Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 408

सतं-२०, वग्गो- ,सत्तंसत्तं- , उद्देसो-१०
अवत्तव्वगसंचिता।
से केणठेणं जाव नो अवत्तव्वगसंचिता? गोयमा! पुढविकाइया असंखेज्जएणं पवेसणएणं पविसंति; सेतेणठेणं जाव नो अवत्तव्वगसंचिता।
एवं जाव वणस्सतिकाइया। बेंदिया जाव वेमाणिया जहा नेरइया। सिद्धाणं पुच्छा। गोयमा! सिद्धा कतिसंचिता, नो अकतिसंचिता, अवतव्वगसंचिता वि।
से केणढेणं जाव अवत्तव्वगसंचिता वि? गोयमा! जे णं सिद्धा संखेज्जएणं पवेसणएणं पविसंति ते णं सिद्धा कतिसंचिता, जे णं सिद्धा एक्कएणं पवेसणएणं पविसंति ते णं सिद्धा अवत्तव्वगसंचिता; सेतेणठेणं जाव अवत्तव्वगसंचिता वि।
एएसि णं भंते! नेरइयाणं कतिसंचिताणं अकतिसंचियाणं अवत्तव्वगसंचिताण य कयरे कयरेहिंतो जाव विसेसाहिया वा? गोयमा! सव्वत्थोवा नेरइया अवत्तव्वगसंचिता, कतिसंचिया संखेज्जगुणा, अकतिसंचिता असंखेज्जगुणा।
एवं एगिंदियवज्जाणं जाव वेमाणियाणं अप्पाबगं, एगिंदियाणं नत्थि अप्पाबगं।
एएसि णं भंते! सिद्धाणं कतिसंचियाणं, अवत्तव्वगसंचिताण य कयरे कयरेहिंतो जाव विसेसाहिया वा? गोयमा! सव्वत्थोवा सिद्धा कतिसंचिता, अवत्तव्वगसंचिता संखेज्जगुणा।
नेरइया णं भंते! किं छक्कसमज्जिया, नोछक्कसमज्जिया, छक्केण य नोछक्केण य समज्जिया, छक्केहिं समज्जिया, छक्केहि य नोछक्केण य समज्जिया? गोयमा! नेरइया छक्कसमज्जिया वि, नोछक्कसमज्जिया वि, छक्केण य नोछक्केण य समज्जिया वि, छक्केहिं समज्जिया वि, छक्केहि य नोछक्केण य समज्जिया वि।
से केणठेणं भंते! एवं वुच्चइ--नेरइया छक्कसमज्जिया वि जाव छक्केहि य नोछक्केण य समज्जिया वि? गोयमा! जे णं नेरइया छक्कएणं पवेसणएणं पविसंति ते णं नेरइया छक्कसमज्जिता। जे णं नेरइया जहन्नेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं नेरइया नोछक्कसमज्जिया। जे णं नेरइया एगेणं छक्कएणं; अन्नेण य जहन्नेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं नेरइया छक्केण य नोछक्केण य समज्जिया। जे णं नेरइया णेगेहिं छक्कएहिं पवेसणगं पविसंति ते णं नेरइया छक्केहिं समज्जिया। जे णं नेरइया णेगेहिं छक्कएहिं; अन्नेण य जहन्नेणं एक्केण वा दोहिं वा तीहिं वा, उक्कोसेणं पंचएणं पवेसणएणं पविसंति ते णं नेरइया छक्केहि य नोछक्केण य समज्जिया। सेतेणढेणं तं चेव जाव समज्जिया वि।
एवं जाव थणियकुमारा।
पुढविकाइयाणं पुच्छा। गोयमा! पुढविकाइया नो छक्कसमज्जिया, नो नोछक्कसमज्जिया, नो छक्केण य नोछक्केण य समज्जिया, छक्केहिं समज्जिया वि, छक्केहि य नोछक्केण य समज्जिया वि।
से केणढेणं जाव समज्जिता वि? गोयमा! जे णं पुढविकाइया णेगेहिं छक्कएहिं पवेसणगं पविसंति ते णं पुढविकाइया छक्केहिं समज्जिया। जे णं पुढविकाइया णेगेहिं छक्कएहि; अन्नेण य जहन्नेणं एक्केण वा दोहिं वा तिहिं वा, उक्कोसेणं पंचएणं पवेसणएणं पविसंति ते णं पुढविकाइया छक्केहि य नोछक्केण य समज्जिया। सेतेणठेणं जाव समज्जिया वि।
[दीपरत्नसागर संशोधितः]
[407]
[५-भगवई