Page Text
________________
सतं-१७, वग्गो- ,सत्तंसत्तं- , उद्देसो-३
एवं कालेयणा वि। एवं भवेयणा वि, भावेयणा वि; जाव देव भावेयणा।
[७०४] कतिविहा णं भंते! चलणा पन्नत्ता? गोयमा! तिविहा चलणा पन्नत्ता, तं जहा-सरीरचलणा इंदियचलणा जोगचलणा।
सरीरचलणा णं भंते! कतिविहा पन्नत्ता? गोयमा! पंचविहा पन्नता, तं जहा-- ओरालियसरीरचलणा जाव कम्मगसरीरचलणा।
इंदियचलणा णं भंते! कतिविहा पन्नता? गोयमा! पंचविहा पन्नता,तं जहा--सोतिंदियचलणा जाव फासिंदियचलणा।
जोगचलणा णं भंते! कतिविहा पन्नता? गोयमा! तिविहा पन्नता, तं जहा--मणजोगचलणा वइजोगचलणा कायजोगचलणा।
से केणठेणं भंते! एवं वुच्चइ--ओरालियसरीरचलणा, ओरालियसरीरचलणा? गोयमा! जं णं जीवा ओरालियसरीरे वटामाणा ओरालियसरीरपायोग्गाई दवाइं ओरालियसरीरत्ताए परिणामेमाणा ओरालियसरीरचलणं चलिंसु वा, चलंति वा, चलिस्संति वा, सेतेणठेणं जाव ओरालियसरीरचलणा, ओरालियसरीरचलणा।
से केणठेणं भंते! एवं वुच्चइ--वेठव्वियसरीरचलणा, वेठव्वियसरीरचलणा? एवं चेव, नवरं वेठव्वियसरीरे वा माणा।
एवं जाव कम्मगसरीरचलणा।
से केणढेणं भंते! एवं वुच्चइ--सोतिंदियचलणा, सोतिंदियचलणा? गोयमा! जं णं जीवा सोतिदिए वा माणा सोतिंदयपायोग्गाई दव्वाइं सोतिदियत्ताए परिणामेमाणा सोतिंदियचलणं चलिंसु वा, चलंति वा, चलिस्संति वा, सेतेणठेणं जाव सोतिंदियचलणा, सोतिंदियचलणा।
एवं जाव फासिंदियचलणा।
से केणठेणं भंते! एवं वुच्चइ--मणजोगचलणा, मणजोगचलणा? गोयमा! जं णं जीवा मणजोए वा माणा मणजोगप्पायोग्गाई दव्वाइं मणजोगत्ताए परिणामेमाणा मणचलणं चलिंसु वा, चलंति वा, चलिस्संति वा, सेतेणठेणं जाव मणजोगचलणा, मणजोगचलणा।
एवं वइजोगचलणा वि। एवं कायजोगचलणा वि।
[७०५] अह भंते! संवेगे निव्वेए गुरु-साधम्मियसुस्सूसणया आलोयणया निंदणया गरहणया खमावणया सुयसहायता विओसमणया, भावे अपडिबद्धया विणिवाणया विवित्तसयणासणसेवणया सोतिंदियसंवरे जाव फासिंदियसंवरे जोगपच्चक्खाणे सरीरपच्चक्खाणे कसायपच्चक्खाणे संभोगपच्चक्खाणे उवहिपच्चक्खाणे भत्तपच्चक्खाणे खमा विरागया भावसच्चे जोगसच्चे करणसच्चे मणसमन्नाहरणया वइसमन्नाहरणया कायसमन्नाहरणया कोहविवेगे जाव मिच्छादसणसल्लविवेगे, णाणसंपन्नया दंसणसंपन्नया चरित्तसंपन्नया वेदणअहियासणया मारणंतियअहियासणया, एए णं भंते! पदा किंपज्जवसाणफला पन्नता समणाउसो!? गोयमा! संवेगे निव्वेए जाव मारणंतियअहियासणया, एए णं सिद्धिपज्जवसाणफला पन्नता समणाउसो!। सेवं भंते! सेवं भंते! जाव विहरति।
सतरसमे सए तइओ डेसो समतोल
[दीपरत्नसागर संशोधितः]
[356]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |