Page Text
________________
सतं-२, वग्गो - , सत्तंसतं- , उद्देसो-१
एगिदिया जीवा एएसि णं आणामं वा पाणामं वा उस्सासं वा निस्सासं वा ण याणामो ण पासामो, एए वि य णं भंते! जीवा आणमंति वा पाणमंति वा उस्ससंति वा नीससंति वा? हंता, गोयमा! एए वि य णं जीवा आणमंति वा पाणमंति वा ऊससंति वा नीससंति वा।
[१०७] किं णं भंते! एते जीवा आणमंति वा पाणमंति वा उस्ससंति वा नीससंति वा? गोयमा! दव्वतो णं अणंतपएसियाई दव्वाइं, खेतओ णं असंखेज्जपएसोगाढाई, कालओ अन्नयरहितीयाई, भावओ वण्णमंताई गंधमंताई रसमंताई फासमंताई आणमंति वा पाणमंति वा ऊससंति वा नीससंति वा।
जाई भावओ वण्णमंताई आण. पाण. ऊस. नीस. ताई किं एगवण्णाई आणमंति पाणमंति ऊस. नीस.? आहारगमो नेयव्वो जाव ति-चठ-पंचदिसिं।
किं णं भंते! नेरइया आ. पा. 3. नी.? तं चेव जाव नियमा आ. पा. उ. नी.। जीवा एगिंदिया वाघाय-निव्वाघाय भाणियव्वा। सेसा नियमा छद्दिसिं।
वाउयाए णं भंते! वाठयाए चेव आणमति वा पाणमति वा ऊससति वा नीससति वा? हंता, गोयमा! वाउयाए णं वाठयाए जाव नीससंति वा।
[१०८] वाउयाए णं भंते! वाउयाए चेव अणेगसयसहस्सखुत्तो उद्दाइत्ता उद्दाइत्ता तत्थेव भुज्जो भुज्जो पच्चायाति? हंता, गोयमा! जाव पच्चायाति।
से भंते किं पुठे उद्दाति? अपुठे उद्दाति? गोयमा! पुठे उद्दाइ, नो अप्ठे उद्दाइ।
से भंते! किं ससरीरी निक्खमइ, असरीरी निक्खमइ? गोयमा! सिय ससरीरी निक्खमइ, सिय असरीरी निक्खमइ। से केणढेणं भंते! एवं वुच्चइ सिय ससरीरी निक्खमइ, सिय असरीरी निक्खमइ? गोयमा! वाउयायस्स णं चत्तारि सरीरया पण्णत्ता, तं जहा-ओरालिए वेठविए तेयए कम्मए। ओरालियवेठव्वियाई विप्पजहाय तेय-कम्मएहिं निक्खमति, से तेणठेणं गोयमा! एवं वुच्चइ-सिय ससरीरी सिय असरीरी निक्खमइ।
[१०९] मडाई णं भंते! नियंठे नो निरुद्धभवे, नो निरुद्धभवपवंचे, नो पहीणसंसारे णो पहीणसंसारवेदणिज्जे, णो वोच्छिण्णसंसारे, णो वोच्छिण्णसंसारवेदणिज्जे, नो निट्ठियढे, नो निट्ठियट्ठ करणिज्जे पुणरवि इत्तत्थं हव्वमागच्छति? हंता, गोयमा! मडाई णं नियंठे जाव पुणरवि इत्तत्थं हव्वमागच्छद।
[११०] से णं भंते! किं ति वत्तव्वं सिया? गोयमा! पाणे ति वत्तव्वं सिया, भूते ति वत्तव्वं सिया, जीवे ति वत्तव्वं सिया, सत्ते ति वत्तव्वं सिया, विण्णू ति वत्तव्वं सिया, वेदा ति वत्तव्वं सिया-पाणे भूए जीवे सत्ते विण्णू वेदा ति वत्तव्वं सिया। से केणठेणं भंते! पाणे ति वत्तव्वं सिया जाव वेदा ति वतव्वं सिया? गोयमा! जम्हा आणमइ वा पाणमइ वा उस्ससइ वा नीससइ वा तम्हा पाणे ति वत्तव्वं सिया। जम्हा भूते भवति भविस्सति य तम्हा भूए ति वत्तव्वं सिया। जम्हा जीवे जीवइ जीवत्तं आउयं च कम्म उवजीवइ तम्हा जीवे ति वत्तव्वं सिया। जम्हा सत्ते सुभासुभेहिं कम्मेहिं तम्हा सत्ते ति वत्तव्वं सिया। जम्हा तित्त-कडुय-कसायंबिल-महुरे रसे जाणइ तम्हा विण्णू ति वतव्वं सिया। जम्हा वेदेइ य सुह-दुक्खं तम्हा वेदा ति वत्तव्वं सिया। से तेणठेणं जाव पाणे ति वत्तव्वं सिया जाव वेदा ति वत्तव्वं सिया।।
[१११] मडाई णं भंते! नियंठे निरुद्धभवे निरुद्धभवपवंचे जाव निठ्ठियट्ठकरणिज्जे णो पुणरवि इत्तत्थं हव्वमागच्छति? हंता, गोयमा! मडाई णं नियंठे जाव नो पुणरवि इत्तत्थं हव्वमागच्छति।
[दीपरत्नसागर संशोधितः]
[33]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |