________________
सतं-१३, वग्गो- ,सत्तंसत्तं- , उद्देसो-९
से जहाणमए हंसे सिया, तीरातो तीरं अभिरममाणे अभिरममाणे गच्छेज्जा, एवामेव अणगारे हंसकिच्चगतेणं अप्पाणेणं०, तं चेव।
से जहानामए समुद्दवायसए सिया, वीयीओ वीयिं डेवेमाणे डेवेमाणे गच्छेज्जा, एवामेव०, तहेव।
से जहानामए केयि पुरिसे चक्कं गहाय गच्छेज्जा, एवामेव अणगारे वि भावियप्पा चक्कहत्थकिच्चगएणं अप्पाणेणं०, सेसं जहा कियाघडियाए।
एवं छत्तं। एवं चम्म।
से जहानामए केयि पुरिसे रयणं गहाय गच्छेज्जा, एवं चेव। एवं वइरं, वेरुलियं, जाव रिलैं।
एवं उप्पलहत्थगं, एवं पठमहत्थगं, एवं कुमुदहत्थगं, एवं जाव से जहानामए केयि पुरिसे सहस्सपत्तगं गहाय गच्छेज्जा, एवं चेव।
से जहानामए केयि पुरिसे भिसं अवदालिय अवदालिय गच्छेज्जा, एवामेव अणगारे वि भिसकिच्चगएणं अप्पाणेणं०, तं चेव।
से जहानामए मुणालिया सिया, उदगंसि कायं उम्मज्जिय उम्मज्जिय चिट्ठज्जा, एवामेव०, सेसं जहा वग्गुलीए।
से जहानामए वणसंडे सिया किण्हे किण्होभासे जाव निकुळंबभूए पासादीए ४, एवामेव अणगारे वि भावियप्पा वणसंडकिच्चगतेणं अप्पाणेणं उड्ढं वेहासं उप्पएज्जा, सेसं तं चेव।
से जहानामए पुक्खरणी सिया, चठक्कोणा समतीरा अणुपुव्वसुजाय० जाव सडुन्नइयमहरसरणादिया पासादीया ४, एवामेव अणगारे वि भावियप्पा पोक्खरणीकिच्चगएणं अप्पाणेणं उड्ढं वेहासं उप्पएज्जा? हंता, उप्पतेज्जा।
अणगारे णं भंते! भावियप्पा केवतियाइं पभू पोक्खरणीकिच्चगयाइं रूवाइं विउवित्तए? सेसं तं चेव जाव विठव्विस्सति वा।
से भंते! किं मायी विउव्वइ, अमायी विठव्वइ? गोयमा! मायी विठव्वति, नो अमायी विठव्वति।
मायी णं तस्स ठाणस्स अणालोइय० एवं जहा ततियसए चउत्थुद्देसए जाव अत्थि तस्स आराहणा। सेवं भंते! सेवं भंते! जाव विहरति।
तेरसमे सए नयमो उद्देसो समतो.
० दसमो उद्देसो 0 [५९५]कति णं भंते! छाउमत्थिया समुग्घाया पन्नत्ता? गोयमा! छ छाउमत्थिया समुग्घाया पन्नत्ता, तं जहा-वेदणासमुग्घाते, एवं छाउमत्थिया समुग्धाता नेतव्वा जहा पण्णवणाए जाव आहारगसमुग्घातो ति।
[दीपरत्नसागर संशोधितः]
[297]
[५-भगवई
