________________
सतं-१८, वग्गो-,सत्तंसत्तं-, उद्देसो-१
अपढमे ।
अत्थि ।
कण्हलेस्सा जाव सुक्कलेस्सा एवं चेव, नवरं जस्स जा लेसा अत्थि ।
अलेसे णं जीव- मणुस्स - सिद्धे जहा नोसण्णीनोअसण्णी ।
सम्मदिट्ठीए णं भंते! जीवे सम्मदिट्ठिभावेणं किं पढमे० पुच्छा। गोयमा ! सिय पढमे, सिय
एवं एगिंदियवज्जं जाव वेमाणिए ।
सिद्धे पढमे, नो अपढमे ।
पुहत्तिया जीवा पढमा वि, अपढमा वि।
एवं जाव वेमाणिया ।
सिद्धा पढमा, नो अपढमा ।
मिच्छादिट्ठीए एगत्त-पुहत्तेणं जहा आहारगा।
सम्मामिच्छद्दिट्ठीए एगत्त-पुहत्तेणं जहा सम्मद्दिट्ठी नवरं जस्स अत्थि सम्मामिच्छतं ।
संजए जीवे मणुस्से य एगत्त-पुहत्तेणं जहा सम्मद्दिट्ठी ।
अस्संजए जहा आहारए ।
संजयासंजये जीवे पंचिंदियतिरिक्खजोणिय मणुस्सा एगत्त-पुहत्तेणं जहा सम्मद्दिट्ठी । नोसंजए नोअसंजए नोसंजयासजये जीवे सिद्धे य एगत्तपुहत्तेणं पढमे, नो अपढमे । सकसायी कोहकसायी जाव लोभकसायी, एए एगत पुहत्तेणं जहा आहारए |
अकसायी जीवे सिय पढमे, सिय अपढमे ।
एवं मस्से वि
सिद्धे पढमे, नो अपढमे ।
पुहत्तेणं जीव मणुस्सा वि पढमा वि, अपढमा वि।
सिद्धा पढमा, नो अपढमा ।
णाणी एगत्त-पुहत्तेणं जहा सम्मद्दिट्ठी ।
आभिणिबोहियनाणि जाव मणपज्जवनाणी एगत्त-पुहत्तेणं एवं चेव, नवरं जस्स जं अत्थि । केवलनाणी जीवे मणुस्से सिद्धे य एगत्त पुहत्तेणं पढमा, नो अपढमा ।
अन्नाणि-मतिअन्नाणी सुयअन्नाणी विभंगनाणी य एगत्त-पुहत्तेणं जहा आहारए । सजोगी-मणजोगी वइजोगी कायजोगी एगत्त-पुहत्तेणं जहा आहारए, नवरं जस्स जो जोगो
अजोगी जीव-मणुस्स-सिद्धा एगत्त-पुहत्तेणं पढमा, नो अपढमा ।
सागारोवउत्ता अणागारोवउत्ता एगत्त-पुहत्तेणं जहा अणाहारए ।
सवेदगो जाव नपुंसगवेदगो एगत्त-पुहत्तेणं जहा आहारए, नवरं जस्स जो वेदो अत्थि ।
अवेदओ एगत्त-पुहत्तेणं तिसु वि पएसु जहा अकसायी।
ससरीरी जहा आहारए। एवं जाव कम्मगसरीरी, जस्स जं अत्थि सरीरं; नवरं आहारगसरीरी एगत्त-पुहत्तेणं जहा सम्मद्दिट्ठी ।
असरीरी जीवे सिद्धे; एगत्त-पुहत्तेणं पढमा, नो अपढमा ।
[362]
[दीपरत्नसागर संशोधितः ]
[५-भगवई
