Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 376

सतं-१८, वग्गो - ,सत्तंसत्तं- , उद्देसो-७
[७४६] अत्थि णं भंते! देवासुरा संगामा, देवासुरा संगामा? हंता, अत्थि।
देवासुरेसु णं भंते! संगामेसु वटामाणेसु किं णं तेसिं देवाणं पहरणरयणताए परिणमति? गोयमा! जं णं ते देवा तणं वा कटुं वा पत्तं वा सक्करं वा परामुसंति तं णं तेसिं देवाणं पहरणरयणत्ताए परिणमति।
जहेव देवाणं तहेव असुरकुमाराणं? णो इणठे समठे। असुरकुमाराणं देवाणं निच्चं विठव्विया पहरणरयणा पन्नता।
[७४७] देवे णं भंते! महिड्ढीए जाव महेसक्खे पभू लवणसमुदं अणुपरियटिा ताणं हव्वमागच्छित्तए? हंता, पभू।।
देवे णं भंते! महिड्ढीए एवं धातइसंडं दीवं जाव हंता, पभू। एवं जाव रुयगवरं दीवं जाव हंता, पभू। तेण परं वीतीवएज्जा, नो चेव णं अणुपरियोज्जा।
[७४८] अत्थि णं भंते! ते देवा जे अणंते कम्मसे जहन्नेणं एक्केण वा दोहि वा तीहि वा, उक्कोसेणं पंचहिं वाससएहिं खवयंति? हंता, अत्थि।
अत्थि णं भंते! ते देवा जे अणंते कम्मसे जहन्नेणं एक्केण वा दोहि वा तीहि वा, उक्कोसेणं पंचहिं वाससहस्सेहिं खवयंति? हंता, अत्थि।।
अत्थि णं भंते! ते देवा जे अणंते कम्मसे जहन्नेणं एक्केण वा दोहि वा तीहि वा, उक्कोसेणं पंचहिं वाससयसहस्सेहिं खवयंति? हंता, अत्थि।
कयरे णं भंते! ते देवा जे अणंते कम्मसे जहन्नेणं एक्केण वा जाव पंचहिं वाससतेहिं खवयंति? कयरे णं भंते! ते देवा जाव पंचहिं वाससहस्सेहिं खवयंति? कयरे णं भंते! ते देवा जाव पंचहिं वाससतसहस्सेहिं खवयंति? गोयमा! वाणमंतरा देवा अणंते कम्मंसे एगेणं वाससएणं खवयंति, असुरिंदवज्जिया भवणवासी देवा अणंते कम्मसे दोहिं वाससएहिं खवयंति, असुरकुमारा(?रिंदा) देवा अणंते कम्मसे तीहिं वाससएहिं खवयंति, गह-नक्खत्त-तारारूवा जोतिसिया देवा अणंते कम्मसे चतुवास जाव खवयंति, चंदिम-सूरिया जोतिसिंदा जोतिसरायाणो अणंते कम्मसे पंचहिं वाससएहिं खवयंति।।
सोहम्मीसाणगा देवा अणंते कम्मंसे एगेणं वाससहस्सेणं जाव खवयंति, सणंकुमार-माहिंदगा देवा अणंते कम्मसे दोहिं वाससहस्सेहिं खवयंति, एवं एएणं अभिलावेणं बंभलोग-लंतगा देवा अणंते कम्मंसे तीहिं वाससहस्सेहिं खवयंति, महासुक्क-सहस्सारगा देवा अणंते0 चरहिं वाससह०, आणय-पाणयआरण-अच्चुयगा देवा अणंते0 पंचहिं वाससहस्सेहिं खवयंति। हेट्ठिमगेवेज्जगा देवा अणंते कम्मसे एगेणं वाससयसहस्सेणं खवयंति, मज्झिमगेवेज्जगा देवा अणंते0 दोहिं वाससयसहस्सेहिं खवयंति, उवरिमगेवेज्जगा देवा अणंते कम्मसे तिहिं वाससयसह0 जाव खवयंति, विजय-वेजयंत-जयंत-अपराजियगा देवा अणंते0 चठहिं वास0 जाव खवयंति, सव्वट्ठसिद्धगा देवा अणंते कम्मसे पंचहिं वाससयसहस्सेहिं खवयंति। एए णं गोयमा! ते देवा जे अणंते कम्मसे जहन्नेणं एक्केण वा दोहि वा तीहि वा उक्कोसेणं पंचहिं वाससएहिं खवयंति। एए णं गोयमा! ते देवा जाव पंचहिं वाससहस्सेहिं खवयंति। एए णं गोयमा! ते देवा जाव पंचहिं वाससयसहस्सेहिं खवयंति। सेवं भंते! सेवं भंते! तिला
अठारसमे सए सतमो हेसो समतो. [दीपरत्नसागर संशोधितः]
[375]
[५-भगवई