Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 334

सतं - १५, वग्गो, सत्तसत्तं-, उद्देसो
"तए णं तस्स महापठमस्स रण्णो अन्नदा कदायि दो देवा महिड्ढिया जाव महेसक्खा सेणाकम्मं काहिंति, तं जहा -- पुण्णभद्दे य माणिभद्दे य । तए णं सतदुवारे नगरे बहवे राईसर - तलवर जाव सत्थवाहप्पभितयो अन्नमन्नं सद्दावेहिंति, अन्न० स० २ एवं वदिहिंति--जम्हा णं देवाणुप्पिया! अम्हं महापठमस्स रण्णो दो देवा महिड्ढीया जाव सेणाकम्मं करेंति तं जहा - पुण्णभद्दे य माणिभद्दे य; तं हो णं देवाणुप्पिया! अम्हं महापठमस्स रण्णो दोच्चे वि नामधेज्जे 'देवसेणे, देवसेणे' ।
"तए णं तस्स महापठमस्स रन्नो दोच्चे वि नामधेज्जे भविस्सति 'देवसेणे 'ति ।
"तए णं तस्स देवसेणस्स रण्णो अन्नदा कदायि सेते संखतलविमलसन्निगासे चउद्दंते हत्थिरयणे समुप्पज्जिस्स । तए णं से देवसेणे राया तं सेतं संखतलविमलसन्निगासं चउद्दंतं हत्थिरयणं द्रूढे समाणे सयदुवारं नगरं मज्झंमज्झेणं अभिक्खणं अभिक्खणं अतिजाहिति य निज्जाहिति य। तए णं सयदुवारे नगरे बहवे राईसर जाव पभितयो अन्नमन्नं सद्दावेहिंति, अन्न० स०२ एवं वदिहिंति--जम्हाणं देवाणुप्पिया! अम्हं देवसेणस्स रण्णो सेते संखतलविमलसन्निगासे चउद्दंते हत्थिरयणे समुप्पन्ने, तं हो णं देवाणुप्पिया! अम्हं देवसेणस्स रण्णो तच्चे वि नामधेज्जे 'विमलवाहणे विमलवाहणे'।
"तए णं तस्स देवसेणस्स रण्णो तच्चे वि नामधेज्जे भविस्सति 'विमलवाहणे'त्ति।
"तए णं से विमलवाहणे राया अन्नदा कदायि समणेहिं निग्गंथेहिं मिच्छं विप्पडिवज्जिहिति-अप्पेगतिए आओसेहिति, अप्पेगतिए अवहसिहिति, अप्पेगतिए निच्छोडेहिति, अप्पेगतिए निब्भच्छेहिति, अप्पेगतिए बंधेहिति, अप्पेगतिए णिरुंभेहिति अप्पेगतियाणं छविच्छेदं करेहिति, अप्पेगइए मारेहिति, अप्पेगतिए पमारेहिइ अप्पेगतिए उद्दवेहिति अप्पेगतियाणं वत्थं पडिग्गहं कंबलं पायपुंछणं आछिंदिहिति विच्छिंदिहिति भिंदिहिति अवहरिहिति अप्पेगतियाणं भत्तपाणं वोच्छिंदिहिति अप्पेगतिए णिन्नगरे करेहिति, अप्पेगतिए निव्विसए करेहिति ।
"तए णं सत्तद्दुवारे नगरे बहवे राईसर जाव वदिहिंति - एवं खलु देवाणुप्पिया! विमलवाहणे राया समणेहिं निग्गंथेहिं मिच्छं विप्पडिवन्ने अप्पेगतिए आओसति जाव निव्विसए करेति, तं नो खलु देवाणुप्पिया! एयं अम्हं सेयं, नो खलु एयं विमलवाहणस्स रण्णो सेयं, नो खलु एयं रज्जस्स वा रट्ठस्स वा बलस्स वा वाहणस्स वा पुरस्स वा अंतेउरस्स वा जणवयस्स वा सेयं, जं णं विमलवाहणे राया समणेहिं निग्गंथेहिं मिच्छं विप्पडिवन्ने । तं सेयं खलु देवाणुप्पिया! अम्हं विमलवाहणं रायं एयमट्ठे विण्णवित्त ' ि कट् अन्नमन्नस्स अंतियं एयमट्ठ पडिसुर्णेति, अन्न० प० २ जेणेव विमलवाहमे राया तेणेव उवागच्छंति, उवा० २ करयलपरिग्गहियं विमलवाहणं रायं जएणं विजएणं वद्धावेहिंति, जएणं विजएणं वद्धावित्ता एवं वदिहिंति--`एवं खलु देवाणुप्पिया समणेहिं निग्गंथेहिं मिच्छं विप्पडिवन्ना, अप्पेगतिए आओसंत जव अप्पेगतिए निव्विसए करेंति, तं नो खलु एयं देवाणुप्पियाणं सेयं, नो खलु एयं अम्हं सेयं, नो खलु एयं रज्जस्स वा जाव जणवदस्स वा सेयं, जं णं देवाणुप्पिया समणेहिं निग्गंथेहिं मिच्छं विप्पडिवन्ना, तं विरमंतु णं देवाणुप्पिया एयमट्ठस्स अकरणयाए ।
"तए णं से विमलवाहणे राया तेहिं बहूहिं राईसर जाव सत्थवाहप्पभितीहिं एयमट्ठ विन्नते समाणे 'नो धम्मो त्ति, नो तवो, 'त्ति, मिच्छाविणएणं एयमट्ठे पडिसुणेहिति ।
"तस्स णं सतदुवारस्स नगरस्स बहिया उत्तरपुरत्थिमे दिसीभागे एत्थ णं सुभूमिभागे नामं उज्जाणे भविस्सति, सव्वोउय० वण्णओ।
[दीपरत्नसागर संशोधितः ]
[333]
[५-भगवई]