Page Text
________________
सतं-२, वग्गो - ,सत्तंसत्तं- , उद्देसो-१
से णं भंते! किं ति वत्तव्वं सिया? गोयमा! सिद्धे ति वत्तव्वं सिया, बुद्धे ति वत्तव्वं सिया, मुत्ते त्ति वत्तव्वं., पारगए त्ति व., परंपरगए ति व., सिद्धे बुद्धे मुत्ते परिनिव्वुड़े अंतकडे सव्वदुक्खप्पहीणे ति वत्तव्वं सिया। सेवं भंते! सेवं भंते! ति भगवं गोयमे समणं भगवं महावीरं वंदइ नमसइ, २ संजमेणं तवसा अप्पाणं भावेमाणे विहरति।
[११२] तेणं कालेणं तेणं समणे भगवं महावीरे रायगिहाओ नागराओ गुणसिलाओ चेइयाओ पडिनिक्खमइ, पडिनिक्खमित्ता बहिया जणवयविहारं विहरइ।
तेणं कालेणं तेणं समएणं कयंगला नाम नगरी होत्था। वण्णओ। तीसे णं कयंगलाए नगरीए बहिया उत्तरपुरत्थिमे दिसीभागे छत्तपलासए नाम चेइए होत्था। वण्णओ। तए णं समणे भगवं महावीरे उप्पण्णनाण-दंसणधरे जाव समोसरणं। परिसा निग्गच्छति।
तीसे णं कयंगलाए नगरीए अदूरसामंते सावत्थी नामं नयरी होत्था। वण्णओ। तत्थ णं सावत्थीए नयरीए गद्दभालस्स अंतेवासी खंदए नाम कच्चायणसगोते परिव्वायगे परिवसइ, रिउव्वेदजजुव्वेद-सामवेद-अथव्वणवेद इतिहासपंचमाणं निघंटछट्ठाणं चठण्हं वेदाणं संगोवंगाणं सरहस्साणं सारए वारए पारए सडंगवी सट्ठितंतविसारए संखाणे सिक्खा-कप्पे वागरणे छंदे निरुते जोतिसामयणे अन्नेसु य बहूसु बंभण्णएसु पारिव्वायएशु य नयेसु सुपरिनिट्ठिए यावि होत्था।
तत्थ णं सावत्थीए नयरीए पिंगलए नामं नियंठे वेसालियसावए परिवसइ। तए णं से पिंगलए णियंठे वेसालियसावए अण्णदा कयाई जेणेव खदए कच्चायणसगोते तेणेव उवागच्छड़, २ खंदगं कच्चायणसगोतं इणमक्खेवं पुच्छे-मागहा! किं सअंते लोके, अणंते लोके , सअंते जीवे अणंते जीवे , सअंता सिद्धी अणंता सिद्धी , सअंते सिद्धे अणंते सिद्धे , केण वा मरणेणं मरमाणे जीवे वड्ढति वा हायति वा ? एतावं ताव आयक्खाहि वुच्चमाणे एवं।
तए णं से खंदए कच्चायणसगोत्ते पिंगलएणं णियंठेणं वेसालीसावएणं इणमक्खेवं पुच्छिए समाणे संकिए कंखिए वितिगिंछिए भेदसमावन्ने कलुसमावन्ने णो संचाएइ पिंगलयस्स नियंठस्स वेसालियसावयस्स किंचि वि पमोक्खमक्खाइउं, तुसिणीए संचिट्ठड्।
तए णं से पिंगलए नियंठे वेसालीसावए खंदयं कच्चायणसगोतं दोच्चं पि तच्चं पि इणमक्खेवं पुच्छे-मागहा! किं सअंते लोए जाव केण वा मरणेणं मरमाणे जीवे वड्ढइ वा हायति वा? एतावं ताव आइक्खाहि वच्चमाणे एवं।
तए णं से खंदए कच्चायणसगोते पिंगलएणं नियंठेणं वेसालीसावएणं दोच्चं पि तच्चं पि इणमक्खेवं पुच्छिए समाणे संकिए कंखिए वितिगिच्छिए भेद समावण्णे कलुसमावन्ने नो संचाएइ पिंगलयस्स नियंठस्स वेसालिसावयस्स किंचि वि पमोक्खमक्खाइउं, तुसिणीए संचिट्ठ।।
तए णं सावत्थीए नयरीए सिंघाडग जाव महापहेसु महया जणसम्मद्दे इ वा जणवूहे इ वा परिसा निग्गच्छइ। तए णं तस्स खंदयस्स कच्चायणसगोत्तस्स बजणस्स अंतिए एयमलैं सोच्चा निसम्म इमेयारूवे अज्झत्थिए चिंतिए पत्थिए मणोगए संकप्पे समुप्पज्जित्था-'एवं खलु समणे भगवं महावीरे, कयंगलाए नयरीए बहिया छत्तपलासए चेइए संजमेणं तवसा अप्पाणं भावेमाणे विहरइ।
तं गच्छामि णं, समणं भगवं महावीरं वंदामि नमसामि सेयं खलु मे समणं भगवं महावीरं वंदित्ता णमंसित्ता सक्कारेता सम्माणित्ता कल्लाणं मंगलं देवतं चेतियं पज्जुवासित्ता इमाइं च णं एयारूवाई
[दीपरत्नसागर संशोधितः]
[34]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |