________________
सतं-१९, वग्गो-,सत्तंसत्तं-, उद्देसो-९
समुग्धायकरणे सत्तविधे। सण्णाकरणे चउव्विहे। लेस्साकरणे छव्विहे। दिट्ठिकरणे तिविधे। वेदकरणे तिविहे पन्नत्ते, तं जहा - - इत्थिवेदकरणे पुरिसवेयकरणे नपुंसगवेयकरणे । एए सव्वे नेरइयाई दंडगा जाव वेमाणियाणं । जस्स जं अत्थि तं तस्स सव्वं भाणियव्वं ।
कतिविधे णं भंते! पाणातिवायकरणे पन्नत्ते? गोयमा ! पंचविधे पाणातिवायकरणे पन्नत्ते, तं जहा--एगिंदियपाणातिवायकरणे जाव पंचेंदियपाणातिवायकरणे ।
एवं निरवसेसं जाव वेमाणियाणं ।
कइविधे णं भंते! पोग्गलकरणे पन्नत्ते? गोयमा ! पंचविधे पोग्गलकरणे पन्नत्ते, तं जहा -- वण्णकरणे गंधकरणे रसकरणे फासकरणे संठाणकरणे ।
वण्णकरणे णं भंते! कतिविधे पन्नत्ते? गोयमा ! पंचविधे पन्नत्ते, तं जहा -- कालवण्णकरणे जाव सुक्किलवणकरणे ।
एवं भेदो-- गंधकर दुविधे, रसकरणे पंचविधे, फासकरणे अट्ठविधे।
संठाणकरणे णं भंते! कतिविधे पन्नत्ते? गोयमा ! पंचविधे पन्नत्ते, तं जहा-परिमंडलसंठाणकरणे जाव आयतसंठाणकरणे ।
[७७५] दव्वे खित्ते काले भवे य भावे य सरीर करणे य | इंदिय करणं भासा मणे कसाए समुग्धाए ॥ [७७६] सण्णा लेस्सा दिट्ठी वेए पाणाइवायकरणे य I पुग्गल करणे वण्णे गंध-रस- फास संठाणे || [७७७] सेवं भंते! सेवं भंते! त्ति जाव विहरति ।।
* एगूणवीस मे सए नवमो उद्देसो समतो* ० दसमो उद्देसो 0
०
[७७८] वाणमंतरा णं भंते! सव्वे समाहारा ०? एवं जहा सोलसमसए दीवकुमारुद्देसओ जाव अप्पिड्ढीय त्ति। सेवं भंते! सेवं भंते! त्ति जाव विहरति ।
* एगूणवीस मे सए दसमो उद्देसो समत्तो • - गुणवीसतिमं सयं समत्तं - ०
मुनि दीपरत्नसागरेण संशोधितः सम्पादित्तश्च एगुणवीसतिमं सतं समत्तं •
[] वीसइमं सयं []
[७७९] बेइंदिय मागासे पाणवहे उवचए य परमाणू ।
अंतर बंधे भूमी चारण सोवक्कमा जीवा ।। ० पढमो उद्देसो ०
[७८०] रायगिहे जाव एवं वयासि
सिय भंते! जाव चत्तारि पंच बेंदिया एगयओ साधारणसरीरं बंधंति, एग० बं० २ ततो पच्छा आहारेंति वा परिणामेंति वा सरीरं वा बंधंति? नो तिणट्ठे समट्ठे, बेंदिया णं पत्तेयाहारा य पत्तेयपरिणामा पत्तेयसरीरं बंधंति, प0 बं०२ ततो पच्छा आहारेंति वा परिणामेंति वा सरीरं वा बंधति ।
[दीपरत्नसागर संशोधितः ]
[390]
[५-भगवई]
