________________
सतं-२०, वग्गो- ,सत्तंसत्तं- , उद्देसो-१०
पुढविकाइया जहा जीवा। एवं जाव मणुस्सा। वाणमंतर-जोतिसिय-वेमाणिया जहा नेरतिया।
[८०४] नेरतिया णं भंते! किं आओवक्कमेणं उववज्जति, परोवक्कमेणं उववज्जंति, निरुवक्कमेणं उववज्जंति? गोयमा! आतोवक्कमेणं वि उववज्जंति, परोवक्कमेण वि उववज्जंति, निरुवक्कमेण वि उववज्जंति।
एवं जाव वेमाणिया।
नेरतिया णं भंते! किं आओवक्कमेणं उव्वांति, परोवक्कमेणं उव्वांति, निरुवक्कमेणं उव्वांति? गोयमा! नो आओवक्कमेणं उव्वांति, नो परोवक्कमेणं उव्वांति, निरुवक्कमेणं उव्वांति।
एवं जाव थणियकुमारा। पुढविकाइया जाव मणुस्सा तिसु उव्वांति। सेसा जहा नेरइया, नवरं जोतिसिय-वेमाणिया चयंति।
नेरतिया णं भंते! किं आतिड्ढीए उववज्जंति, परिड्ढीए उववज्जति? गोयमा! आतिड्ढीए उववज्जंति, नो परिड्ढीए उववज्जंति।
एवं जाव वेमाणिया।
नेरतिया णं भंते! किं आतिड्ढीए उव्वांति, परिड्ढीए उव्वांति? गोयमा! आतिड्ढीए उव्वटांति, नो परिड्ढीए उव्वति।
एवं जाव वेमाणिया, नवरं जोतिसिय-वेमाणिया चयंतीति अभिलावो।
नेरइया णं भंते! किं आयकम्मुणा उववज्जति, परकम्मुणा उववज्जति? गोयमा! आयकम्मुणा उववज्जति, नो परकम्म्णा उववज्जंति।
एवं जाव वेमाणिया। एवं उव्वाणादंडओ वि।
नेरइया णं भंते! किं आयप्पयोगेणं उववज्जंति, परप्पयोगेणं उववज्जंति? गोयमा! आयप्पयोगेणं उववज्जंति, नो परप्पयोगेणं उववज्जंति।
एवं जाव वेमाणिया। एवं उव्वाणादंडओ वि।
[८०५] नेरइया णं भंते! किं कतिसंचिता, अकतिसंचिता, अवत्तव्वगसंचिता? गोयमा! नेरइया कतिसंचिया वि, अकतिसंचिता वि, अवत्तव्वगसंचिता वि।
से केणढेणं जाव अवत्तव्वगसंचिता वि? गोयमा! जे णं नेरइया संखेज्जएणं पवेसणएणं पविसंति ते णं नेरइया कतिसंचिता, जे णं नेरइया असंखेज्जएणं पवेसणएणं पविसंति ते णं नेरइया अकतिसंचिया, जे णं नेरइया एक्कएणं पवेसणएणं पविसंति ते णं नेरइया अवत्तव्वगसंचिता; सेतेणठेणं गोयमा! जाव अवतव्वगसंचिता वि।
एवं जाव थणियकुमारा। पुढविकाइयाणं पुच्छा। गोयमा! पुढविकाइया नो कतिसंचिता, अकतिसंचिता, नो
[दीपरत्नसागर संशोधितः]
[406]
[५-भगवई
