Page Text
________________
सतं-१८, वग्गो-,सत्तंसत्तं-, उद्देसो-३
भंते! एवं? अज्जो !त्ति समणे भगवं महावीरे ते समणे निग्गंथे आमंतित्ता एवं वयासी
जं णं अज्जो! मागंदियपुत्ते अणगारे तुब्भे एवमाइक्खड़ जाव परूवे - `एवं खलु अज्जो! काउलेस्से पुढविकाइए जाव अंतं करेति, एवं खलु अज्जो ! काउलेस्से आउकाइए जाव अंतं करेति, एवं खलु वणस्सइकातिए वि जाव अंतं करेति सच्चे णं एसमट्ठे, अहं पि णं अज्जो ! एवमाइक्खामि ४ एवं खलु अज्जो! कण्हलेस्से पुढविकाइए कण्हलेस्सेहिंतो पुढविकाइएहिंतो जाव अंतं करेति, एवं खलु अज्जो ! नीललेस्से पुढविकाइ जाव अंतं करेति, एवं काउलेस्से वि, जहा पुढविकाइए एवं आउकाइए वि, एवं वणस्सतिकाइए वि, सच्चे णं एसमट्ठे ।
सेवं भंते! सेवं भंते! त्ति समणा निग्गंथा समणं भगवं महावीरं वंदंति नमंसंति, वं० २ जेणेव मागंदियपुत्ते अणगारे तेणेव उवागच्छंति, उवा० २ मागंदियपुत्तं अणगारं वंदंति नमंसंति, वं० २ एयमट्ठ सम्मं विणणं भुज्जो भुज्जो खामेंति ।
[७२९] तए णं से मागंदियपुत्ते अणगारे उठाए उट्ठेइ, उ0२ जेणेव समणे भगवं महावीरे तेणेव उवागच्छति, ते0 30 २ समणं भगवं महावीरं वंदति नम॑सति, वं० २ एवं वदासी- अणगारस्स णं भंते! भावियप्पणो सव्वं कम्मं वेदेमाणस्स, सव्वं कम्मं निज्जरेमाणस्स, सव्वं मारं मरमाणस्स, सव्वं सरीरं विप्पजहमाणस्स, चरिमं कम्मं वेदेमाणस्स, चरिमं कम्मं निज्जरेमाणस्स, चरिमं मारं मरमाणस्स, चरिमं सरीरं विप्पजहमाणस्स, मारणंतियं कम्मं वेदेमाणस्स, मारणंतियं कम्मं निज्जरेमाणस्स, मारणंतियं मारं मरमाणस्स, मारणंतियं सरीरं विप्पजहमाणस्स जे चरिमा निज्जरापोग्गला, सुहुमा णं ते पोग्गला पणत् समणाउसो! सव्वं लोगं पि णं ते ओगाहित्ताणं चिट्ठति ? हंता, मागंदियपुत्ता! अणगारस्स णं भावियप्पणो जाव ओगाहित्ताणं चिट्ठति ।
छठमत्थे णं भंते! मणुस्से तेसिं निज्जरापोग्गलाणं किंचि आणत्तं वा णाणत्तं वा एवं जहा इंदियउद्देसए पढमे जाव वेमाणिया जाव तत्थ णं जे ते उवउत्ता ते जाणंति पासंति आहारेंति, सेतेणट्ठेणं निक्खेवो भाणितव्वो ।
[७३०] कतिविधे णं भंते! बंधे पन्नत्ते? मागंदियपुत्ता! दुविहे बंधे पन्नत्ते, तं जहा--दव्वबंधे य
भावबंधे य
दव्वबंधे णं भंते ! कतिविधे पन्नत्ते ? मागंदियपुत्ता ! दुविधे पन्नत्ते, तं जहा- पयोगबंधे य वीससाबंधे य
वीससाबंधे णं भंते ! कतिविधे पन्नत्ते ? मागंदियपुत्ता! दुविधे पन्नत्ते, तं जहा - सादीयवीससाबंधे य अणादीयवीससाबंधे य ।
पयोगबंधे णं भंते! कतिविधे पन्नत्ते? मागंदियपुत्ता ! दुविहे पन्नत्ते, तं जहा--सिढिलबंधणबंधे य धणियबंधणबंधे य।
भावबंधे णं भंते! कतिविधे पन्नत्ते? मागंदियपुत्ता ! दुविहे पन्नत्ते, तं जहा -- मूलपगडिबंधे य
उत्तरपगडिबंधे य।
नेरइयाणं भंते! कतिविहे भावबंधे पन्नते? मागंदियपुत्ता ! दुविहे भावबंधे पन्नत्ते, तं जहा -- मूलपगडिबंधे य उत्तरपगडिबंधे य ।
एवं जाव वेमाणियाणं ।
[दीपरत्नसागर संशोधितः]
[367]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |