________________
सतं-१८, वग्गो- ,सत्तंसत्तं- , उद्देसो-९
तेउ-वाउ-बेंदिय-तेंदिय-चठरिंदियाण य जे भविए तिरिक्खजोणिए वा मणुस्से वा।
पंचेंदियतिरिक्खजोणियाणं जे भविए नेरइए वा तिरिक्खजोणिए वा मणुस्से वा देवे वा पंचेंदियतिरिक्खजोणिए वा।
एवं मणुस्साण वि। वाणमंतर-जोतिसिय-वेमाणियाणं जहा नेरइया।
भवियदव्वनेरइयस्स णं भंते! केवतियं कालं ठिती पन्नता? गोयमा! जहन्नेणं अंतोमुहतं, उक्कोसेणं पुव्वकोडी।
भवियदव्वअसुरकुमारस्स णं भंते! केवतियं कालं ठिती पन्नता? गोयमा! जहन्नेणं अंतोमुहतं, उक्कोसेणं तिन्नि पलिओवमाइं।
एवं जाव थणियकुमारस्स।
भवियदव्वपुढविकाइयस्स णं0 पुच्छा। गोयमा! जहन्नेणं अंतोमुहत्तं, उक्कोसेणं सातिरेगाइं दो सागरोवमाइं।
एवं आउकाइयस्स वि। तेउ-वाऊ जहा नेरइयस्स। वणस्सइकाइयस्स जहा पुढविकाइयस्स। बेइंदिय-तेइंदिय-चतुरिंदियस्स जहा नेरइयस्स। पंचेंदियतिरिक्खजोणियस्स जहन्नेणं अंतोमुहतं, उक्कोसेणं तेतीसं सागरोवमाइं। एवं मणुस्सस्स वि। वाणमंतर-जोतिसिय-वेमाणियस्स जहा असुरकुमारस्स। सेवं भंते! सेवं भंते! ति।
अठारसमे सए नयमो उद्देसो समतो.
0 दसमो उद्देसो 0 [७५३] रायगिहे जाव एवं वदासिअणगारे णं भंते! भावियप्पा असिधारं वा खुरधारं वा ओगाहेज्जा? हंता, ओगाहेज्जा।
से णं तत्थ छिज्जेज्ज वा भिज्जेज्ज वा? णो इणढे समठे। णो खलु तत्थ सत्थं कमति।
एवं जहा पंचमसते परमाणुपोग्गलवत्तव्वता जाव अणगारे णं भंते! भावियप्पा उदावत्तं वा जाव नो खलु तत्थ सत्थं कमति।
[७५४] परमाणुपोग्गले णं भंते ! वाठयाएणं फुडे, वाउयाए वा परमाणुपोग्गलेणं फुडे ? गोयमा! परमाणुपोग्गले वाउयाएणं फुडे, नो वाठयाए परमाणुपोग्गलेणं फुडे।
दुपएसिए णं बंते! खंधे वाउयाएणं0? एवं चेव। एवं जाव असंखेज्जपएसिए। अणंतपएसिए णं भंते! खंधे वाउ0 पुच्छा। गोयमा! अणंत पएसिए खंधे वाठयाएणं फुडे,
[दीपरत्नसागर संशोधितः]
[378]
[५-भगवई
