________________
सतं-१६, वग्गो - ,सत्तंसत्तं- , उद्देसो-२
बोंदिचिया पोग्गला कलेवरचिया पोग्गला तहा तहा णं ते पोग्गला परिणमंति, नत्थि अचेयकडा कम्मा समणाउसो!। दुट्ठाणेसु दुसेज्जासु दुन्निसीहियासु तहा तहा णं ते पोग्गला परिणमंति, नत्थि अचेयकडा कम्मा समणाउसो!। आयके से वहाए होति, संकप्पे से वहाए होति, मरणंते से वहाए होति, तहा तहा णं ते पोग्गला परिणमंति, नत्थि अचेयकडा कम्मा समणाउसो!। सेतेणठेणं जाव कम्मा कज्जंति।
एवं नेरतियाण वि। एवं जाव वेमाणियाणं। सेवं भंते! सेवं भंते! जाव विहरति।
सोलसमे सए बीइओ उडेसो समतोल
० तइओ उद्देसो 0 [६७०] रायगिहे जाव एवं वदासि--
कति णं भंते! कम्मपगडीओ पन्नताओ? गोयमा! अट्ठ कम्मपगडीओ पन्नताओ, तं जहा-- नाणावरणिज्जं जाव अंतराइयं।
एवं जाव वेमाणियाणं।
जीवे णं भंते! नाणावरणिज्जं कम्मं वेदेमाणे कति कम्मपगडीओ वेदेति? गोयमा! अट्ठ कम्मप्पगडीओ, एवं जहा पन्नवणाए वेदावेउद्देसओ सो चेव निरवसेसो भाणियव्वो। वेदाबंधो वि तहेव। बंधावेदो वि तहेव। बंधाबंधो वि तहेव भाणियव्वो जाव वेमाणियाणं ति।
सेवं भंते! सेवं भंते! ति जाव विहरति।
[६७१] तए णं समणे भगवं महावीरे अन्नदा कदायि रायगिहाओ नगराओ गुणसिलाओ चेतियाओ पडिनिक्खमति, प०२ बहिया जणवयविहारं विहरति।
तेणं कालेणं तेणं समएणं उल्लुयतीरे नाम नगरे होत्था। वण्णओ।
तस्स णं उल्लुयतीरस्स नगरस्स बहिया उत्तरपुरत्थिमे दिसिभाए, एत्थ णं एगजंबुए नाम चेतिए होत्था। वण्णओ।
तए णं समणे भगवं महावीरे अन्नदा कदायि पुव्वाणुपुट्विं चरमाणे जाव एगजंबुए समोसढे। जाव परिसा पडिगया।
भंते!'त्ति भगवं गोयमे समणं भगवं महावीरं वंदति नमंसति,२ एवं वदासि-- अणगारस्स णं भंते! भावियप्पणो छठंछठेणं अणिक्खितेणं जाव आतावेमाणस्स तस्स णं
पुरत्थिमेणं अवड्ढं दिवसं नो कप्पति हत्थं वा पायं वा बाहं वा ऊरुं वा आउंगावेत्तए वा पसारेत्तए वा; पच्चत्थिमेणं से अवड्ढं दिवसं कप्पति हत्थं वा पायं वा जाव ऊरुं वा आउंगावेत्तए वा पसारेतर वा। तस्स य अंसियाओ लंबंति, तं च वेज्जे अदक्खु, ईसिं पाडेति, ई०२ अंसियाओ छिंदेज्जा। से नूणं भंते! जे छिंदति तस्स किरिया कज्जति? जस्स छिज्जंति नो तस्स किरिया कज्जइ णऽन्नत्थेगेणं धम्मंतराइएणं? हंता, गोयमा! जे छिंदति जाव धम्मंतराइएणं। सेवं भंते! सेवं भंते! ति।
*सोलसमे सए तइओ उद्देसो समतो.
[दीपरत्नसागर संशोधितः]
[341]
[५-भगवई
