Page Text
________________
सतं-१६, वग्गो - ,सत्तंसत्तं- , उद्देसो-१
वा कतिकिरिए? गोयमा! जावं च णं से पुरिसे अयं अयकोलैंसि अयोमयेणं संडासएणं उव्विहति वा पव्विहति वा तावं च णं से पुरिसे काइयाए जाव पाणातिवायकिरियाए पंचहिं किरियाहिं पुळे; जेसि पि य णं जीवाणं सरीरेहिंतो अये निव्वत्तिए, अयकोठे निव्वत्तिए, संडासए निव्वत्तिए, इंगाला निव्वत्तिया, इंगालकढणी निव्वत्तिया, भत्था निव्वत्तिया, ते वि णं जीवा काइयाए जाव पंचहिं किरियाहिं पुट्ठा।
पुरिसे णं भंते! अयं अयकोट्ठाओ अयोमएणं संडासएणं गहाय अहिकरणिंसि उक्खिवमाणे वा निक्खिवमाणे वा कतिकिरिए? गोयमा! जावं च णं से पुरिसे अयं अयकोट्ठाओ जाव निक्खिवति वा तावं च णं से पुरिसे काइयाए जाव पाणातिवायकिरियाए पंचहिं किरियाहिं पुढे; जेसि पि य णं जीवाणं सरीरेहिंतो अये निव्वत्तिए, संडासए निव्वत्तिते, चम्मेढे निव्वत्तिए, मुट्ठिए निव्वत्तिए, अधिकरणी णिव्वत्तिता, अधिकरणिखोडी णिव्वत्तिता, उदगदोणी णि, अधिकरणसाला निव्वत्तिया ते वि णं जीवा काइयाए जाव पंचहिं किरियाहिं पुट्ठा।
[६६४] जीवे णं भंते! किं अधिकरणी, अधिकरणं? गोयमा! जीवे अधिकरणी वि, अधिकरणं
से केणठेणं भंते! एवं वुच्चति 'जीवे अधिकरणी वि, अधिकरणं पि'? गोयमा! अविरतिं पडुच्च, सेतेणढेणं जाव अहिकरणं पि।
नेरतिए णं भंते! किं अधिकरणी, अधिकरणं? गोयमा! अधिकरणी वि, अधिकरणं पि। एवं जहेव जीवे तहेव नेरइए वि।।
एवं निरंतरं जाव वेमाणिए। जीवे णं भंते! किं साहिकरणी, निरधिकरणी? गोयमा! साहिकरणी, नो निरहिकरणी। से केणठेणं0 पुच्छा। गोयमा! अविरतिं पडुच्च, सेतेणठेणं जाव नो निरहिकरणी। एवं जाव वेमाणिए।
जीव णं भंते! किं आयाहिकरणी, पराहिकरणी, तद्भयाधिकरणी? गोयमा! आयाहिकरणी वि, पराधिकरणी वि, तद्भयाहिकरणी वि।
से केणठेणं भंते! एवं वुच्चति जाव तद्भयाधिकरणी वि? गोयमा! अविरतिं पइच्च। सेतेणठेणं जाव तद्भयाहिकरणी वि।
एवं जाव वेमाणिए। जीवाणं भंते! अधिकरणे किं आयप्पयोगनिव्वत्तिए, परप्पयोगनिव्वत्तिए, तद्भयप्पयोगनिव्वत्तिए? गोयमा! आयप्पयोगनिव्वत्तिए वि, परप्पयोगनिव्वत्तिए वि, तदुभयप्पयोगनिव्वत्तिए वि।
से केणठेणं भंते! एवं वुच्चइ? गोयमा! अविरतिं पइच्च। से तेणठेणं जाव तदुभयप्पयोगनिव्वतिए वि।
एवं जाव वेमाणियाणं
[६६५] कति णं भंते! सरीरगा पन्नता? गोयमा! पंच सरीरगा पन्नत्ता, तं जहा-ओरालिए जाव कम्मए।
कति णं भंते! इंदिया पन्नत्ता? गोयमा! पंच इंदिया पन्नत्ता, तं जहा-सोतिदिए जाव फासिंदिए।
[दीपरत्नसागर संशोधितः]
[338]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |