Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 327

सतं-१५, वग्गो - ,सत्तंसत्तं- , उद्देसो
हततेये गततेये जाव विणतेये जाए, तं छंदेणं अज्जो! तुब्भे गोसालं मंखलिपुत्तं धम्मियाए पडिचोयणाए पडिचोदेह, धम्मियाए पडिचोयणाए पडिचोएता धम्मियाए पडिसारणाए पडिसारेह, धम्मियाए पडिसारणाए पडिसारेत्ता धम्मिएणं पडोयारेणं पडियारेह, धम्मिएणं पडोयारेणं पडोयारेता अट्ठेहि य हेतूहि य पसिणेहि य वागरणेहि य कारणेहि य निप्पठ्ठपसिणवागरणं करेह।
तए णं ते समणा निग्गंथा समणेणं भगवया महावीरेणं एवं वुत्ता समाणा समणं भगवं महावीरं वंदति नमसंति, वं0 २ जेणेव गोसाले मंखलिपुत्ते तेणेव उवागच्छंति, उवा0 २ गोसालं मंखलिपुत्तं धम्मियाए पडिचोदणाए पडिचोदेंति, ध0 प० २ धम्मियाए पडिसारणाए पडिसारेंति, ध0 प० २ धम्मिएणं पडोयारेणं पडोयारेंति, ध0 प०२ अठेहि य हेऊहि य कारणेहि य जाव निप्पट्ठपसिणवागरणं करेंति।
तए णं से गोसाले मंखलिपुत्ते समणेहिं निग्गंथेहिं धम्मियाए पडिचोयणाए पडिचोइज्जमाणे जाव निप्पट्ठपसिणवागरणे कीरमाणे आसुरुते जाव मिसिमिसेमाणे नो संचाएति समणाणं निग्गंथाणं सरीरगस्स किंचि आबाहं वा वाबाहं वा उप्पाएतए, छविच्छेयं वा करेत्तए।
तए णं ते आजीविया थेरा गोसालं मंखलिपुत्तं समणेहिं निग्गंथेहिं धम्मियाए पडिचोयणाए पडिचोइज्जमाणं, धम्मियाए पडिसारणाए पडिसारिज्जमाणं, धम्मिएणं पडोयारेणं पडोयारिज्जमाणं अठेहि य हेऊहि य जाव कीरमाणं आसुरुतं जाव मिसिमिसेमाणं समणाणं निग्गंथाणं सरीरगस्स किंचि आबाहं वा वाबाहं वा छविच्छेदं वा अकरेमाणं पासंति, पा० २ गोसालस्स मंखलिपुत्तस्स अंतियाओ अत्थेगइया आयाए अवक्कमंति, आयाए अ0 २ जेणेव समणे भगवं महावीरे तेणेव उवागच्छंति, ते0 30२ समणं भगवं महावीरं तिक्खुत्तो आयाहिणपयाहिणं करेंति; क0 २ वंदंति नमसंति, वं० २ समणं भगवं महावीरं उवसंपज्जित्ताणं विहरंति। अत्थेगइया आजीविया थेरा गोसालं चेव मंखलिपुतं उवसंपज्जिताणं विहरंति।
तए णं से गोसाले मंखलिपुत्ते जस्सट्ठाए हव्वमागए तम→ असाहेमाणे, रुंदाइं पलोएमाणे, दीहण्हाइं नीससमाणे, दाढियाए लोमाई लुंचमाणे, अवई कंडूयमाणे, पुयलिं पप्फोडेमाणे, हत्थे विणिद्धणमाणे, दोहि वि पाएहिं भूमि कोटोमाणे हाहा अहो! हओऽहमस्सी' ति का समणस्स भगवतो महावीरस्स अंतियाओ कोट्ठयाओ चेतियाओ पडिनिक्खमति, पडि0 २ जेणेव सावत्थी नगरी जेणेव हालाहलाए कुंभकारीए कुंभकारावणे तेणेव उवागच्छति, ते0 30 २ हालाहलाए कुंभकारीए कुंभकारावणंसि अंबकूणगहत्थगए मज्जपाणगं पियमाणे अभिक्खणं गायमाणे अभिक्खणं गायमाणे अभिक्खणं नच्चमाणे अभिक्खणं हालाहलाए कुंभकारीए अंजलिकम्मं करेमाणे सीयलएणं मटियापाणएणं आयंचणिउदएणं गायाइं परिसिंचेमाणे विहरइ।
[६५२] अज्जो'ति समणे भगवं महावीरे समणे निग्गंथे आमंतेता एवं वयासि--जावतिए णं अज्जो! गोसालेणं मंखलिपुत्तेणं ममं वहाए सरीरगंसि तेये निसठे से णं अलाहि पज्जते सोलसण्हं जणवयाणं, तं जहा--अंगाणं वंगाणं मगहाणं मलयाणं मालवगाणं अच्छाणं वच्छाणं कोट्ठाणं पाढाणं लाढाणं वज्जाणं मोलीणं कासीणं कोसलाणं अवाहाणं सुंभुत्तराणं घाताए वहाए उच्छादणताए भासीकरणताए।
जं पि य अज्जो! गोसाले मंखलिपुत्ते हालाहलाए कुंभकारीए कुंभकारावणंसि अंबऊणगहत्थगए मज्जपाणं पियमाणे अभिक्खणं जाव अंजलिकम्मं करेमाणे विहरति तस्स वि णं वज्जस्स पच्छायणट्ठताए इमाइं अट्ठ चरिमाइं पन्नवेति,तं जहा-- चरिमे पाणे, चरिमे गेये, चरिमे नटो,
[दीपरत्नसागर संशोधितः]
[326]
[५-भगवई