Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 335

सतं-१५, वग्गो - ,सत्तंसत्तं- , उद्देसो
"तेणं कालेणं तेणं समएणं विमलस्स अरहओ पठप्पए सुमंगले नाम अणगारे जातिसंपन्ने जहा धम्मघोसस्स वण्णओ जाव संखित्तविउलतेयलेस्से तिणाणोवगए सुभूमिभागस्स उज्जाणस्स अदूरसामंते छठंछट्टेणं अणिक्खित्तेणं जाव आयावेमाणे विहरिस्सति।
"तए णं से विमलवाहणे राया अन्नदा कदायि रहचरियं काउं निज्जाहिति। तए णं से विमलवाहणे राया सुभूमिभागस्स उज्जाणस्स अदूरसामंते रहचरियं करेमाणे सुमंगलं अणगारं छठेंछट्टेणं जाव आतावेमाणं पासिहिति, पा०२ आसुरुत्ते जाव मिसिमिसेमाणे सुमंगलं अणगारं रहसिरेणं णोल्लावेहिति।
"तए णं से सुमंगले अणगारे विमलवाहणेणं रण्णा रहसिरेणं णोल्लाविए समाणे सणियं सणियं उठेहिति, स0 30२ दोच्चं पि उड्ढं बाहाओ पगिज्झिय जाव आयावेमाणे विहरिस्सति।
"तए णं से विमलवाहणे राया सुमंगलं अणगारं दोच्चं पि रहसिरेणं णोल्लावेहिति।
"तए णं से सुमंगले अणगारे विमलवाहणेणं रण्णा दोच्चं पि रहसिरेणं णोल्लाविए समाणे सणियं सणियं उठेहिति, स0 30 २ ओहिं पउंजिहिति, ओहिं प०२ विमलवाहणस्स रण्णो तीयद्धं आभोएहिति, ती0 आ0 २ विमलवाहणं रायं एवं वदिहिति--'नो खलु तुमं विमलवाहणे राया, नो खलु तुम देवसेणे राया, नो खलु तुमं महापउमे राया, तुमं णं इओ तच्चे भवग्गहणे गोसाले नामं मंखलिपुत्ते होत्था समणघायए जाव छठमत्थे चेव कालगए। तं जति ते तदा सव्वाणुभूतिणा अणगारेणं पभुणा वि होइऊणं सम्म सहियं खमियं तितिक्खियं अहियासियं, जड़ ते तदा सुनक्खतेणं अणगारेणं पभुणा वि होइऊणं सम्म सहियं जाव अहियासियं, जइ ते तदा समणेणं भगवता महावीरेणं पभुणा वि जाव अहियासियं, तं नो खलु अहं तहा सम्म सहिस्सं जाव अहियासिस्सं, अहं ते नवरं सहयं सरहं ससारहीयं तवेणं तेयेणं एगाहच्चं कूडाहच्चं भासरासिं करेज्जामि'।
"तए णं से विमलवाहणे राया सुमंगलेणं अणगारेणं एवं वुत्ते समाणे आसुरुते जाव मिसिमिसेमाणे सुमंगलं अणगारं तच्चं पि रहसिरेणं णोल्लावेहिति।
"तए णं से सुमंगले अणगारे विमलवाहणेणं रण्णा तच्चं पि रहसिरेणं नोल्लाविए समाणे आसुरुत्ते जाव मिसिमिसेमाणे आयावणभूमीओ पच्चोरुहति, आ0 प० २ तेयासमुग्घातेणं समोहन्निहिति, तेया० स० २ सत्तट्ठपयाई पच्चोसक्किहिति, सत्त80 पच्चो०२ विमलवाहणं रायं सहयं सरहं ससारहीयं तवेणं तेयेणं जाव भासरासिं करेहिति।"
सुमंगले णं भंते! अणगारे विमलवाहणं रायं सहयं जाव भासरासिं करेत्ता कहिं गच्छिहिति कहिं उववज्जिहिति? गोयमा! सुमंगले णं अणगारे विमलवाहणं रायं सहयं जाव भासरासिं करेता बहहिं चउत्थ-छठ्ठट्ठम-दसम-दुवालस जाव विचित्तेहिं तवोकम्मेहिं अप्पाणं भावेमाणे बहई वासाइं सामण्णपरियागं पाउणेहिति, बहुइं० पा0 २ मासियाए संलेहणाए सठिं भत्ताई अणसणाए जाव छेदेत्ता आलोइयपडिक्कंते समाहिपत्ते कालमासे0 उड्ढं चंदिम जाव गेवेज्जविमाणावाससयं वीतीवइत्ता सव्वट्ठसिद्धे महाविमाणे देवताए उववज्जिहिति। तत्थ णं देवाणं अजहन्नमणुक्कोसेणं तेतीसं सागरोवमाइं ठिती पन्नता। तत्थ णं सुमंगलस्स वि देवस्स अजहन्नमणुक्कोसेणं तेतीसं सागरोवमाइं ठिती पन्नत्ता। तत्थ णं सुमंगलस्स वि देवस्स अजहन्नमणुक्कोसेणं तेत्तीसं सागरोवमाई ठिती पन्नत्ता।
से णं भंते! सुमंगले देवे ताओ देवलोगाओ जाव महाविदेहे वासे सिज्झिहिति जाव अंतं काहिति। [दीपरत्नसागर संशोधितः]
[334]
[५-भगवई