Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 381

सतं-१८, वग्गो- ,सत्तंसत्तं- , उद्देसो-१०
जिभिंदिय-फासिंदियाई निरुवहयाई वसे वति, से तं इंदियजवणिज्जे।
से किं तं नोइंदियजवणिज्जे? नोइंदियजवणिज्जे-जं मे कोह-माण-माया-लोभा वोच्छिन्ना, नो उदीरेंति, से तं नोइंदियजवणिज्जे। से तं जवणिज्जे।
किं ते भंते! अव्वाबाह? सोमिला! जं मे वातिय-पित्तिय-सेंभिय-सन्निवातिया विविहा रोगायंका सरीरगया दोसा उवसंता, नो उदीरेंति, से तं अव्वाबाह।
किं ते भंते! फासुयविहारं? सोमिला! जं णं आरामेसु उज्जाणेसु देवकुलेसु सभासु पवासु इत्थी-पसु-पंडगविवज्जियासु वसहीसु फासुएसणिज्जं पीढ-फलग-सेज्जा-संथारगं उवसंपज्जिताणं विहरामि, से तं फासुयविहारं।
सरिसवा ते भंते किं भक्खेया, अभक्खेया? सोमिला! सरिसवा मे भक्खेया वि, अभक्खेया वि
से केणढेणं भंते! एवं वुच्चइ सरिसवा मे भक्खेया वि, अभक्खेया वि? से नूणं सोमिला! बंभण्णएसु नएसु दुविहा सरिसवा पण्णता, तं जहा--मित्तसरिसवा य धन्नसरिसवा य। तत्थ णं जे ते मित्तसरिसवा ते तिविहा पन्नत्ता, तं जहा--सहजायए सहवड्ढियए सहपंसुकीलियए; ते णं समणाणं निग्गंथाणं अभक्खेया। तत्थ णं जे ते धन्नसरिसवा ते विहा पन्नता, तं जहा--सत्थपरिणया य असत्थपरिणया य। तत्थ णं जे ते असत्थपरिणया ते णं समणाणं निग्गंथाणं अभक्खेया। तत्थ णं जे ते सत्थपरिणया ते दुविहा पन्नता, तं जहा--एसणिज्जा य अणेसणिज्जा य। तत्थ णं जे ते अणेसणिज्जा ते णं समणाणं निग्गंथाणं अभक्खेया। तत्थ णं जे ते एसणिज्जा ते दुविहा पन्नत्ता, तं जहा--जाइता य अजाइया य। तत्थ णं जे ते अजाइता ते णं समणाणं निग्गंथाणं अभक्खेया। तत्थ णं जे ते जायिया ते विहा पन्नत्ता, तं जहा--लद्धा य अलद्धा य। तत्थ णं जे ते अलद्धा ते णं समणाणं निग्गंथाणं अभक्खेया। तत्थ णं जे ते लद्धा ते णं समणाणं निग्गंथाणं भक्खेया। सेतेणठेणं सोमिला! एवं वुच्चइ जाव अभक्खेया वि।
मासा ते भंते! किं भक्खेया, अभक्खेया? सोमिला! मासा मे भक्खेया वि, अभक्खेया वि।
से केणठेणं जाव अभक्खेया वि? से नूणं सोमिला! बंभण्णएसु नएसु दुविहा मासा पन्नता, तं जहा--दव्वमासा य कालमासा य। तत्थ णं जे ते कालमासा ते णं सावणादीया आसाढपज्जवसाणा दुवालस, तं जहा--सावणे भद्दवए आसोए कत्तिए मग्गसिरे पोसे माहे फग्गुणे चेते वइसाहे जेट्ठामूले आसाढे, ते णं समणाणं निग्गंथाणं अभक्खेया। तत्थ णं जे ते दव्वमासा ते दुविहा पन्नत्ता, तं जहाअत्थमासा य धण्णमासा य। तत्थ णं जे ते अत्थमासा ते दुविहा पन्नता, तं जहा--सुवण्णमासा य रुप्पमासा य; ते णं समणाणं निग्गंथाणं अभक्खेया। तत्थ णं जे ते धन्नमासा ते दुविहा पन्नता, तं जहासत्थपरिणया य असत्थपरिणया य। एवं जहा धन्नसरिसवा जाव सेतेणठेणं जाव अभक्खेया वि।
कुलत्था ते भंते! किं भक्खेया, अभक्खेया? सोमिला! कुलत्था मे भक्खेया वि, अभक्खेया वि।
से केणठेणं जाव अभक्खेया वि? से नूणं सोमिला! बंभण्णएसु नएसु दुविहा कुलत्था पन्नता, तं जहा--इत्थिकुलत्था य धन्नकुलत्था य। तत्थ णं जे ते इत्थिकुलत्था ते तिविहा पन्नत्ता, तं जहा--कुलवधू ति वा कुलमाउया ति वा कुलधूया ति वा; ते णं समणाणं निग्गंथाणं अभक्खेया। तत्थ णं जे ते धन्नकुलत्था एवं जहा धन्नसरिसवा जाव सेतेणढेणं जाव अभक्खेया वि।
[७५७] एगे भवं, वे भवं, अक्खए भवं, अव्वए भवं, अवट्ठिए भवं, अणेगभूयभावभविए
[दीपरत्नसागर संशोधितः]
[380]
[५-भगवई