Page Text
________________
सतं-१३, वग्गो-,सत्तंसत्तं-, उद्देसो-१
नरएस किं सम्मदिट्ठी नेरतिया उव्वट्ांति ?0, एवं चेव ।
इमीसे णं भंते! रयणप्पभाए पुढवीए तीसाए निरयावाससयसहस्सेसु संखेज्जवित्थडा नरगा किं सम्मद्दिट्ठीहिं नेरइएहिं अविरहिया, मिच्छादिट्ठीहिं नेरइएहिं अविरहिया, सम्मामिच्छादिट्ठीहिं नेरइएहिं अविरहिया? गोयमा! सम्मद्दिट्ठीहि वि नेरइएहिं अविरहिया, मिच्छादिट्ठीहि वि नेरइएहिं अविरहिता, सम्मामिच्छादिट्ठीहिं नेरइएहिं अविरहिया विरहिया वा ।
एवं असंखेज्जवित्थडेसु वि तिण्णि गमगा भाणिव्वा एवं सक्करप्पभाए वि । एवं जाव तमाए ।
असत्तमाए णं भंते! पुढवीए पंचसु अणुत्तरेसु जाव संखेज्जवित्थडे नरए किं सम्मदिट्ठी नेरइया० पुच्छा। गोयमा! सम्मद्दिट्ठी नेरइया न उववज्जंति, मिच्छद्दिट्ठी नेरइया उववज्जंति, सम्मामिच्छद्दिट्ठी नेरड्या न उववज्जंति ।
एवं उव्वट्İति वि।
अविरहिए जहेव रयणप्पभाए ।
एवं असंखेज्जवित्थडेसु वि तिण्णि गमगा ।
[५६६] से नूणं भंते! कण्हलेस्से नीललेस्से जाव सुक्कलेस्से भवित्ता कण्हलेस्सेसु नेरइएस उववज्जंति? हंता, गोयमा ! कण्हलेस्से जाव उववज्जंति ।
से केणट्ठेणं भंते! एवं वुच्चइ `कण्हलेस्से जाव उववज्जंति ? गोयमा ! लेस्सट्ठाणेसु संकिलिस्समाणेसु संकिलिस्समाणेसु कण्हलेसं परिणमइ कण्हलेसं परिणमित्ता कण्हलेस्सेसु नेरइएसु उववज्जंति, सेतेणट्ठेणं जाव उववज्जंति ।
से नूणं भंते! कण्हलेस्से जाव सुक्कलेस्से भवित्ता नीललेस्सेसु नेरइएसु उववज्जंति? हंता, गोयमा! जाव उववज्जंति ।
से केणट्ठेणं जाव उववज्जंति ? गोयमा ! लेस्सट्ठाणेसु संकिलिस्समाणेसु वा विसुज्झमाणेसु वा नीललेस्सं परिणमति, नीललेसं परिणमित्ता नीललेस्सेसु नेरइएसु उववज्जंति, सेतेणट्ठेणं गोयमा ! जाव उववज्जंति ।
से नूणं भंते! कण्हलेस्से नील0 जाव भवित्ता काउलेस्सेसु नेरइएसु उववज्जंति ?
एवं जहा नीललेस्साए तहा काउलेस्सा वि भाणियव्वा जाव से तेणट्ठेणं जाव उववज्जंति। सेवं भंते! सेवं भंते! ति० ।
*तेरसमे सए पदमो उद्देसो समतो *
० बीओ उद्देसो ०
[५६७ ] कतिविधा णं भंते! देवा पन्नत्ता ? गोयमा ! चउव्विहा देवा पन्नत्ता, तं जहा भवणवासी वाणमंतरा चोतिसिया वेमाणिया ।
भवणवासी णं भंते! देवा कतिविधा पन्नत्ता? गोयमा ! दसविहा पण्णत्ता, तं जहा-असुरकुमारा० एवं भेदो जहा बितियसए देवुद्देस जाव अपराजिया सव्वट्ठसिद्धगा ।
केवतिया णं भंते! असुरकुमारावससयसहस्सा पन्नता ? गोयमा ! चोसट्ठिं असुरकुमारावास[दीपरत्नसागर संशोधितः ]
[५-भगवई]
[280]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |