Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 419

सतं-२४, वग्गो-,सत्तंसत्तं-, उद्देसो-१
गतिरागतिं करेज्जा ।
पज्जत्ताअसन्निपंचेंदियतिरिक्खजोणिए णं भंते! जे भविए जहन्नकालट्ठितीएसु रयणप्पभापुढविनेरइएसु उववज्जित्तए से णं भंते! केवतिकालट्ठितीएसु उववज्जेज्जा ? गोयमा ! जहन्नेणं दसवाससहस्सट्ठितीएसु, उक्कोसेण वि दसवाससहस्सट्ठितीयेसु उववज्जेज्जा।
ते णं भंते! जीवा एगसमएणं केवतिया उववज्जंति? एवं स च्चेव वत्तव्वता निरवसेसा भाणियव्वा जाव अणुबंधोति ।
से णं भंते! पज्जत्ताअसन्निपंचेंदियतिरिक्खजोणिए जहन्नकालट्ठितीयरयणप्पभापुढविणेरइए जहन्नकाल0 पुणरवि पज्जत्ताअसण्णि जाव गतिरागतिं करेज्जा ? गोयमा ! भवादेसेणं दो भवग्गहणाई; कालाएसेणं जहन्नेणं दसवाससहस्साइं अंतोमुहुत्तमब्भहियाई, उक्कोसेणं पुव्वकोडी दसहिं वाससहस्सेहिं अब्भहिया, एवतियं कालं सेवेज्जा, एवतियं कालं गतिरागतिं करेज्जा । पज्जत्ताअसन्नि पंचेंदिय तिरिक्खजोणिए णं भंते! जे भविए उक्कोसकालट्ठितीयेसु रतणप्पभापुढविनेरइएस उववज्जित्तए से णं भंते! केवतिकालट्ठितीएसु उववज्जेज्जा ? गोयमा ! जहन्नेणं पलिओवमस्स असंखेज्जतिभागट्ठिती सु उववज्जेज्जा, उक्कोसेण वि पलिओवमस्स असंखेज्जतिभाग ट्ठितीएसु उववज्जेज्जा ।
ते णं भंते! जीवा ? अवसेसं तं चेव जाव अणुबंधो।
सेणं! भंते पज्जता असन्निपंचेंदियतिरिक्खजोणिए उक्कोसकालट्ठितीय रयणप्पभा-पुढविनेरइए उक्कोस0 पुणरवि पज्जत्ता जाव करेज्जा ? गोयमा ! भवाएसेणं दो भवग्गहणाई; कालादेसेणं जहन्नेणं पलिओवमस्स असंखेज्जतिभागं अंतोमुहुत्तमब्भहियं, उक्कोसेणं पलिओवमस्स असंखेज्जतिभागं पुव्वकोडिअब्भहियं; एवतियं कालं सेवेज्जा, एवइयं कालं गतिरागतिं करेज्जा ।
जहन्नकालट्ठितीयपज्जत्ताअसन्निपंचेंदियतिरिक्खजोणिए णं भंते! जे भविए रयणप्पभा पुढविनेरइएसु उववज्जित्तए से णं भंते! केवतिकालट्ठितीएसु उववज्जेज्जा ? गोयमा ! जहन्नेणं दसवास सहस्सट्ठितीएसु, उक्कोसेणं पलिओवमस्स असंखेज्जतिभागट्ठितीएसु उववज्जेज्जा ।
ते णं भंते! जीवा एगसमएणं केव० ? अवसेसं तं चेव, णवरं इमाइं तिन्नि णाणत्ताइं आउं अज्झवसाणा अणुबंधो य। ठिती जहन्नेणं अंतोमुहुतं, उक्कोसेण वि अंतोमुहुतं ।
तेसि णं भंते! जीवाणं केवतिया अज्झवसाणा पन्नत्ता ? गोयमा ! असंखेज्जा अज्झवसाणा
पन्नत्ता ।
ते णं भंते! किं पसत्था, अप्पसत्था? गोयमा ! नो पसत्था, अप्पसत्था।
अणुबंधो अंतोमुहुत्तं। सेसं तं चेव ।
से णं भंते ! जहन्नकालट्ठितीयपज्जत्ता असन्निपंचेंदियरयणप्पभा जाव करेज्जा ? गोयमा ! भवाएसेणं दो भवग्गहणाई; कालादेसेणं जहन्नेणं दसवाससहस्साइं अंतोमुहुत्त अब्भहियाइं, उक्कोसेणं पलिओवमस्स असंखेज्जतिभागं अंतोमुहुत्तमब्भहियं, एवतियं कालं सेविज्जा जाव करेज्जा |
जहन्नकालट्ठितीयपज्जत्ताअसन्निपंचेंदियतिरिक्खजोणिए णं भंते! जे भविए जहन्नकाल
ट्ठितीएसु रयणप्पभापुढविनेरइएस उववज्जित्तए से णं भंते! केवतिकालट्ठितीएसु उववज्जेज्जा ? गोयमा! जहन्नेणं दसवाससहस्सट्ठितीएस उववज्जेज्जा, उक्कोसेण वि दसवाससहस्सट्ठितीएसु उववज्जेज्जा । [दीपरत्नसागर संशोधितः ]
[418]
[५-भगवई]