Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 383

सतं-१९, वग्गो - ,सत्तंसत्तं- , उद्देसो-३
पच्छा आहारेंति वा परिणामेंति वा सरीरं वा बंधंति? नो तिणढे समढे, पुढविकाइया णं पत्तेयाहारा, पत्तेयपरिणामा, पत्तेयं सरीरं बंधति प० बंर ततो पच्छा आहारेंति वा, परिणामेंति वा, सरीरं वा बंधंति।
तेसि णं भंते! जीवाणं कति लेस्साओ पन्नताओ? गोयमा! चत्तारि लेस्साओ पन्नताओ? तं जहा-कण्ह0 नील0 काठ0 ते30।
ते णं भंते! जीवा किं सम्मद्दिट्ठी, मिच्छादिट्ठी, सम्मामिच्छट्ठिी ? गोयमा! नो सम्मद्दिट्ठी, नो सम्मामिच्छादिट्ठी।
ते णं भंते! जीवा किं नाणी, अन्नाणी? गोयमा! नो नाणी; अन्नाणी, नियमा दुअन्नाणी, तं जहा--मतिअन्नाणी य सुयअन्नाणी य।
ते णं भंते! जीवा किं मणजोगी, वइजोगी, कायजोगी? गोयमा! नो मणजोगी, नो वइजोगी, कायजोगी।
ते णं भंते! जीवा किं सागारोवउत्ता, अणागारोवउत्ता? गोयमा! सागारोवउत्ता वि, अणागारोवउत्ता
वि।
ते णं भंते! जीवा किमाहारमाहारेंति? गोयमा! दव्वओ अणंतपएसियाई दव्वाइं एवं जहा पन्नवणाए पढमे आहारुद्देसए जाव सव्वप्पणयाए आहारमाहारेंति।
ते णं भंते! जीवा जमाहारेति तं चिज्जति, जं नो आहारेंति तं नो चिज्जइ, चिण्णे वा से उद्दाति पलिसप्पति वा? हंता, गोयमा! ते णं जीवा जमाहारेंति तं चिज्जति, जं नो जाव पलिसप्पति वा।
तेसि णं भंते! जीवाणं एवं सन्ना ति वा पन्ना ति वा मणो ति वा वई ति वा अम्हे णं आहारमाहारेमो'? णो तिणठे, समठे, आहारेंति पुण ते।
तेसि णं भंते! जीवाणं एवं सन्ना ति वा जाव वयी ति वा अम्हे णं इट्ठाणिठे फासे पडिसंवेदेमो? नो तिणढे समठे, पडिसंवेदेति पुण ते।
ते णं भंते! जीवा किं पाणातिवाए उवक्खाइज्जंति, मुसावाए अदिण्णा0 जाव मिच्छादंसणसल्ले उवक्खाइज्जति?
गोयमा पाणातिवाए वि उवक्खाइज्जंति जाव मिच्छादंसणसल्ले वि उवक्खाइज्जंति, जेसिं पिणं जीवाणं ते जीवा 'एवमाहिज्जंति' तेसि पिणं जीवाणं नो विण्णाए नाणते।
ते णं भंते! जीवा कओहिंतो उववज्जंति? किं नेरइएहिंतो उववज्जंति? एवं जहा वक्कंतीए पुढविकाइयाणं उववातो तहा भाणितव्वो।
तेसि णं भंते! जीवाणं केवतियं कालं ठिती पन्नता? गोयमा! जहन्नेणं अंतोमुहतं, उक्कोसेणं बावीसं वाससहस्साइं।
तेसि णं भंते! जीवाणं कति समुग्घाया पन्नता? गोयमा! तओ समुग्घाया पन्नत्ता, तं जहा-- वेदणासमुग्घाए कसायसमुग्घाए मारणंतियसमुग्घाए।
ते णं भंते! जीवा मारणंतियसमुग्घाएणं किं समोहया मरंति, असमोहया मरंति? गोयमा! समोहया वि मरंति, असमोहया वि मरंति।
ते णं भंते! जीवा अणंतरं उव्वटिता कहिं गच्छंति? कहिं उववज्जंति? एवं उव्वाणा जहा वक्कंतीए।
[दीपरत्नसागर संशोधितः]
[382]
[५-भगवई