Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 30

सतं-१, वग्गो- ,सतंसतं- , उद्देसो-९
मणजोगो वइजोगो चउत्थएणं पदेणं। कायजोगो ततिएणं पदेणं। सागारोवओगो अणागारोवओगो चउत्थएणं पदेणं। सव्वदव्वा सव्वपदेसा सव्वपज्जवा जहा पोग्गलत्थिकाओ । तीतद्धा अणागतद्धा सव्वद्धा चउत्थेणं पदेणं।
[९६] से नूणं भंते! लाघवियं अप्पिच्छा अमुच्छा अगेही अपडिबद्धता समणाणं णिग्गंथाणं पसत्थं? हंता, गोयमा! लाघवियं जाव पसत्थं।
से नूणं भंते! अकोहत्तं अमाणतं अमायत्तं अलोभत्तं समणाणं निग्गंथाणं पसत्थं? हंता, गोयमा! अकोहत्तं जाव पसत्थं।
से नूणं भंते! कंखा-पदोसे खीणे समणे निग्गंथे अंतकरे भवति, अंतिमसरीरिए वा, बह्मोहे वि य णं पुट्विं विहरिता अह पच्छा संवुड़े कालं करेति तओ पच्छा सिज्झति ३ जाव अंतं करेइ? हंता गोयमा! कंखा-पदोसे खीणे जाव अंतं करेति।
[९७] अन्नउत्थिया णं भंते! एवमाइक्खंति एवं भासेंति एवं पण्णवेंति एवं परूवेति-"एवं खलु एगे जीवे एगेणं समएणं दो आउयाइं पगरेति, तं जहा-इहभवियाउयं, च परभवियाउगं च। जं समयं इहभवियाउगं पकरेति तं समयं इहभवियाउगं पकरेइ; इहभवियाउगस्स पकरणयाए परभवियाउगं पकरेइ, परभवियाउगस्स पगरणताए इहभवियाउयं पकरेति। एवं खलु एगे जीवे एगेणं समएणं दो आउयाई पकरेति, तं.-इहभवियाउयं च, परभवियाऽयं च। से कहमेतं भंते!
एवं? गोयमा! जं णं ते अण्णउत्थिया एवमाइक्खंति जाव परभवियाउयं च। जे ते एवमाहंसु मिच्छं ते एवमाहंसु। अहं पुण गोयमा! एवमाइक्खामि जाव परूवेमि-एवं खलु एगे जीवे एगेणं समएणं एग आउगं पकरेति, तं जहा-इहभवियाउयं वा, परभवियाउयं वा; जं समयं इहभवियाउयं पकरेति णो तं समयं परभवियाउयं पकरेति, जं समयं परभवियाउयं पकरेइ णो तं समयं इहभवियाउयं पकरेइ; इहभवियाउयस्स पकरणताए णो परभवियाउयं पकरेति, परभवियाउयस्स पकरणताए णो इहभवियाउयं पकरेति। एवं खलु एगे जीवे एगेणं समएणं एग आउयं पकरेति,तं.-इहभवियाउयं वा, परभवियाउयं वा। सेवं भंते! सेवं भंते! ति भगवं गोयमे जाव विहरति।
[९८] तेणं कालेणं तेणं समएणं पासावच्चिज्जे कालासवेसियपुत्ते णामं अणगारे जेणेव थेरा भगवंतो तेणेव उवागच्छति, उवागच्छित्ता थेरे भगवंते एवं वयासी-थेरा सामाइयं ण जाणंति, थेरा सामाइयस्स अठं ण याणंति, थेरा पच्चक्खाणं ण याणंति, थेरा पच्चक्खाणस्स अळं ण याणंति, थेरा संजमं ण याणंति, थेरा संजमस्स अट्ठं ण याणंति, थेरा संवरं ण याणंति, थेरा संवरस्स अट्ठं ण याणंति, थेरा विवेगं ण याणंति, थेरा विवेगस्स अट्ठ ण याणंति, थेरा विठस्सग्गं ण याणंति, थेरा विठस्सग्गस्स अळं ण याणंति।
तए णं ते थेरा भगवंतो कालासवेसियपुत्तं अणगारं एवं वयासी- जाणामो णं अज्जो! सामाइयं, जाणामो णं अज्जो! सामाइयस्स अट्ठे जाव जाणामो णं अज्जो! विठस्सग्गस्स अट्ठ।
तए णं से कालासवेसियपुत्ते अणगारे ते थेरे भगवंते एवं वयासी- जति णं अज्जो! तुब्भे जाणह सामाइयं, जाणह सामाइयस्स अट्ठे जाव जाणह विठस्सग्गस्स अळं, किं भे अज्जो! सामाइए? किं भे अज्जो! सामाइयस्स अठे? जाव किं भे विउस्सग्गस्स अठे?
ता
[दीपरत्नसागर संशोधितः]
[29]
[५-भगवई