Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 304

सतं-१४ वग्गो- ,सत्तंसत्तं- , उद्देसो-५
से केणठेणं भंते! एवं वुच्चइ 'अत्थेगतिए वीतीवएज्जा, अत्थेगतिए नो वीतीवएज्जा? गोयमा! नेरइया विहा पन्नत्ता, तं जहा- विग्गहगतिसमावन्नगा य अविग्गहगतिसमावन्नगा य। तत्थ णं जे से विग्गहगतिसमावन्नए नेरतिए से णं अगणिकायस्स मज्झमज्झेणं वीतीवएज्जा। से णं तत्थ झियाएज्जा? णो इणढे समठे, नो खलु तत्थ सत्थं कमति। तत्थ णं जे से अविग्गहगतिसमावन्नए नेरइए से णं अगणिकायस्स मज्झंमज्झेणं णो वीतीवएज्जा। सेतेणढेणं जाव नो वीतीवएज्जा।
असुरकुमारे णं भंते! अगणिकायस्स० पुच्छा। गोयमा! अत्थेगतिए वीतीवएज्जा, अत्थगतिए नो वीतीवएज्जा।
से केणठेणं जाव नो वीतीवएज्जा? गोयमा! असुरकुमारा दुविहा पन्नता, तं जहा-- विग्गहगतिसमावन्नगा य अविग्गहगतिसमावन्नगा य। तत्थ णं जे से विग्गहगतिसमावन्नए असुरकुमारे से णं एवं जहेव नेरतिए जाव कमति। तत्थ णं जे से अविग्गहगतिसमावन्नए असुरकुमारे से णं अत्थेगतिए अगणिकायस्स मज्झंमज्झेणं वीतीवएज्जा, अत्थेगइए नो वीइवएज्जा। जे णं वीतीवएज्जा से णं तत्थ झियाएज्जा? नो इणठे समठे, नो खलु तत्थ सत्थं कमति। सेतेणठेणं०।
एवं जाव थणियकुमारे। एगिंदिया जहा नेरइया।
बेइंदिया णं भंते! अगणिकायस्स मज्झंमज्झेणं0? जहा असुरकुमारे तहा बेइंदिए वि। नवरं जे णं वीतीवएज्जा से णं तत्थ झियाएज्जा? हंता, झियाएज्जा। सेसं तं चेव।
एवं जाव चरिंदिए।
पंचिंदियतिरिक्खजोणिए णं भंते! अगणिकाय0 पुच्छा। गोयमा! अत्थेगतिए वीतीवएज्जा, अत्थेगतिए नो वीइवएज्जा।
से केणठेणं०? गोयमा! पंचेंदियतिरिक्खजोणिया दुविहा पण्णता, तं जहा- विग्गहगतिसमावन्नगा य अविग्गहगतिसमावन्नगा य। विग्गहगतिसमावन्नए जहेव नेरइए जाव नो खलु तत्थ सत्थं कमइ।अविग्गहगइसमावन्नगा पंचेंदियतिरिक्खजोणिया दुविहा पन्नता, तं जहा-इड्ढिप्पत्ता य अणिड्ढिप्पत्ता य। तत्थ णं जे से इड्ढिप्पत्ते पंचेंदियतिरिक्खजोणिए से णं अत्थेगतिए अगणिकायस्स मज्झमज्झेणं वीतीवएज्जा, अत्थेगतिए नो वीयीवएज्जा। जे णं वीतीवएज्जा से णं तत्थ झियाएज्जा? नो इणठे समठे, नो खलु तत्थ सत्थं कमइ। तत्थ णं जे से अणिड्ढिप्पत्ते पंचेंदियतिरिक्खजोणिए से णं अत्थेगतिए अगणिकायस्स मज्झंमज्झेणं वीतीवएज्जा, अत्थेगतिए नो वीइवएज्जा। जे णं वीतीवएज्जा से णं तत्थ झियाएज्जा? हंता, झियाएज्जा! सेतेणठेणं जाव नो वीतीवएज्जा।
एवं मणुस्से वि। वाणमंतर-जोतिसिय-वेमाणिए जहा असुरकुमारे।
[६१३] नेरतिया दस ठाणाई पच्चणुभवमाणा विहरंति, तं जहा- अणिट्ठा सद्दा, अणिट्ठा रूवा, जाव अणिट्ठा फासा, अणिट्ठा गती, अणिट्ठा ठिती, अणिढे लायण्णे, अणिढे जसोकित्ती, अणिढे उट्ठाणकम्मबलवीरियपुरिसक्कारपरक्कमे।
असुरकुमारा दस ठाणाई पच्चणुभवमाणा विहरंति, तं जहा- इट्ठा सद्दा, इट्ठा रूवा जाव इठे उट्ठाणकम्मबलवीरियपरिसक्कारपरक्कमे।
[दीपरत्नसागर संशोधितः]
[303]
[५-भगवई