________________
सतं-१९, वग्गो - ,सत्तंसत्तं- , उद्देसो-७
एवं जाव थणियकुमारावासा।
केवतिया णं भंते! वाणमंतरभोमेज्जनगरावाससयसहस्सा पन्नता? गोयमा! असंखेज्जा वाणमंतरभोमेज्जनगरावाससयसहस्सा पन्नत्ता।
ते णं भंते! किंमया पन्नत्ता? सेसं तं चेव।
केवतिया णं भंते! जोतिसियविमाणावाससयसहस्सा0 पुच्छा। गोयमा! असंखेज्जा जोतिसियविमाणावाससयसहस्सा पण्णता।
ते णं भंते! किंमया पन्नत्ता? गोयमा! सव्वफालिहामया अच्छा, सेसं तं चेव।
सोहम्मे णं भंते! कप्पे केवतिया विमाणावाससयसहस्सा पन्नता? गोयमा! बत्तीसं विमाणावाससयसहस्सा०/
ते णं भंते! किंमया पन्नता? गोयमा! सव्वरयणामया अच्छा, सेसं तं चेव। एवं जाव अणुतरविमाणा, नवरं जाणियव्वा जतिया भवणा विमाणा वा। सेवं भंते! सेवं भंते! तिला
*एगणवीसइमे सए सत्तमो उद्देसो समतो
0 अट्ठमो उद्देसो 0 [७७०] कतिविधा णं भंते! जीवनिव्वत्ती पन्नता? गोयमा! पंचविहा जीवनिव्वती पन्नता, तं जहा-एगिंदियजीवनिव्वती जाव पंचिंदियजीवनिव्वत्ती।
एगिंदियजीवनिव्वत्ती णं भंते! कतिविधा पन्नता? गोयमा! पंचविधा पन्नता, तं जहा-- पुढविकाइयएगिंदियजीवनिव्वत्ती जाव वणस्सइकाइयएगिदियजीवनिव्वत्ती।
पुढविकाइयएगिदियजीवनिव्वत्ती णं भंते! कतिविधा पन्नता? गोयमा! दुविहा पन्नत्ता, तं जहा--सुहमपुढविकाइयएगिदियजीवनिव्वत्ती य बायरपुढवि०।
एवं एएणं अभिलावेणं भेदो जहा वड्डगबंधे तेयगसरीरस्स जाव- सव्वट्ठसिद्धअणुतरोववातिय-कप्पातीत-वेमाणियदेव-पंचेंदियजीवणिव्वत्ती णं भंते! कतिविहा पन्नत्ता? गोयमा! विहा पन्नता, तं जहा- पज्जत्तगसव्वट्ठसिद्धअणुत्तरोववातिय जाव देवपंचेंदियजीवनिव्वत्ती य अपज्जग सव्वट्ठसिद्ध-अणुत्तरोववाइय जाव देवपंचेंदियजीवनिव्वत्ती य।
कतिविधा णं भंते! कम्मनिव्वत्ती पन्नता? गोयमा! अट्ठविहा कम्मनिव्वत्ती पन्नता, तं जहा--नाणावरणिज्जकम्मनिव्वती जाव अंतराइयकम्मनिव्वत्ती।
नेरतियाणं भंते! कतिविधा कम्मनिव्वत्ती पन्नता? गोयमा! अट्ठविहा कम्मनिव्वत्ती पन्नता, तं जहा--नाणावरणिज्जकम्मनिव्वत्ती जाव अंतराइयकम्मनिव्वत्ती।
एवं जाव वेमाणियाणं।
कतिविधा णं भंते! सरीरनिव्वत्ती पन्नत्ता? गोयमा! पंचविधा सरीरनिव्वत्ती पन्नता, तं जहाओरालियसरीरनिव्वत्ती जाव कम्मगसरीरनिव्वत्ती।
नेरतियाणं भंते!0 एवं चेव। एवं जाव वेमाणियाणं, नवरं नायव्वं जस्स जति सरीराणि।
[दीपरत्नसागर संशोधितः]
[387]
[५-भगवई
