Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 404

सतं-२०, वग्गो - ,सत्तंसत्तं- , उद्देसो-७
सव्वेते चवीसं दंडगा भाणियव्वा, नवरं जाणियव्वं जस्स जं अत्थि; जाव वेमाणियाणं भंते! विभंगणाणविसयस्स कतिविधे बंधे पन्नते? गोयमा! तिविधे बंधे पन्नते, तं जहा--जीवप्पयोगबंधे अणंतरबंधे परंपरबंधे। सेवं भंते! सेवं भंते! जाव विहरति।
*वीसइमे सए सत्तमो उहेसो समतो.
__0 अट्ठमो उद्देसो 0 [७९३] कति णं भंते! कम्मभूमीओ पन्नताओ? गोयमा! पन्नरस कम्मभूमीओ पन्नताओ, तं जहा--पंच भरहाई,पंच एरवताई,पंच महाविदेहाई।
कति णं भंते! अकम्मभूमीओ पन्नताओ? गोयमा! तीसं अकम्मभूमीओ पन्नताओ, तं जहापंच हेमवयाई, पंच हेरण्णवयाई, पंच हरिवासाई, पंच रम्मगवासाइं, पंच देवकुरूओ, पंच उत्तरकुरूओ।
एयासु णं भंते! तीसासु अकम्मभूमीसु अत्थि ओसप्पिणी ति वा, उस्सप्पिणी ति वा? णो तिणठे समठे।
___ एएसु णं भंते! पंचसु भरहेसु, पंचसु एरवएसु अत्थि ओसप्पिणी ति वा, उस्सप्पिणी ति वा? हंता, अत्थि।
एएसु णं भंते! पंचसु महाविदेहेसु0? णेवत्थि ओसप्पिणी, नेवत्थि उस्सप्पिणी, अवट्ठिए णं तत्थ काले पन्नते समणाउसो!।
[७९४] एएसु णं भंते! पंचसु महाविदेहेसु अरहंता भगवंतो पंचमहव्वतियं सपडिक्कमणं धम्म पण्णवयंति? णो तिणठे समठे। एएसु णं पंचसु भरहेसु, पंचसु एरवएसु पुरिम-पच्छिमगा दुवे अरहंता भगवंतो पंचमहव्वतियं सपडिक्कमणं धम्मं पण्णवयंति, अवसेसा णं अरहंता भगवंतो चाउज्जामं धम्मं पण्णवयंति। एएसु णं पंचसु महाविदेहेसु अरहंता भगवंतो चाउज्जामं धम्मं पण्णवयंति।
जंबुद्दीवे णं भंते! दीवे भारहे वासे इमीसे ओसप्पिणीए कति तित्थयरा पन्नता? गोयमा! चठवीसं तित्थयरा पन्नत्ता, तं जहा--उसभ-अजिय-संभव-अभिनंदण-सुमति-सुप्पभ-सुपास-ससि-पुप्फदंतसीयल-सेज्जंस-वासुपुज्ज-विमल-अणंतइ-धम्म-संति-कुंथु-अर-मल्लि-मुणिसुव्वय-नमि-नेमि-पास-वद्धमाणा।
[७९५] एएसि णं भंते! चठवीसाए तित्थयराणं कति जिणंतरा पन्नता? गोयमा! तेवीसं जिणंतरा पन्नता।
एएसु णं भंते! तेवीसाए जिणंतरेसु कस्स कहिं कालियसुयस्स वोच्छेदे पन्नत्ते? गोयमा! एएसु णं तेवीसाए जिणंतरेसु पुरिम-पच्छिमएसु अट्ठसु अट्ठसु जिणंतरेसु, एत्थ णं कालियसुयस्स अवोच्छेदे पन्नत्ते, मज्झिमएसु सत्तसु जिणंतरेसु एत्थ णं कालियसुयस्स वोच्छेदे पन्नत्ते, सव्वत्थ वि णं वोच्छिन्ने दिट्ठिवाए।
[७९६] जंबुद्दीवे णं भंते! दीवे भारहे वासे इमीसे ओसप्पिणीए देवाणुपियाणं केवितियं कालं पुव्वगए अणुसज्जिस्सति? गोयमा! जंबुद्दीवे णं दीवे भारहे वासे इमीसे ओसप्पिणीए ममं एगं वाससहस्सं पुव्वगए अणुसज्जिस्सति।
जहा णं भंते! जंबुद्दीवे दीवे भारहे वासे इमीसे ओसप्पिणीए देवाणुपियाणं एगं वाससहस्सं
[दीपरत्नसागर संशोधितः]
[403]
[५-भगवई]