________________
सतं-१८, वग्गो- ,सत्तंसत्तं- , उद्देसो-४
जाव मिच्छादंसणसल्ले, पुढविकाइए जाव वणस्सतिकाइए सव्वे य बादरबोंदिधरा कलेवरा, एए णं दुविहाजीवदव्वा य अजीवदव्वा य जीवाणं परिभोगत्ताए हव्वमागच्छंति। पाणातिवायवेरमणे जाव मिच्छादसणसल्लविवेगे, धम्मत्थिकाये अधम्मत्थिकाये जाव परमाणुपोग्गले, सेलेसिं पडिवन्नए अणगारे, एए णं विहा जीवदव्वा य अजीवदव्वा य जीवाणं परिभोगत्ताए नो हव्वमागच्छंति। सेतेणठेणं जाव नो हव्वमागच्छति।
[७३४] कति णं भंते! कसाया पन्नता? गोयमा! चत्तारि कसाया पन्नत्ता, तं जहा--कसायपयं निरवसेसं भाणियव्वं जाव निज्जरिस्संति लोभेणं।
कति णं भंते! जुम्मा पन्नता? गोयमा! चत्तारि जुम्मापन्नत्ता, तं जहा--कडजुम्मे तेयोए दावरजुम्मे कलिओए।
से केणठेणं भंते! एवं वुच्चति--जाव कलिओए? गोयमा! जे णं रासी चक्कएणं अवहारेणं अवहीरमाणे चउपज्जवसिए से तं कडजुम्मे। जे णं रासी चठक्कएणं अवहारेणं अवहीरमाणे तिपज्जवसिए से तं तेयोए। जे णं रासी चठक्कएणं अवहारेणं अवहीरमाणे दुपज्जवसिए से तं दावरजुम्मे। जे णं रासी चठक्कएणं अवहारेणं अवहीरमाणे एगपज्जवसिए से तं कलिओये, सेतेणठेणं गोतमा! एवं वुच्चति जाव कलिओए।
नेरतिया णं भंते! किं कडजुम्मा तेयोया दावरजुम्मा कलिओया? गोयमा! जहन्नपए कडजुम्मा, उक्कोसपए तेयोया, अजहन्नमणुक्कोसपदे सिय कडजुम्मा जाव सिय कलियोया।
एवं जाव थणियकुमारा।
वणस्सतिकातिया णं0 पुच्छा। गोयमा! जहन्नपदे अपदा, उक्कोसपदे अपदा, अजहन्नमणुक्कोसपदे सिय कडजम्मा जाव सिय कलियोगा।
बेइंदिया णं0 पुच्छा। गोयमा! जहन्नपए कडजुम्मा, उक्कोसपए दावरजुम्मा, अजहन्नमणु - क्कोसपए सिय कडजुम्मा जाव सिय कलियोगा।
एवं जाव चतुरिंदिया। सेसा एगिंदिया जहा बेंदिया। पंचिंदियतिरिक्खजोणिया जाव वेमाणिया जहा नेरतिया। सिद्धा जहा वणस्सतिकाइया।
इत्थीओ णं भंते! किं कडजुम्माओ0 पुच्छा। गोयमा! जहन्नपदे कडजुम्माओ, उक्कोसपए कडजुम्माओ, अजहन्नमणुक्कोसपए सिय कडजुम्माओ जाव सिय कलियोगाओ।
एवं असुरकुमारित्थीओ वि जाव थणियकुमारित्थीओ। एवं तिरिक्खजोणित्थीओ। एवं मणुस्सित्थीओ। एवं जाव वाणमंतर-जोतिसिय-वेमाणियदेवित्थीओ।
[७३५] जावतिया णं भंते! वरा अंधगवण्हिणो जीवा तावतिया परा अंधगवण्हिणो जीवा? हंता, गोयमा! जावतिया वरा अंधगवण्हिणो जीवा तावतिया परा अंधगवण्हिणो जीवा। सेवं भंते! सेवं भंते! ति।
अठारसमे सए चउत्थो उडेसो समतो.
[दीपरत्नसागर संशोधितः]
[369]
[५-भगवई
