Page Text
________________
सतं - १४, वग्गो, सत्तंसत्तं-, उद्देसो-७
वीससाए कालं करेति ततो पच्छा अमुच्छिते अगिद्धे जाव अणज्झोववन्ने आहारमाहारेइ? हंता, गोयमा! भत्तपच्चक्खायए णं अणगारे० तं चेव ।
से केणट्ठेणं भंते! एवं वुच्चति `भत्तपच्चक्खायए णं अण0' तं चेव? गोयमा ! भत्तपच्चक्खायए णं अणगारे मुच्छिए जाव अज्झोववन्ने आहारे भवइ, अहे णं वीससाए कालं करेइ तओ पच्छा अमुच्छिते जाव आहारे भवति। सेतेणट्ठेणं गोयमा ! जाव आहारमाहारेति।
[६२२] अत्थि णं भंते! 'लवसत्तमा देवा, लवसत्तमा देवा'? हंता, अत्थि ।
से केणट्ठेणं भंते! एवं वुच्चइ 'लवसत्तमा देवा, लवसत्तमा देवा' ? गोयमा! से जहानामए केयि पुरिसे तरुणे जाव निउणसिप्पोवगए सालीण वा वीहीण व गोधूमाण वा जवाण वा जवजवाण वा पिक्काणं परियाताणं हरियाणं हरियकंडाणं तिक्खेणं णवपज्जण एणं असियएणं पडिसाहरिया पडिसाहरिया पडिसंखिविय पडिसंखिविय जाव इणामेव इणामेव त्ति कट्ट्टु सत्त लए लएज्जा, जति णं गोयमा ! तेसिं देवाणं एवतियं कालं आउए पहुप्पंते तो णं ते देवा तेणं चेव भवग्गहणेणं सिज्झता जाव अंत करेंता । सेतेणट्ठेणं जाव लवसत्तमा देवा, लवसत्तमा देवा ।
[६२३] अत्थि णं भंते! अणुत्तरोववातिया देवा, अणुत्तरोववातिया देवा? हंता, अत्थि ।
से केणट्ठेणं भंते! एवं वुच्चति 'अणुत्तरोववातिया देवा, अणुत्तरोववातिया देवा'? गोयमा! अणुत्तरोववातियाणं देवाणं अणुत्तरा सद्दा जाव अणुत्तरा फासा, सेतेणट्ठेणं गोयमा ! एवं वुच्चइ अणुत्तरोववातिया देवा, अणुतत्तरोववातिया देवा ।
अणुत्तरोववातिया णं भंते! देवा केवतिएणं कम्मावसेसेणं अणुत्तरोववातियदेवत्ताए उववन्ना? गोयमा! जावतियं छट्ठभत्तिए समणे निग्गंथे कम्मं निज्जरेति एवतिएणं कम्मावसेसेणं अणुत्तरोववातिया देवा अणुत्तरोववातियदेवत्ताए उववन्ना ।
सेवं भंते! सेवं भंते! ति० ।
* चोहसमे सए सत्तमो उहेसो समत्तो *
० अट्ठमो उद्देसो 0
[६२४] इमीसे णं भंते! रयणप्पभाए पुढवीए सक्करप्पभाए य पुढवीए केवतियं अबाहाए अंतरे पन्नत्ते ? गोयमा ! असंखेज्जाइं जोयणसहस्साइं अबाहाए अंतरे पन्नत्ते ।
सक्करप्पभाए णं भंते! पुढवीए वालुयप्पभाए य पुढवीए केवतियं ०? एवं चेव । एवं जाव तमाए अहेसत्तमाए य ।
अहेसत्तमाए णं भंते! पुढवीए अलोगस्स य केवतियं अबाहाए अंतरे पन्नत्ते? गोयमा! असंखेज्जाई जोयणसहस्साइं अबाहाए अंतरे पन्नत्ते ।
इमीसे णं भंते! रयणप्पभाए पुढवीए जोतिसस्स य केवतियं० पुच्छा। गोयमा! सत्तनउए जोयणसए अबाहाए अंतरे पन्नत्ते ।
जोतिसस्स णं भंते! सोहम्मीसाणाण य कप्पाणं केवतियं पुच्छा। गोयमा! असंखेज्जाइं जोयणाइं जाव अंतरे पन्नत्ते ।
सोहेम्मीसाणाणं भंते! सणकुमार माहिंदाण य केवतियं ? एवं चेव ।
[दीपरत्नसागर संशोधितः ]
[307]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |