Page Text
________________
सतं-१, वग्गो- ,सतंसतं- , उद्देसो-८
वाणमंतर-जोतिस-वेमाणिया जहा नेरइया। सेवं भंते! सेवं भंते! ति. ।
*पढम सए अट्ठमो उद्देसो समतो.
0 नवमो उद्देसो0 [९४] कहं णं भंते! जीवा गरुयत्तं हव्वमागच्छति? गोयमा! पाणातिवातेणं मुसावादेणं अदिण्णा. मेहण. परिग्ग. कोह. माण. माया. लोभ. पेज्ज. दोस. कलह. अब्भक्खाण. पेसुन्न. रति-अरति. परपरिवाय. मायामोस. मिच्छादसणसल्लेणं, एवं खलु गोयमा! जीव गरुयत्तं हव्वमागच्छंति।
कहं णं भंते! जीवा लह्यत्तं हव्वमागच्छंति? गोयमा! पाणातिवातवेरमणेणं जाव मिच्छादंसणसल्लवेरमणेणं, एवं खलु गोयमा! जीवा लह्यत्तं हव्वमागच्छंति।
___ एवं आकुलीकरेंति, एवं परित्तीकरेंति। एवं दीहीकरेंति, एवं ह्रस्सीकरेंति। एवं अणुपरियट रति, एवं वीतीवयंति। पसत्था चत्तारि। अप्पसत्था चत्तारि।
[९५] सत्तमे णं भंते! ओवासंतरे किं गरुए, लहए, गरुयलहए, अगरुयलहए? गोयमा! नो गरुए, नो लहुए, नो गरुयलहुए, अगरुयलहुए।
सत्तमे णं भंते! तणुवाते किं गरुए, लहुए, गरुयलहुए, अगरुयलहुए? गोयमा! नो गरुए, नो लहुए, गरुयलहुए, नो अगरुयलहुए।
एवं सत्तमे घणवाए, सत्तमे घणोदही, सत्तमा पुढवी। ओवासंतराई सव्वाई जहा सत्तमे ओवासंतरे । [सेसा] जहा तणुवाए। एवं-ओवास वाय घणउदहि पुढवी दीवा य सागरा वासा।
नेरड्या णं भंते! किं गरुया जाव अगरुयलहुया? गोयमा! नो गरुया, नो लहुया, गरुयलहुया वि, अगरुयलहुया वि। से केणढेणं? गोयमा! वेठव्विय-तेयाई पडुच्च नो गरुया, नो लहुया, गरुयलहुया, नो अगरुयलहुया। जीवं च कम्मणं च पडुच्च नो गरुया, नो लहुया, नो गरुयलहुया, अगरुयलहुया। से तेणठेणं।
एवं जाव वेमाणिया। नवरं णाणतं जाणियव्वं सरीरेहिं। धम्मत्थिकाये जाव जीवत्थिकाये चउत्थपदेणं।
पोग्गलत्थिकाए णं भंते! किं गरुए, लहुए, गरुयलहुए, अगरुयलहुए? गोयमा! णो गरुए, नो लहुए, गरुयलहुए वि, अगरुयलहुए वि। से केणठेणं? गोयमा! गरुयलहुयदव्वाई पडुच्च नो गरुए, नो लहुए, गरुयलहुए, नो अगरुयलहुए। अगरुयलहुयदव्वाइं पडुच्च नो गरुए, नो लहुए, नो गरुयलहुए, अगरुयलहुए।
समया कम्माणि य चउत्थपदेणं।
कण्हलेसा णं भंते! किं गरुया, जाव अगरुयलया? गोयमा! नो गरुया, नो लया, गरुयलया वि, अगरुयलह्या वि। से केणठेणं? गोयमा! दव्वलेसं पइच्च ततियपदेणं, भावलेसं पइच्च चउत्थपदेणं।
एवं जाव सुक्कलेसा। दिट्ठी-दंसण-नाण-अण्णाण-सण्णाओ चउत्थपदेणं णेतव्वाओ। हेछिल्ला चत्तारि सरीरा नेयव्वा ततियएणं पदेणं। कम्मयं चउत्थएणं पदेणं।
[दीपरत्नसागर संशोधितः]
[28]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |