Page Text
________________
सतं-२०, वग्गो- ,सत्तंसत्तं- , उद्देसो-१
तेसि णं भंते! जीवाणं कति लेस्साओ पन्नताओ? गोयमा! तयो लेस्साओ पन्नताओ, तं जहा--कण्हलेस्सा नीललेस्सा काउलेस्सा, एवं जहा एगूणवीसतिमे सए तेउकाइयाणं जाव उव्वांति, नवरं सम्मद्दिट्ठी वि, मिच्छद्दिट्ठी वि, नो सम्मामिच्छादिट्ठी; दो नाणा, दो अन्नाणा नियम; नो मणजोगी, वयजोगी वि, कायजोगी वि; आहारो नियमं छद्दिसिं।
तेसि णं भंते! जीवाणं एवं सन्ना ति वा पन्ना ति वा मणे ति वा वथी ति वा 'अम्हे णं इट्ठाणिढे रसे इट्ठाणिठे फासे पडिसंवेदेमो'? णो तिणठे समठे, पडिसंवेदेति पुण ते। ठिती जहन्नेणं अंतोमुहतं, उक्कोसेणं बारस संवच्छराई। सेसं तं चेव।
एवं तेइंदिया वि। एवं चरिंदिया वि। नाणतं इंदिएसु ठितीए य, सेसं तं चेव, ठिती जहा पन्नवणाए।
सिय भंते! जाव चत्तारि पंच पंचेंदिया एगयओ साहारण एवं जहा बिंदियाणं, नवरं छ लेसाओ, दिट्ठी तिविहा वि; चत्तारिनाणा, तिण्णि अण्णाणा भयणाए; तिविहो जोगो।
तेसि णं भंते! जीवाणं एवं सन्ना ति वा पण्णा ति वा जाव वती ति वा 'अम्हे णं आहारमाहारेमो'? गोयमा! अत्थेगइयाणं एवं सण्णा ति वा पण्णा ति वा मणो ति वा वती ति वा 'अम्हे णं आहारमाहारेमो', अत्थेगइयाणं नो एवं सन्ना ति वा जाव वती ति वा अम्हे णं आहारमाहारेमो', आहारेंति पुण ते।
तेसि णं भंते! जीवाणं एवं सन्ना ति वा पण्णा ति वा जाव वती ति वा 'अम्हे णं इट्ठाणिठे सद्दे, इट्ठाणिढे रूवे, इट्ठाणिढे गंधे, इट्ठाणिठे रसे, इट्ठाणिढे फासे पडिसंवेदेमो'? गोयमा! अत्थेगइयाणं एवं सन्ना ति वा जाव वयी ति वा 'अम्हे णं इट्ठाणिठे सद्दे जाव इट्ठाणिठे फासे पडिसंवेदेमो', अत्थेगइयाणं नो एवं सण्णा ति वा जाव वती इ वा 'अम्हे णं इट्ठाणिठे सद्दे जाव इट्ठाणिठे फासे पडिसंवेदेमो', पडिसंवेदेति पूण ते।
ते णं भंते! जीवा किं पामातिवाए उवक्खाइज्जति० पुच्छा। गोयमा! अत्थेगतिया पाणातिवाए वि उवक्खाइज्जति जाव मिच्छादसणसल्ले वि उवक्खाइज्जति; अत्थेगतिया नो पाणातिवाए उवक्खाइज्जंति, नो मुसावादे जाव नो मिच्छादसणसल्ले उवक्खाइज्जंति। जेसि पि णं जीवाणं ते जीवा एवमाहिज्जति तेसिं पे णं जीवाणं अत्थेगइयाणं विन्नाए नाणते, अत्थेगइयाणं नो विन्नाए नाणते। उववातो सव्वतो जाव सव्वट्ठसिद्धाओ। ठिती जहन्नेणं अंतोमुहतं, उक्कोसेणं तेत्तीसं सागरोवमाइं। छस्समुग्घाया केवलिवज्जा। उव्वाणा सव्वत्थ गच्छंति जाव सव्वट्ठसिद्धं ति। सेसं जहा बेंदियाणं।
एएसि णं भंते! बेइंदियाणं जाव पंचेंदियाण य कयरे जाव विसेसाहिया वा? गोयमा! सव्वत्थोवा पंचेंदिया, चरिंदिया विसेसाहिया, तेइंदिया विसेसाहिया, बेइंदिया विसेसाहिया। सेवं भंते! सेवं भंते! जाव विहरति।
*वीसइमे सए पढ़मो उद्देसो समत्तो
0 बीओ उद्देसो 0 [७८१] कतिविधे णं भंते! आगासे पन्नते? गोयमा! दुविधे आगासे पन्नत्ते, तं जहा-लोयागासे य अलोयागासे य।
[दीपरत्नसागर संशोधितः]
[391]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |