Page Text
________________
सतं-१३, वग्गो- ,सत्तंसत्तं- , उद्देसो-१०
सेवं भंते! सेवं भंते! ति जाव विहरति।
तेरसमे सए दसमो उद्देसो समतो*
०-तेरसमं सयं समत्तं-० • मुनि दीपरत्नसागरेण संशोधितः सम्पादितश्च तेरसमं सतं समतं .
[] चोद्दसमं सयं [] [५९६] चर उम्माद सरीरे पोग्गल अगणी तहा किमाहारे । संसिट्ठमंतरे खलु अणगारे केवली चेव ।।
0 पढमो उद्देसो 0 [५९७] रायगिहे जाव एवं वयासी
अणगारे णं भंते! भावियप्पा चरमं देवावासं वीतिक्कते, परमं देवावासं असंपत्ते, एत्थ णं अंतरा कालं करेज्जा, तस्स णं भंते! कहिं गती, कहिं उववाते पन्नते? गोयमा! जे से तत्थ परिपस्सओ तल्लेसा देवावासा तहिं तस्स गती, तहिं तस्स उववाते पन्नते। से य तत्थगए विराहेज्जा कम्मलेस्सामेव पडिपडइ, से य तत्थ गए नो विराहेज्जा तामेव लेस्सं उवसंपज्जिताणं विहरइ।
[५९८] अणगारे णं भंते! भावियप्पा चरमं असुरकुमारावासं वीतिक्कंते, परमं असुरकुमारा? एवं चेव।
एवं जाव थणियकुमारावासं, जोतिसियावासं। एवं वेमाणियावासं जाव विहरइ।
नेरइयाणं भंते! कहं सीहा गती? कहं सीहे गतिविसए पन्नते? गोयमा! से जहानामए केयि पुरिसे तरुणे बलवं जुगवं जाव निठणसिप्पोवगएआउंपियं बाहं पसारेज्जा, पसारियं वा बाहं आठज्जा , विक्खिण्णं वा मुठिं साहरेज्जा, साहरियं वा मुठिं विक्खिरेज्जा, उम्मिसियं वा अच्छिं निमिसेज्जा, निमिसितं वा अच्छिं उम्मिसेज्जा, भवेयारूवे? णो तिणढे समठे। नेरइया णं एगसमएण वा दुसमएण वा तिसमएण वा विग्गहेणं उववज्जंति, नेरइयाणं गोयमा! तहा सीहा गती, तहा सीहे गतिविसए पन्नते।।
एवं जाव वेमाणियाणं, नवरं एगिंदियाणं चउसमइए विग्गहे भाणियव्वे। सेसं तं चेव।
[५९९] नेरइया णं भंते! किं अणंतरोववन्नगा, परंपरोववन्नगा, अणंतरपरंपरअणुववन्नगा वि? गोयमा! नेरइया अणंतरोववन्नगा वि, परंपरोववन्नगा वि, अणंतरपरंपरअणुववन्नगा वि।
से केणठेणं भंते! एवं वुच्चइ जाव अणंतरपरंपरअणुववन्नगा वि? गोयमा! जे णं नेरइया पढमसमयोववन्नगा ते णं नेरइया अणतरोववन्नगा, जे णं नेरइया अपढमसमयोववन्नगा ते णं नेरइया परंपरोववन्नगा, जे णं नेरइया विग्गहगतिसमावन्नगा ते णं नेरइया अणंतरपरंपरअणुववन्नगा। सेतेणठेणं जाव अणुववन्नगा वि।
एवं निरंतरं जाव वेमाणिया।
अणंतरोववन्नगा णं भंते! नेरइया किं नेरइयाउयं पकरेंति? तिरिक्ख-मणुस्स-देवाउयं पकरेंति? गोयमा! नो नेरइयाउयं पकरेंति, जाव नो देवाउयं पकरेंति।
परंपरोववन्नगा णं भंते! नेरइया किं नेरइयाउयं पकरेंति, जाव देवाउयं पकरेंति? गोयमा! नो नेरइयाउयं पकरेंति, तिरिक्खजोणियाऽयं पि पकरेंति, मणुस्साउयं पि पकरेंति, नो
[दीपरत्नसागर संशोधितः]
[298]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |