Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 367

सतं-१८, वग्गो - ,सत्तंसत्तं- , उद्देसो-२
धम्मियं उवदेसं सम्मं संपडिवज्जति तमाणाए तहा गच्छति जाव संजमति।
तए णं से कत्तिए सेट्ठी णेगमट्ठसहस्सेणं सद्धिं अणगारे जाए रियासमिए जाव गुत्तबंभचारी।
तए णं से कत्तिए अणगारे मुणिसुव्वयस्स अरहओ तहारूवाणं थेराणं अंतियं सामाइयमाइयाई चोद्दस पुव्वाइं अहिज्जइ, सा0 अ0 २ बहूहिं चउत्थछट्ठऽट्ठम0 जाव अप्पाणं भावेमाणे बहुपडिपुण्णाई वालसवासाइं सामण्णपरियागं पाउणति, ब0 पा० २ मासियाए संलेहणाए अत्ताणं झोसेइ, मा0 झो० २ सठिं भत्ताई अणसणाए छेदेति, स0 छे० २ आलोइय जाव कालं किच्चा सोहम्मे कप्पे सोहम्मवडेंसए विमाणे उववायसभाए देवसयणिज्जसि जाव सक्के देविंदताए उववन्ने।
तए णं से सक्के देविंदे देवराया अहङ्गोववन्ने। सेसं जहा गंगदत्तस्स जाव अंतं काहिति, नवरं ठिती दो सागरोवमाई सेसं तं चेव। सेवं भंते! सेवं भंते! ति।
*अट्ठारसमे सए बीइओ उद्देसो समत्तो
0 तइओ उद्देसो 0 [७२८] तेणं कालेणं तेणं समएणं रायगिहे नाम नगरे होत्था। वण्णओ। गुणसिलए चेतिए। वण्णओ। जाव परिसा पडिगया।
तेणं कालेणं तेणं समएणं समणस्स भगवतो महावीरस्स जाव अंतेवासी मागंदियपुत्ते नाम अणगारे पगतिभद्दए जहा मंडियपुत्ते जाव पज्जुवासमाणे एवं वयासी--से नूणं भंते! काठलेस्से पुढविकाइए काउलेस्सेहिंतो पुढविकाइएहिंतो अणंतरं उव्वटिात्ता माणुस्सं विग्गहं लभति, मा0 ल0 २ केवलं बोहिं बुज्झइ, केव0 बु०२ तओ पच्छा सिज्झति जाव अंतं करेति? हंता, मागंदियपुत्ता! काउलेस्से पुढविकाइए जाव अंतं करेति।
से नूणं भंते! काउलेस्से आठकाइए काउलेस्सेहिंतो आउकाइएहिंतो अणंतरं उव्वटिगता माणुस्सं विग्गहं लभति, माणुस्सं विग्गहं लभित्ता केवलं बोहिं बुज्झति जाव अंतं करेति? हंता, मागंदियपुत्ता! जाव अंतं करेति।
से नूणं भंते! काउलेस्से वणस्सइकाइए? एवं चेव जाव अंतं करेति।
सेवं भंते! सेवं भंते!'त्ति मागंदियपुत्ते अणगारे समणं भगवं महावीरं जाव नमंसिता जेणेव समणे निग्गंथे तेणेव उवागच्छति, ते0 30२ समणे निग्गंथे एवं वदासी--एवं खलु अज्जो! काउलेस्से पुढविकाइए तहेव जाव अंतं करेति। एवं खलु अज्जो! काउलेस्से आउक्काइए जाव अंतं करेति। एवं खलु अज्जो! काउलेस्से वणस्सतिकाइए जाव अंतं करेति'।
तए णं ते समणा निग्गंथा मागंदियपुत्तस्स अणगारस्स एवमाइक्खमाणस्स जाव एवं परूवेमाणस्स एयमलैं नो सद्दहति ३, एयमझें असद्दहमाणा ३ जेणेव समणे भगवं महावीरे तेणेव उवागच्छंति, ते0 30 २ समणं भगवं महावीरं वंदंति नमसंति, वं0 २ एवं वयासी--एवं खलु भंते! मागंदियपुत्ते अणगारे अम्हं एवमाइक्खड़ जाव परूवेइ-- एवं खलु अज्जो! काउलेस्से पुढविकाइए जाव अंतं करेति, एवं खलु अज्जो! काउलेस्से आउकाइए जाव अंतं करेति, एवं वणस्सतिकाइए वि जाव अंतं करेति। से कहमेयं
[दीपरत्नसागर संशोधितः]
[366]
[५-भगवई