Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 421

सतं-२४, वग्गो- ,सत्तंसत्तं- , उद्देसो-१
रयणप्पभ0 जाव करेज्जा ? गोयमा ! भवाएसेणं दो भवग्गहणाइं; कालाएसेणं जहन्नेणं पलिओवमस्स असंखेज्जतिभागं पुव्वकोडीए अब्भहियं, उक्कोसेण वि पलिओवमस्स असंखेज्जतिभागं पुव्वकोडिमब्भहियं; एवतियं कालं सेवेज्जा जाव करेज्जा।
एवं एए ओहिया तिण्णि गमगा, जहन्नकालट्ठितीएसु तिन्नि गमगा, उक्कोसकालट्ठितीएसु तिन्नि गमगा; सव्वेते नव गमा भवंति।
[८३९]जदि सन्निपंचेंदियतिरिक्खजोणिएहिंतो उववज्जति किं संखेज्जवासाठयसन्निपंचेंदिय तिरिक्खजोणिएहिंतो उववज्जति, असंखेज्जवासाठयसन्निपंचेंदियतिरिक्ख० जाव उववज्जंति? गोयमा! संखेज्जवासाउयसण्णिपंचेंदिय० जाव उववज्जंति, नो असंखेज्जवासाठय0 जाव उववज्जंति।
जदि संखेज्जवासाउयसन्निपंचेंदिय जाव उववज्जंति किं जलचरेहिंतो उववज्जंति?0 पुच्छा। गोयमा ! जलचरेहिंतो उववज्जति जहा असन्नी जाव पज्जत्तएहिंतो उववज्जंति, नो अपज्जतएहितो उववज्जति ।
पज्जत्तासंखेज्जवासाउयसन्निपंचेंदियतिरिक्खजोणिए णं भंते! जे भविए नेरइएसु उववज्जित्तए से णं भंते! कतिसु पुढवीसु उववज्जेज्जा? गोयमा! सत्तसु पुढवीसु उववज्जेज्जा, तं जहा-- रयणप्पभाए जाव अहेसत्तमाए।
पज्जत्तासंखेज्जवासाउयसन्निपंचेंदियतिरिक्खजोणिए णं भंते! जे भविए रयणप्पभपुढवि नेरइएसु उववज्जित्तए से णं भंते! केवतिकालट्ठितीएसु उववज्जेज्जा? गोयमा! जहन्नेणं दसवाससहस्सद्वितीएसु, उक्कोसेण सागरोवमद्वितीएसु उववज्जेज्जा।
ते णं भंते! जीवा एगसमएणं केवतिया उववज्जति? जहेव असन्नी।
तेसि णं भंते! जीवाणं सरीरगा किंसंघयणी पन्नता? गोयमा! छव्विहसंघयणी पन्नता, तं जहा--वइरोसभनारायसंघयणी उसभनारायसंघयणी जाव सेवासंघयणी।
सरीरोगाहणा जहेव असन्नीणं।
तेसि णं भंते! जीवाणं सरीरगा किंसंठिया पन्नता? गोयमा! छव्विहसंठिया पन्नत्ता, तं जहासमचतुरंस0 नग्गोह0 जाव हुंडा0।
तेसि णं भंते! जीवाणं कति लेस्साओ पन्नताओ? गोयमा! छल्लेसाओ पन्नताओ, तं जहा-- कण्हलेस्सा जाव सुक्कलेस्सा।
दिट्ठी तिविहा वि। तिन्नि नाणा, तिन्नि अन्नाणा भयणाए। जोगो तिविहो वि। सेसं जहा असण्णीणं जाव अणुबंधो। नवरं पंच समुग्घाया आदिल्लगा। वेदो तिविहो वि, अवसेसं तं चेव जाव
से णं भंते ! पज्जत्तासंखेज्जवासाठय जाव तिरिक्खजोणिए रयणप्पभ|0 जाव करेज्जा ?
गोयमा! भवादेसेणं जहन्नेणं दो भवग्गहणाई, उक्कोसेणं अट्ठ भवग्गहणाई। कालाएसेणं जहन्नेणं दसवाससहस्साइं अंतोमुत्तमब्भहियाई, उक्कोसेणं चत्तारि सागरोवमाइं चरहिं पुव्वकोडीहिं अब्भहियाई। एवतियं कालं सेवेज्जा जाव करेज्जा।।
पज्जत्तासंखेज्ज जाव जे भविए जहन्नकाल जाव से णं भंते! केवतिकालठ्ठितीएस उववज्जेज्जा? गोयमा! जहन्नेणं दसवाससहस्सट्ठितीएसु, उक्कोसेण वि दसवाससहस्सट्ठितीएसु जाव उववज्जेज्जा।
[दीपरत्नसागर संशोधितः]
[420]
[५-भगवई