Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 420

सतं-२४, वग्गो- सत्तंसत्तं- , उद्देसो-१
ते णं भंते! जीवा0। सेसं तं चेव। ताई चेव तिन्नि णाणत्ताई जाव
से णं भंते! जहन्नकालट्ठितीयपज्जता जाव जोणिए जहन्नकालठ्ठितीयरयणप्पभापुढवि० पुणरवि जाव भवाएसेणं दो भवग्गहणाइं; कालाएसेणं जहन्नेणं दसवाससहस्साइं अंतोमुत्तमब्भहियाई, उक्कोसेण वि दसवाससहस्साइं अंतोमुत्तमब्भहियाइं; एवइयं कालं सेवेज्जा जाव करेज्जा।
जहन्नकालठ्ठितीयपज्जत्ता जाव तिरिक्खजोणिए णं भंते! जे भविए उक्कोसकालठ्ठितीएसु रयणप्पभापुढविनेरइएसु उववज्जितए से णं भंते! केवतिकालठ्ठितीएसु उववज्जेज्जा? गोयमा! जहन्नेणं पलिओवमस्स असंखेज्जतिभागट्ठितीएसु उववज्जेज्जा, उक्कोसेण वि पलिओवमस्स असंखेज्जतिभागहितीएसु उववज्जेज्जा।
ते णं भंते! जीवा0? अवसेसं तं चेव। ताई चेव तिन्नि नाणत्ताई जाव
से णं भंते! जहन्नकालठ्ठितीयपज्जता जाव तिरिक्खजोणिए उक्कोसकालठ्ठितीयरयण जाव करेज्जा? गोयमा! भवाएसेणं दो भवग्गहणाइं; कालाएसेणं जहन्नेणं पलिओवमस्स असंखेज्जतिभागं अंतोमुहत्तमब्भहियं, उक्कोसेण वि पलिओवमस्स असंखेज्जतिभागं अंतोमुहत्तमब्भहियं; एवतियं कालं जाव करेज्जा ।
उक्कोसकालट्ठितीयपज्जत्ताअसन्निपंचेंदियतिरिक्खजोणिए णं भंते! जे भविए रयणप्पभापुढविनेरइएस् उववज्जित्तए से णं भंते! केवतिकाल जाव उववज्जेज्जा? गोयमा! जहन्नेणं दसवाससहस्सहितीएसु, उक्कोसेणं पलिओवमस्स असंखेज्जतिभाग जाव उववज्जेज्जा।
ते णं भंते! जीवा एगसमएणं0? अवसेसं जहेव ओहियगमए तहेव अणुगंतव्वं, नवरं इमाई दोन्नि नाणताइं-ठिती जहन्नेणं पुव्वकोडी, उक्कोसेण वि पुव्वकोडी। एवं अणुबंधो वि। अवसेसं तं चेव।
से णं भंते! उक्कोसकालठ्ठितीयपज्जत्ताअसन्नि जाव तिरिक्खजोणिए रतणप्पभा0 भवाएसेणं दो भवग्गहणाइं; कालाएसेणं जहन्नेणं पुव्वकोडी दसहिं वाससहस्सेहिं अब्भहिया, उक्कोसेणं पलिओवमस्स असंखेज्जइभागं पुव्वकोडीए अब्भहियं; एवतियं जाव करेज्जा।
उक्कोसकालठ्ठितीयपज्जत्तातिरिक्खजोणिए णं भंते! जे भविए जहन्नकालठ्ठितीएस रयण जाव उववज्जित्तए से णं भंते! केवति0 जाव उववज्जेज्जा? गोयमा! जहन्नेणं दसवाससहस्सट्ठितीएसु, उक्कोसेण वि दसवाससहस्सट्ठितीएसु उववज्जेज्जा।
ते णं भंते!0? सेसं तं चेव जहा सत्तमगमे जाव
से णं भंते! उक्कोसकालट्ठीती0 जाव तिरिक्खजोणिए जहन्नकालठ्ठितीयरयणप्पभा0 जाव करेज्जा? गोयमा! भवाएसेणं दो भवग्गहणाइं; कालाएसेणं जहन्नेणं पुव्वकोडी दसहिं वाससहस्सेहिं अब्भहिया, उक्कोसेण वि पुव्वकोडी दसहिं वाससहस्सेहिं अब्भहिया; एवतियं जाव करेज्जा।
उक्कोसकालट्ठितीयपज्जत्ता0 जाव तिरिक्खजोणिए णं भंते ! जे भविए उक्कोसकालट्ठितीएसु रयण जाव उववज्जित्तए से णं भंते! केवतिकाल0 जाव उववज्जेज्जा? गोयमा! जहन्नेणं पलिओवमस्स असंखज्जतिभागठितीएस, उक्कोसेण वि पलिओवमस्स असंखेज्जतिभागठितीएस उववज्जेज्जा।
ते णं भंते! जीवा एगसमएणं0? सेसं जहा सत्तमगमए जाव-- से णं भंते! उक्कोसकालट्ठितीयपज्जत्ता0 जाव तिरिक्खजोणिए उक्कोसकालठ्ठितीय
[दीपरत्नसागर संशोधितः]
[419]
[५-भगवई