा णं भंते! कतिविहा पन्नत्ता? गोयमा! दुविहा पन्नता, तं जहा--रूविअजीवदव्वा य, अरूविअजीवदव्वा य। एवं एएणं अभिलावेणं जहा अजीवपज्जवा जाव सेतेणठेणं गोयमा! एवं वुच्चति-ते णं नो संखेज्जा, नो असंखेज्जा, अणंता।
जीवदव्वा णं भंते! किं संखेज्जा, असंखेज्जा, अणंता? गोयमा! नो संखेज्जा, नो असंखेज्जा, अणंता।
से केणठेणं भंते! एवं वुच्चइ-जीवदव्वा णं नो संखेज्जा, नो असंखेज्जा, अणंता? गोयमा! असंखेज्जा नेरइया जाव असंखेज्जा वाउकाइया, अणंता वणस्सतिकाइया, असंखिज्जा बेंदिया, एवं जाव वेमाणिया, अणंता सिद्धा, सेतेणठेणं जाव अणंता।
[८६७]जीवदव्वाणं भंते! अजीवदव्वा परिभोगत्ताए हव्वमागच्छंति, अजीवदव्वाणं जीवदव्वा परिभोगत्ताए हव्वमागच्छंति? गोयमा! जीवदव्वाणं अजीवदव्वा परिभोगत्ताए हव्वमागच्छंति, नो अजीवदव्वाणं जीवदव्वा परिभोगत्ताए हव्वमागच्छति।
से केणढेणं भंते! एवं वुच्चति--जाव हव्वमागच्छंति? गोयमा! जीवदव्वा णं अजीवदव्वे परियादियंति, अजीवदव्वे परियादिइत्ता ओरालियं वेठब्वियं आहारगं तेयगं कम्मगं सोतिदिय जाव फासिंदिय मणजोग वइजोग कायजोग आणापाणुतं च निव्वत्तयंति, सेतेणठेणं जाव हव्वमागच्छंति।
नेरतियाणं भंते! अजीवदव्वा परिभोगत्ताए हव्वमागच्छंति, अजीवदव्वाणं नेरतिया परिभोगत्ताए हव्वमागच्छंति? गोयमा! नेरतियाणं अजीवदव्वा जाव हव्वमागच्छंति, नो अजीवदव्वाणं नेरतिया जाव हव्वमागच्छति।।
से केणठेणं0? गोयमा! नेरतिया अजीवदव्वे परियादियंति, अजीवदव्वे परियादिइत्ता वेठव्विय-तेयग-कम्मग-सोतिंदिय जाव फासिंदिय जाव आणापाणुतं च निव्वत्तयंति। सेतेणठेणं गोयमा! एवं वुच्चइ०।
एवं जाव वेमाणिया, नवरं सरीर-इंदिय-जोगा भाणियव्वा जस्स जे अत्थि। [८६८]से नूणं भंते! असंखेज्जे लोए अणंताई दव्वाई आगासे भइयव्वाइं? हंता, गोयमा!
[दीपरत्नसागर संशोधितः]]
[452]
[५-भगवई