________________
सतं-१४, वग्गो- ,सत्तंसतं- , उद्देसो-१०
एवं परमाहोहियं। एवं केवलिं।
एवं सिद्धं जाव, जहा णं भंते! केवली सिद्धं जाणति पासति तहा णं सिद्धे वि सिद्धं जाणति पासति? हंता, जाणति पासति।
केवली णं भंते! भासेज्ज वा वागरेज्ज वा? हंता, भासेज्ज वा वागरेज्ज वा।
जहा णं भंते! केवली भासेज्ज वा वागरेज्ज वा तहा णं सिद्धे वि भासेज्ज वा वागरेज्ज वा? नो तिणठे समठे।
से केणढेणं भंते! एवं वुच्चइ जहा णं केवली भासेज्ज वा वागरेज्ज वा नो तहा णं सिद्धे भासेज्ज वा वागरेज्ज वा? गोयमा! केवली णं सउट्ठाणे सकम्मे सबले सवीरिए सपरिसक्कारपरक्कमे, सिद्धे णं अणुट्ठाणे जाव अपरिसक्कार परक्कमे, सेतेणठेणं जाव वागरेज्ज वा।
केवली णं भंते! उम्मिसेज्ज वा निमिसेज्ज वा? हंता, उम्मिसेज्ज वा निमिसेज्ज वा, एवं चेव। एवं आउोज्ज वा पसारेज्ज वा। एवं ठाणं वा सेज्जं वा निसीहियं वा चेएज्जा। केवली णं भंते! इमं रयणप्पभं पुढवि रयणप्पभपुढवी ति जाणति पासति? हंता, जाणति पासति। जहा णं भंते! केवली इमं रयणप्पभं पुढविं रयणप्पभपुढवी'ति जाणति पासति तहा णं सिद्धे वि इमं रयणप्पभं पुढविं रयणप्पभपुढवी'ति जाणति पासति? हंता, जाणति पासति। केवली णं भंते! सक्करप्पभं पुढविं 'सक्करप्पभपुढवी ति जाणति पासति? एवं चेव। एवं जाव अहेसत्तमा। केवली णं भंते! सोहम्मं कप्पं सोहम्मकप्पे'ति जाणति पासति? हंता, जाणति एवं चेव। एवं ईसाणं। एवं जाव अच्चुयं। केवली णं भंते! गेवेज्जविमाणे 'गेवेज्जविमाणे'त्ति जाणति पासति? एवं चेव। एवं अणुत्तरविमाणे वि। केवली णं भंते! ईसिपब्भारं पुढवि ईसीपब्भारपुढवी'ति जाणति पासति? एवं चेव। केवली णं भंते! परमाणुपोग्गलं परमाणुपोग्गले'ति जाणति पासति? एवं चेव। एवं दुपदेसियं खंधं।
एवं जाव जहा णं भंते! केवली अणंतपदेसियं खंधं 'अणंतपदेसिए खंधे'त्ति जाणति पासति तहा णं सिद्धे वि अणंतपदसियं जाव पासति? हंता, जाणति पासति। सेवं भंते! सेवं भंते! ति।
*चोइसमे सए दसमो उद्देसो समत्तो *
०-चोद्दसमं सयं समत्तं-० ० मुनि दीपरत्नसागरेण संशोधितः सम्पादितश्च चोइसमं सतं समतं .
[दीपरत्नसागर संशोधितः]
[311]
[५-भगवई
