Page Text
________________
सतं-१४, वग्गो- ,सत्तंसत्तं- , उद्देसो-३
0 तइओ उद्देसो 0 [६०३] देवे णं भंते! महाकाये महासरीरे अणगारस्स भावियप्पणो मज्झंमज्झेणं वीयीवएज्जा? गोयमा! अत्थेगइए वीतीवएज्जा, अत्थेगतिए नो वीतीवएज्जा।
से केणठेणं भंते! एवं वुच्चति अत्थेगइए वीतीवएज्जा, अत्थेगतिए नो वीतीवएज्जा'? गोयमा! देवा द्विहा पन्नत्ता, तं जहा--मायीमिच्छादिट्ठीउववन्नगा य, अमायीसम्मद्दिट्ठीउववन्नगा य। तत्थ णं जे से मायीमिच्छद्दिट्ठीउववन्नए देवे से णं अणगारं भावियप्पाणं पासति, पासित्ता नो वंदति, नो नमंसति, नो सक्कारेइ, नो सम्माणेति, नो कल्लाणं मंगलं
देवतं जाव पज्जुवासति। से णं अणगारस्स भावियप्पणो मज्झंमज्झेणं वीतीवएज्जा। तत्थ णं जे से अमायीसम्मद्दिठिठववन्नए देवे, से णं अणगारं भावियप्पाणं पासति, पासित्ता वंदति नमंसति जाव पज्जुवासइ, से णं अणगारस्स भावियप्पणो मज्झंमज्झेणं नो वीयीवएज्जा। सेतेणठेणं गोयमा! एवं वुच्चइ जाव नो वीयीवएज्जा।
असुरकुमारे णं भंते! महाकाये महासरीरे०, एवं चेव। एवं देवदंडओ भाणियव्वो जाव वेमाणिए।
[६०४] अत्थि णं भंते! नेरइयाणं सक्कारे ति वा सम्माणे ति वा किइकम्मे ति वा अब्भुट्ठाणे इ वा अंजलिपग्गहे ति वा आसणाभिग्गहे ति वा आसणाणुप्पदाणे ति वा, एतस्स पच्चुग्गच्छणया, ठियस्स पज्जुवासणया, गच्छंतस्स पडिसंसाहणया? नो तिणठे समठे।
अत्थि णं भंते! असुरकुमाराणं सक्कारे ति वा सम्माणे ति वा जाव पडिसंसाहणता? हंता, अत्थि ।
एवं जाव थणियकुमाराणं। पुढविकाइयाणं जाव चरिंदियाणं, एएसिं जहा नेरइयाणं।
अत्थि णं भंते! पंचिंदियतिरिक्खजोणियाणं सक्कारे ति वा जाव पडिसंसाधणया? हंता, अत्थि, नो चेव णं आसणाभिग्गहे ति वा, आसणाणुप्पयाणे ति वा।
मणुस्साणं जाव वेमाणियाणं जहा असुरकुमाराणं।
[६०५] अप्पिढिए णं भंते! देवे महिड्ढियस्स देवस्स मज्झंमज्झेणं वीतीवएज्जा? नो तिणढे समढे।
समिड्ढिए णं भंते! देवे समिड्ढियस्स देवस्स मज्झंमज्झेणं वीतीवएज्जा? णो तिणमठे समठे, पमत्तं पुण वीतीवएज्जा।
से णं भंते! किं सत्थेणं अक्कमिता पभू, अणक्कमित्ता पभू? गोयमा! अक्कमिता पभू, नो अणक्कमित्ता पभू।
से णं भंते! किं पुट्विं सत्थेणं अक्कमित्ता पच्छा वीतीवएज्जा, पुट्विं वीतीवतित्ता पच्छा सत्थेणं अक्कमेज्जा? एवं एएणं अभिलावेणं जहा दसमसए आतिड्ढीउद्देसए तहेव निरवसेसं चत्तारि दंडगा भाणितव्वा जाव महिड्ढीया माणिणी अप्पिड़िढयाए वेमाणिणीए।
[६०६] रतणप्पभपुढविनेरइया णं भंते! केरिसयं पोग्गलपरिणामं पच्चणुभवमाणा विहरंति?
[दीपरत्नसागर संशोधितः]
[301]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |