Page Text
________________
सतं - १३,
वग्गो, सत्तंसतं, उद्देसो-२
सुक्कलेस्सेसु एवं चेव, नवरं लेसाठाणेसु विसुज्झमाणेसु विसुज्झमाणेसु सुक्कलेस्सं परिणमति, सुक्कलेसं परिणमित्ता सुक्कलेस्सेसु देवेसु उववज्जंति, सेतेणट्ठेणं जाव उववज्जंति। सेवं भंते! सेवं भंते! त्ति०।
*तेरसमे सए बीइओ उद्देसो समत्तो *
० ततिओ उद्देसो 0
[५६८] नेरतिया णं भंते! अणंतराहारा ततो निव्वत्तणया । एवं परियारणापदं निरवसेसं भा० । सेवं भंते! सेवं भंते! ति० ।
*तेरसमे सए तइओ उद्देसो समत्तो *
० चत्थो उद्देसो ०
[५६९] कति णं भंते ! पुढवीओ पन्नत्ताओ ? गोयमा ! सत्त पुढवीओ पण्णत्ताओ, तं जहारयणप्पभा जाव अहेसत्तमा ।
अहेसत्तमाए णं पुढवी पंच अणुत्तरा महतिमहालया जाव अपतिट्ठाणे। ते णं णरगा छट्ठाए तमाए पुढवीए नरएहिंतो महत्तरा चेव, महावित्थिण्णतरा चेव, महोवासतरा चेव, महापतिरिक्कतरा चेव, नो तहा-महापवेसणतरा चेव, आइण्णतरा चेव, आउलतरा चेव, अणोमाणतरा चेव; तेसु णं नरएसु नेरतिया छट्ठाए तमाए पुढवीए नेरइएहिंतो महाकम्मतरा चेव, महाकिरियतरा चेव, महासवतरा चेव, महावेयणतरा चेव, नो तहा- अप्पकम्मतरा चेव, अप्पकिरियतरा चेव अप्पासवतरा चेव, अप्पवेयणतरा चेव । अप्पिड्ढियतरा चेव, अप्पजुतियतरा चेव; नो तहा- महिड्ढियतरा चेव, नो महज्जुतियतरा चेव ।
छट्ठाए णं तमाए पुढवीए एगे पंचूणे निरयावाससयसहस्से पन्नत्ते । ते णं नरगा अहेसत्तमाए पुढवीए नेरइएहिंतो नो तहा - महत्तरा चेव, महावित्थिण्ण० ४; महप्पवेसणतरा चेव, आइण्ण० ४ । तेसु णं नरएसु नेरइया अहेसत्तमाए पुढवीए नेरइएहिंतो अप्पकम्मतरा चेव, अप्पकिरिय० ४; नो तहामहाकम्मतरा चेव, महाकिरिय० ४; महिड्डियतरा चेव, महज्जुतियतरा चेव; नो तहा- अप्पिड्ढियतरा चेव, अप्पज्जुतियतरा चेव ।
छट्ठाए णं तमाए पुढवीए नरगा पंचमाए धूमप्पभाए पुढवीए नरएहिंतो महत्तरा चेव० ४; नो तहा महप्पवेसणतरा चेव० ४ ।
तेसु णं नरएसु नेरइया पंचमाए धूमप्पभाए पुढवीए नेरइएहिंतो महाकम्मतरा चेव० ४; नो तहा अप्पकम्मतरा चेव० ४; अप्पिड्ढियतरा चेव अप्पजुइयतरा चेव; नो तहा महिड्ढियतरा चेव० २ । पंचमाए णं धूमप्पभाए पुढवीए तिन्नि निरयावाससतसहस्सा पन्नत्ता।
एवं जहा छट्ठाए भणिय एवं सत्त वि पुढवीओ परोप्परं भण्णंति जाव रयणप्पभ त्ति। जाव नो तहा महिड्ढियतरा चेव अप्पज्जुतियतरा चेव ।
[५७०] रयणप्पभपुढविनेरइया णं भंते! केरिसयं पुढविफासं पच्चणुभवमाणा विहरंति? गोयमा ! अणिट्ठे जाव अमणाणं ।
एवं जाव अहेसत्तमपुढविनेरतिया । एवं जाव वणस्सइफासं ।
[दीपरत्नसागर संशोधितः ]
[283]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |