________________
सतं-१९, वग्गो- ,सत्तंसत्तं- , उद्देसो-८
-सम्मद्दिछिनिव्वत्ती, मिच्छादिछिनिव्वत्ती, सम्मामिच्छादिठिनिव्वत्ती।
एवं जाव वेमाणियाणं, जस्स जतिविधा दिट्ठी।
कतिविहा णं भंते! नाणनिव्वत्ती पन्नता? गोयमा! पंचविहा नाणनिव्वत्ती पन्नता, तं जहा-- आभिणिबोहियनाणनिव्वत्ती जाव केवलनाणनिव्वत्ती।
एवं एगिंदियवज्जं जाव वेमाणियाणं, जस्स जति नाणा।
कतिविधा णं भंते! अन्नाणनिव्वत्ती पन्नत्ता? गोयमा! तिविहा अन्नाणनिव्वत्ती पन्नता, तं जहा--मइअन्नाणनिव्वत्ती सुयअन्नाणनिव्वत्ती विभंगनाणनिव्वत्ती।
एवं जस्स जति अन्नाणा जाव वेमाणियाणं।
कतिविधा णं भंते! जोगनिव्वत्ती पन्नता? गोयमा! तिविहा जोगनिव्वती पन्नता, तं जहा-- मणजोगनिव्वत्ती, वइजोगनिव्वत्ती, कायजोगनिव्वत्ती।
एवं जाव वेमाणियाणं, जस्स जतिविधो जोगो।
कतिविधा णं भंते! उवयोगनिव्वत्ती पन्नता? गोयमा! दुविहा उवयोगनिव्वत्ती पन्नता, तं जहा--सागारोवयोगनिव्वत्ती, अणागारोवयोगनिव्वत्ती।
एवं जाव वेमाणियाणं। [७७१] जीवाणं निव्वति कम्मपगडी सरीर निव्वत्ति |
सव्विंदिय निव्वत्ति भासा य मणे कसाया य || [७७२] वण्ण रस गंध फासे संठाअ विहीय बोद्धव्वा |
लेस दिट्ठी नाणे उवओगे चेव जोगे य || [७७३] सेवं भंते! सेवं भंते! ति।
एगणवीसड़मे सए अट्ठमो डेसो समतो.
0 नवमो उद्देसो 0 [७७४]कतिविधे णं भंते! करणे पन्नत्ते? गोयमा! पंचविहे करणे पन्नते, तं जहा--दव्वकरणे खेतकरणे कालकरणे भवकरणे भावकरणे।
नेरतियाणं भंते! कतिविधे करणे पन्नते? गोयमा! पंचविहे करणे पन्नते, तं जहा--दव्वकरणे जाव भावकरणे।
एवं जाव वेमाणियाणं।
कतिविधे णं भंते! सरीरकरणे पन्नते? गोयमा! पंचविधे सरीरकरणे पन्नते, तं जहा-- ओरालियसरीरकरणे जाव कम्मगसरीरकरणे।
एवं जाव वेमाणियाणं, जस्स जति सरीराणि।
कतिविधे णं भंते! इंदियकरणे पन्नते? गोयमा! पंचविधे इंदियकरणे पन्नते, तं जहा-- सोतिदियकरणे जाव फासिंदियकरणे।
एवं जाव वेमाणियाणं, जस्स जति इंदियाई। एवं एएणं कमेणं भासाकरणे चठविहे। मणकरणे चठविहे। कसायकरणे चठविहे।
[दीपरत्नसागर संशोधितः]
[389]
[५-भगवई
