________________
सतं-१९, वग्गो-,सत्तंसत्तं-, उद्देसो-४
एवं जाव मणुस्सा । वाणमंतर-जोतिसिय-वेमाणिया जहा असुरकुमारा । सेवं भंते! सेवं भंते! ति०।
य अनिदा य।
* एगूणवीस मे सए चउत्थो उद्देसो समतो* ० पंचमो उद्देसो 0
[७६६] अत्थि णं भंते! चरमा वि नेरतिया, परमा वि नेरतिया? हंता, अत्थि ।
से नूणं भंते! चरमेहिंतो नेरइएहिंतो परमा नेरतिया महाकम्मतरा चेव, महाकिरियतरा चेव, महसवतरा चेव, महावेयणतरा चेव; परमेहिंतो वा नेरइएहिंतो चरमा नेरतिया अप्पकम्मतरा चेव, अप्पकिरियतरा चेव, अप्पस्सवतरा चेव, अप्पवेयणतरा चेव? हंता, गोयमा ! चरमेहिंतो नेरइएहिंतो परमा जाव महावेयणतरा चेव; परमेहिंतो वा नेरइएहिंतो चरमा नेरइया जाव अप्पवेयणतरा चेव।
से केणट्ठेणं भंते! एवं वुच्चइ जाव अप्पवेयणतरा चेव? गोयमा ! ठितिं पडुच्च, सेतेणट्ठेणं गोयमा! एवं वुच्चइ जाव अप्पवेयणतरा चेव ।
अत्थि णं भंते! चरमा वि असुरकुमारा, परमा वि असुरकुमारा? एवं चेव, नवरं विवरीयं भाणियव्वं--परमा अप्पकम्मा चरमा महाकम्मा, सेसं तं चेव । जाव थणियकुमारा ताव एमेव ।
पुढविकाइया जाव मणुस्सा एए जहा नेरइया । वाणमंतर-जोतिस-वेमाणिया जहा असुरकुमारा ।
[७६७] कतिविधा णं भंते! वेयणा पन्नत्ता ? गोयमा ! दुविहा वेयणा पन्नत्ता, तं जहा- निदा
नेरइया णं भंते! किं निदायं वेयणं वेएंति, अनिदायं? जहा पन्नवणाए जाव वेमाणिय त्ति । सेवं भंते! सेवं भंते! ति० ।
• एगूणवीसड़मे सए पंचमो उद्देसो समतो*
० छट्ठो उद्देसओ 0
[७६८] कहि णं भंते! दीव-समुद्दा?, केवतिया णं भंते! दीव-समुद्दा?, किंसंठिया णं भंते! दीवसमुद्दा? एवं जहा जीवाभिगमे दीव-समुद्दुद्देसो सो चेव इह वि जोतिसमंडिउद्देसगवज्जो भाणियव्वो ज परिणामो जीवउववाओ जाव अनंतखुत्तो ।
सेवं भंते! सेवं भंते! ति० ।
*एगूणवीसइमे सए छट्ठो उद्देसो समत्तो* ० सत्तमो उद्देसो 0
[७६९] केवतिया णं भंते! असुरकुमारभवणावाससयहस्सा पन्नत्ता ? गोयमा! चोयट्ठिं असुरकुमार भवणावाससयसहस्सा पन्नत्ता ।
ते णं भंते! किंमया पन्नत्ता ? गोयमा ! सव्वरयणामया अच्छा सण्हा जाव पडिरूवा । तत्थ णं बहवे जीवा य पोग्गला य वक्कमंति विउक्कमंति चयंति उववज्जंति, सासया णं ते भवणा दव्वट्ठयाए, वण्णपज्जवेहिं जाव फासपज्जवेहिं असासया ।
[दीपरत्नसागर संशोधितः]
[386]
[५-भगवई]
