________________
सतं-१६, वग्गो - ,सत्तंसत्तं- , उद्देसो-१
कतिविहे णं भंते! जोए पन्नत्ते? गोयमा! तिविहे जोए पन्नत्ते, तं जहा--मणजोए वइजोए कायजोए।
जीवे णं भंते! आरोलियसरीरं निव्वत्तेमाणे किं अधिकरणी, अधिकरणं? गोयमा! अधिकरणी वि, अधिकरणं पि।
से केणठेणं भंते! एवं वुच्चइ अधिकरणी वि, अधिकरणं पि? गोयमा! अविरतिं पडुच्च। सेतेणठेणं जाव अधिकरणं पि।
पुढविकाइए णं भंते! ओरालियसरीरं निव्वत्तेमाणे किं अधिकरणी0? एवं चेव। एवं जाव मणुस्से। एवं वेठव्वियसरीरं पि। नवरं जस्स अत्थि।
जीवे णं भंते! आहारगसरीरं निव्वत्तेमाणे किं अधिकरणी0 पुच्छा। गोयमा! अधिकरणी वि, अधिकरणं पि।
से केणठेणं जाव अधिकरणं पि? गोयमा! पमादं पइच्च। से तेणठेणं जाव अधिकरणं पि। एवं मणुस्से वि। तेयासरीरं जहा ओरालियं, नवरं सव्वजीवाणं भाणियव्वं। एवं कम्मगसरीरं पि।
जीवे णं भंते! सोतिंदियं निव्वत्तेमाणे किं अधिकरणी, अधिकरणं? एवं जहेव ओरालियसरीरं तहेव सोइंदियं पि भाणियव्वं। नवरं जस्स अत्थि सोतिंदियं।
एवं चक्खिंदिय-घाणिंदिय-जिभिदिय-फासिंदियाणि वि, नवरं जाणियव्वं जस्स जं अत्थि।
जीवे णं भंते! मणजोगं निव्वत्तेमाणे किं अधिकरणी, अधिकरणं? एवं जहेव सोतिंदियं तहेव निरवसेसं।
वइजोगो एवं चेव। नवरं एगिदियवज्जाणं। एवं कायजोगो वि, नवरं सव्वजीवाणं जाव वेमाणिए। सेवं भंते! सेवं भंते! ति०
सोलसमे सए बत्तीसइमो उहेसो समतो.
0बीओ उद्देसो 0 [६६६] रायगिहे जाव एवं वदासिजीवाणं भंते! किं जहा, सोगे? गोयमा! जीवाणं जरा वि, सोगे वि।
से केणठेणं भंते! जाव सोए वि? गोयमा! जे णं जीवा सारीरं वेयणं वेदेति तेसि णं जीवाणं जरा, जे णं जीवा माणसं वेदणं वेदेति तेसि णं जीवाणं सोगे। सेतेणठेणं जाव सोगे वि।
एवं नेरइयाण वि। एवं जाव थणियकुमाराणं। पुढविकाइयाणं भंते! किं जरा, सोगे? गोयमा! पुढविकाइयाणं जरा, नो सोगे। से केणठेणं जाव नो सोगे? गोयमा! पुढविकाइया णं सारीरं वेदणं वेदेति, नो माणसं वेदणं
[दीपरत्नसागर संशोधितः]
[339]
[५-भगवई
