________________
सतं - १४, वग्गो, सत्तंसत्तं-, उद्देसो-१
देवालयं पकरेंति ।
अणंतरपरंपरअणुववन्नगा णं भंते! नेरइया किं नेरइयाउयं प० पुच्छा। गोयमा! नो नेरइयाउयं पकरेंति, जाव नो देवाउयं पकरेंति ।
एवं जाव वेमाणिया, नवरं पंचिंदियतिरिक्खजोणिया मणुस्सा य परंपरोववन्नगा चत्तारि वि आउयाई पकरेंति । सेसं तं चेव ।
नेरइया णं भंते! किं अणंतरनिग्गया परंपरनिग्गया अणंतरपरंपरअनिग्गया? गोयमा ! नेरड्या अतरनिग्गया वि जाव अणंतरपरंपरअनिग्गया वि ।
सेकेणट्ठेणं जाव अणिग्गता वि? गोयमा ! जे णं नेरइया पढमसमयनिग्गया ते णं नेरइया अणंतरनिग्गया, जे णं नेरइया अपढमसमयनिग्गया ते णं नेरइया परंपरनिग्गया, जेणं नेरइया विग्गहगतिसमावन्नगा ते णं नेरइया अणंतरपरंपरअणिग्गया । सेतेणट्ठेणं गोयमा ! जाव अणिग्गता वि।
एवं जाव वेमाणिया ।
अणंतरनिग्गया णं भंते! नेरइया किं नेरइयाउयं पकरेंति, जाव देवाउयं पकरेंति? गोयमा! नो नेरइयायं पकरेंति जाव नो देवाउयं पकरेंति ।
परंपरनिग्गया णं भंते! नेरइया किं नेरइयाउयं० पुच्छा। गोयमा ! नेरइयाउयं पि पकरेंति, जाव देवालयं पिपकरेंति ।
अणंतरपरंपरअणिग्गया णं भंते! नेरइया० पुच्छा० । गोयमा ! नो नेरइयाउयं पि पकरेंति, जाव नो देवालयं पि करेंति ।
निरवसेसं जाव वेमाणिया ।
नेरइया णं भंते! किं अणंतरखेदोववन्नगा, परंपरखेदोववन्नगा, अणंतरपरंपरखेदाणुववन्नगा ? गोयमा! नेरइया०, एवं एतेणं अभिलावेणं ते चेव चत्तारि दंडगा भाणियव्वा ।
सेवं भंते! सेवं भंते! त्ति जाव विहरति ।
* चोइसमे सए पढमो उहेसो समत्तो *
0 बीओ उद्देसो 0
[६००] कतिविधे णं भंते! उम्मादे पन्नत्ते ? गोयमा ! दुविहे उम्मादे पण्णत्ते, तं जहा जक्खाएसे य मोहणिज्जस्स य कम्मस्स उदएणं । तत्थ णं जे से जक्खाएसे से णं सुहवेयणतराए चेव, सुहविमोयणतराए चेव। तत्थ णं जे से मोहणिज्जस्स कम्मस्स उदएणं से णं दुहवेयणतराए चेव, दुहविमोयणतराए चेव ।
नेरइयाणं भंते! कतिविधे उम्मादे पन्नत्ते ? गोयमा ! दुविहे उम्मादे पन्नत्ते, तं जहा--जक्खाएसे य, मोहणिज्जस्स य कम्मस्स उदएणं ।
से केणट्ठेणं भंते! एवं वुच्चइ 'नेरइयाणं दुविहे उम्मादे पन्नत्ते, तं जहा--जक्खाएसे य, मोहणिज्जस्स जाव उदएणं' ? गोयमा ! देवे वा से असुभे पोग्गले पक्खिवेज्जा, से णं तेसिं असुभाणं पोग्गलाणं पक्खिवणयाए जक्खाएसं उम्मायं पाठणिज्जा । मोहणिज्जस्स वा कम्मस्स उदएणं मोहणिज्जं
[५-भगवई]
[दीपरत्नसागर संशोधितः ]
[299]
