________________
सतं-१८, वग्गो-,सत्तंसत्तं-, उद्देसो-१
भाणियव्वा ।
णाणी जहा सम्मद्दिट्ठी सव्वत्थ ।
आभिणिबोहियनाणी जाव मणपज्जवनाणी जहा आहारओ, जस्स जं अत्थि । केवलनाणी जहा नोसण्णीनो असण्णी ।
अण्णाणी जाव विभंगनाणी जहा आहारओ।
सजोगी जाव कायजोगी जहा आहारओ, जस्स जो जोगो अत्थि ।
अजोगी जहा नोसण्णीनो असण्णी ।
सागारोवउत्तो अणागारोवउत्तो य जहा अणाहारओ ।
सवेदओ जाव नपुंसगवेदओ जहा आहारओ ।
अवेदओ जहा अकसायी ।
ससरीरी जाव कम्मगसरीरी जहा आहारओ, नवरं जस्स जं अत्थि ।
असरीरी जहा नोभवसिद्धीयनोअभवसिद्धीओ।
पंचहिं पज्जत्तीहिं पंचहिं अपज्जत्तीहिं जहा आहारओ। सव्वत्थ एगत्त-पुहत्तेणं दंडगा
इमा लक्खणगाहा-
[७२५]
जो जं पाविहिति पुणो भावं सो तेण अचरिमो होइ। अच्चतवियोगो जस्स जेण भावेण सो चरिमो ॥
[७२६] सेवं भंते! सेवं भंते! 0 जाव विहरति ।
*अट्ठारसमे सए पढ़मो उद्देसो समत्तो*
० बीओ उद्देसो ०
[७२७] तेणं कालेणं तेणं समयेणं विसाहा नामं नगरी होत्था । वन्नओ । बहुपुत्तिए चेतिए । वण्णओ। सामी समोसढे जाव पज्जुवासति ।
तेणं कालेणं तेणं समएणं सक्के देविंदे देवराया वज्जपाणी पुरंदरे एवं जहा सोलसमसए बितिए उद्देसए तहेव दिव्वेण जाणविमाणेण आगतो; नवरं एत्थ आभियोगा वि अत्थि, जाव बत्तीसतिविहं विहिं वदंसेति, उव० २ जाव पडिगते ।
भंते! त्ति भगवं गोयमे समणं जाव एवं वदासी जहा ततियसते ईसाणस्स तहेव कूडागार दिट्ठतो, तहेव पुव्वभवपुच्छा जाव अभिसमन्नागया? `गोयमा' ईसमणे भगवं महावीरे भगवं गोतमं एवं वदासी-"एवं खलु गोयमा !, "तेणं कालेणं तेणं समएणं इहेव जंबुद्दीवे दीवे भारहे वासे हत्थिणापुरे नामं नगरे होत्था । वण्णओ। सहस्संबवणे उज्जाणे । वण्णओ।
तत्थ णं हत्थिणापुरे नगरे कत्तिए नामं सेट्ठी परिवसइ अड्ढे जाव अपरिभूए णेगमपढमासणिए, णेगमट्ठसहस्सस्स बहूसु कज्जेसु य कारणेसु य कोडुंबेसु य एवं जहा रायपसेणइज्जे चित्ते जाव चक्खुभूते णेगमट्ठसहस्सस्स सायस्स य कुटुंबस्स आहेवच्चं जाव करेमाणे पालेमाणे समणोवासए अभिगयजीवाजीवे जाव विहरति ।
तेणं कालेणं तेणं समएणं मुणिसुव्वयेअरहा आदिगरे जहा सोलसमसए तहेव जाव समोसढे
[५-भगवई]
[दीपरत्नसागर संशोधितः ]
[364]
