Page Text
________________
सतं-१, वग्गो-,सत्तंसत्तं-, उद्देसो- ९
तणं ते थेरा भगवंतो कालासवेसियपुत्तं अणगारं एवं वयासी आया णे अज्जो ! सामाइए, आया णे अज्जो! सामाइयस्स अट्ठे जाव विउस्सग्गस्स अट्ठे ।
तए णं से कालासवेसियपुत्ते अणगारे थेरे भगवंते एवं वयासीजति भे अज्जो! आया सामाइए, आया सामाइयस्स अट्ठे एवं जाव आया विउस्सग्गस्स अट्ठे, अवहट्टु कोह- माण-माया-लोभे किमट्ठे अज्जो ! गरहह ? कालास ! संजमट्ठयाए ।
से भंते! किं गरहा संजमे? अगरहा संजमे? कालस.! गरहा संजमे, नो अगरहा संजमे, गरहा वि य णं सव्वं दोसं पविणेति, सव्वं बालियं परिण्णाए एवं खु णे आया संजमे उवहिते भवति, एवं खु आया संजमे उवचिते भवति, एवं खु णे आया संजमे उवट्ठिते भवति।
णे
एत्थ णं से कालासवेसियपुत्ते अणगारे संबुद्धे थेरे भगवंते वंदति णमंसति, एवं वयासीएतेसि णं भंते! पदाणं पुव्विं अण्णाणयाए असवणयाए अबोहीए अणभिगमेणं अदिट्ठाणं अस्सुताणं अमुताणं अविण्णायाणं अव्वोगडाणं अव्वोच्छिन्नाणं अणिज्जूढाणं अणुवधारिताणं एतमट्ठे णो सद्दहिते, णो पत्तिए, णो रोइए। इदाणिं भंते! एतेसिं पदाणं जाणताए सवणताएं बोहीए अभिगमेणं दिट्ठाणं सुताणं मुयाणं विण्णाताणं वोगडाणं वोच्छिन्नाणं णिज्जूढाणं उवधारिताणं एतमट्ठे सद्दहामि, पत्तियामि, रोमि । एवमेतं से जहेयं तुब्भे वदह ।
तए णं ते थेरा भगवंतो कालासवेसियपुत्तं अणगारं एवं वयासीसद्दहाहि अज्जो ! पत्तियाहि अज्जो ! रोएहि अज्जो से जहेतं अम्हे वदामो ।
तए णं से कालासवेसियपुत्ते अणगारे थेरे भगवंते वंदइ नमंसइ, २ एवं वदासी - इच्छामि णं भंते! तुब्भं अंतिए चाउज्जामाओ धम्माओ पंचमहव्वइयं सपडिक्कमणं धम्मं उवसंपज्जित्ताणं विहरित्तए । अहासुहं देवाणुप्पिया! मा पडिबंधं करे ।
तए णं से कालासवेसियपुत्ते अणगारे थेरे भगवंते वंदइ नमंसइ, वंदित्ता नमंसित्ता चाउज्जामाओ धम्माओ पंचमहव्वइयं सपडिक्कमणं धम्मं उवसंपज्जित्ताणं विहरइ।
तए णं से कालासवेसियपुत्ते अणगारे बहूणि वासाणि सामण्णपरियागं पाउणइ, जस्सट्ठाए कीरति नग्गभावे मुंडभावे अण्हाणयं अदंतधुवणयं अच्छत्तयं अणोवाहणयं भूमिसेज्जा फलगसेज्जा कट्ठसेज्जा केसलोओ बंभचेरवासो परघरपवेसो लद्धावलद्धी, उच्चावया गामकंटगा बावीसं परिसहोवसग्गा अहियासिज्जंति तमट्ठे आराहेइ, चरमेहिं उस्सास- नीसासेहिं सिद्धे बुद्धे मुक्के परिनिव्वुडे सव्वदुक्खप्पहीणे।
[ ९९ ] भंते! त्ति भगवं गोयमे समणं भगवं महावीरं वंदति नम॑सति, २ एवं वदासी से नूणं भंते! सेट्ठिस्स य तणुयस्स य किविणस्स य खत्तियस्स य समा चेव अपच्चक्खाणकिरिया कज्जइ ? हंता, गोयमा! सेट्ठिस्स य जाव अपच्चक्खाणकिरिया कज्जइ । से केणट्ठेणं भंते! ? गोयमा ! अविरतिं पडुच्च; से तेणट्ठेणं गोयमा ! एवं वुच्चइ सेट्ठिस्स य तणु. जाव कज्जइ ।
[१००] आहाकम्मं णं भुंजमाणे समणे निग्गंथे किं बंधति ? किं पकरेति? किं चिणाति? किं उवचिणाति? गोयमा! आहाकम्मं णं भुंजमाणे आठयवज्जाओ सत्त कम्मप्पगडीओ सिढिलबंधबद्धाओ धणियबंधणबद्धाओ पकरेइ जाव अणुपरियट्टइ।
से केणट्ठेणं जाव अणुपरियट्टइ? गोयमा ! आहाकम्मं णं भुंजमाणे आयाए धम्मं अतिक्कमति, आयाए धम्मं अतिक्कममाणे पुढविक्कायं णावकंखति जाव तसकायं णावकंखति, जेसिंपिय [दीपरत्नसागर संशोधितः]
[५-भगवई]
[30]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |