Page Text
________________
सतं-१४, वग्गो-,सत्तंसत्तं-, उद्देसो-८
छविच्छेयं वा करेति, एसुहुमं च णं उवदंसेज्जा। सेतेणट्ठेणं जाव अव्वाबाहा देवा, अव्वाबाहा देवा । [६२९] पभू णं भंते! सक्के देविंदे देवराया पुरिसस्स सीसं सापाणिणा असिणा छिंदित्ता कमंडलुम्मि पक्खिवित्तए? हंता, पभू ।
से कहमिदाणिं पकरेइ ? गोयमा ! छिंदिया छिंदिया व णं पक्खिवेज्जा, भिंदिया भिंदिया व णं पक्खिवेज्जा, कुट्या कुट्या व णं पक्खिवेज्जा, चुण्णिया चुण्णिया व णं पक्खिवेज्जा, ततो पच्छा खिप्पामेव पडिसंघातेज्जा, नो चेव णं तस्स पुरिसस्स किंचि आबाहं वा वाबाहं वा उप्पाएज्जा, छविच्छेयं पुण करेति, एसुमं च णं पक्खिवेज्जा ।
[६३०] अत्थि णं भंते! जंभया देवा, जंभया देवा? हंता, अत्थि ।
से केणट्ठणं भंते! एवं वुच्चइ जंभया देवा, जंभया देवा' ? गोयमा ! जंभगा णं देवा निच्चं पमुदितपक्कीलिया कंदप्परतिमोहणसीला, जे णं ते देवे कुद्धे पासेज्जा से णं महंतं अयसं पाउणेज्जा, जेणं ते देवे तुट्ठे पासेज्जा से णं महंतं जसं पाउणेज्जा, सेतेणट्ठेणं गोयमा ! जंभगा देवा, जंभगा देवा' । कतिविहा णं भंते! जंभगा देवा पन्नत्ता ? गोयमा ! दसविहा पन्नत्ता, तं जहा -- अन्नजंभगा, पाणजंभगा, वत्थजंभगा, लेणजंभगा, सयणजंभगा, पुप्फजंभगा, फलजंभगा, पुप्फफलजंभगा, विज्जाजंभगा, अवियत्तिजंभगा।
जंभगा णं भंते! देवा कहिं वसहिं उवेंति ? गोयमा! सव्वेसु चेव दीहवेयड्ढेसु चित्तविचित्तजमगपव्वएसु कंचणपव्वएसु य, एत्थ णं जंभगा देवा वसहिं उवेंति ।
जंभगाणं भंते! देवाणं
केवतियं कलं ठिती पन्नत्ता ? गोयमा ! एगं पलिओवमं ठिती पन्नत्ता । सेवं भंते! सेवं भंते! त्ति जाव विरहति ।
*चोद्दसमे सए अट्ठमो उद्देसो समत्तो * 0 नवमो उद्देसो 0
[६३१] अणगारे णं भंते! भावियप्पा अप्पणो कम्मलेस्सं न जाणति, न पासति, तं पुण जीवं सरूविं सकम्मलेस्सं जाणइ, पासइ ? हंता, गोयमा ! अणगारे णं भावियप्पा अप्पणो जाव पासति ।
अत्थि णं भंते! सरूवी सकम्मलेस्सा पोग्गला ओभासंति ४ ? हंता, अत्थि ।
कयरे णं भंते! सरूवी सकम्मलेस्सा पोग्गला ओभासंति जाव पभासेंति? गोयमा ! जाओ इमाओ चंदिम-सूरियाणं देवाणं विमाणेहिंतो लेस्साओ बहिया अभिनिस्सडाओ पभावेंति एए णं गोयमा ! ते सरुवी सकम्मलेस्सा पोग्गला ओभासेंति ४।
[६३२] नेरतियाणं भंते! किं अत्ता पोग्गला, अणत्ता पोग्गला? गोयमा ! नो अत्ता पोग्गला,
असुरकुमाराणं भंते! किं अत्ता पोग्गला, अणत्ता पोग्गला? गोयमा ! अत्ता पोग्गला, णो अणत्ता
एवं जाव थणियकुमाराणं ।
पुढवविकाइयाणं पुच्छा। गोयमा ! अत्ता वि पोग्गला, अणत्ता वि पोग्गला ।
एवं जाव मणुस्साणं ।
अणत्ता पोग्गला ।
पोग्गला ।
[दीपरत्नसागर संशोधितः ]
[309]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |