Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 280

सतं-१३, वग्गो - ,सत्तंसत्तं- , उद्देसो-१
नोइंदियोवउत्ता जहा असण्णी। संखेज्जा मणजोगी पन्नत्ता। एवं जाव अणागारोवउत्ता। अणंतरोववन्नगा सिय अत्थि सिय नत्थि; जदि अत्थि जहा असण्णी। संखेज्जा परंपरोववन्नगा। एवं जहा अणंतरोववन्नगा तहा अणंतरोगाढगा, अणंतराहारगा, अणंतरपज्जतगा। परंपरोगाढगा जाव अचरिमा जहा परंपरोववन्नगा ।
इमीसे णं भंते! रयणप्पभाए पुढवीए तीसाए निरयावाससयसहस्सेस् असंखेज्जवित्थडेस् नरएसु एगसमएणं केवतिया नेरतिया उववज्जति?, जाव केवतिया अणागारोवठत्ता उववज्जंति?|
गोयमा! इमीसे रयणप्पभाए पुढवीए तीसाए निरयावाससयसहस्सेसु असंखेज्जवित्थडेसु नरएसु एगसमएणं जहन्नेणं एक्को वा दो वा तिण्णि वा, उक्कोसेणं असंखेज्जा नेरइया उववज्जति। एवं जहेव संखेज्जवित्थडेसु तिण्णि गमगा तहा असंखेज्जवित्थडेसु वि तिण्णि गमगा भाणियव्वा। नवरं असंखेज्जा भाणियव्वा, सेसं तं चेव जाव असंखेज्जा अचरिमा पन्नत्ता ४९। "नाणतं लेस्सासु", लेसाओ जहा पढमसए। नवरं संखेज्जवित्थडेसु वि असंखेज्जवित्थडेसु वि ओहिनाणी ओहिदंसणी य संखेज्जा उव्वळावेयव्वा, सेसं तं चेव।।
सक्करप्पभाए णं भंते! पुढवीए केवतिया निरयावास0 पुच्छा। गोयमा! पणुवीस निरयावाससयसहस्सा पन्नता।
ते णं भंते! किं संखेज्जवित्थडा, असंखेज्जवित्थडा? एवं जहा रयणप्पभाए तहा सक्करप्पभाए वि। नवरं असण्णी तिसु वि गमएसु न भण्णति, सेसं तं चेव।
वालुयप्पभाए णं0 पुच्छा। गोयमा! पन्नरस निरयावाससयसहस्सा पन्नता। सेसं जहा सक्करप्पभाए। "णाणतं लेसासु", लेसाओ जहा पढमसए (स0 १ 30 ५ सु० २८)।
पंकप्पभाए0 पुच्छा। गोयमा! दस निरयावाससतसहस्सा0। एवं जहा सक्करप्पभाए। नवरं ओहिनाणी ओहिदंसणी य न उव्वटांति, सेसं तं चेव।
धूमप्पभाए णं0 पुच्छा। गोयमा! तिण्णि निरयावाससयसहस्सा0 एवं जहा पंकप्पभाए।
तमाए णं भंते! पुढवीए केवतिया निरयावास0 पुच्छा। गोयमा! एगे पंचूणे निरयावाससयसहस्से पन्नते। सेसं जहा पंकप्पभाए।
अहेसत्तमाए णं भंते! पुढवीए कति अणुतरा महतिमहालया निरया पन्नत्ता? गोयमा! पंच अणुत्तरा जाव अप्पतिट्ठाणे।।
ते णं भंते! किं संखेज्जवित्थडा, असंखेज्जवित्थडा? गोयमा! संखेज्जवित्थडे य असंखेज्जवित्थडा य।
अहेसत्तमाए णं भंते! पुढवीए पंचसु अणुत्तरेसु महतिमहा0 जाव महानिरएसु संखेज्जवित्थडे नरए एगसमएणं केवति एवं जहा पंकप्पभाए। नवरं तिस् नाणेसु न उववज्जति न उव्वटांति। पन्नत्तएस् तहेव अत्थि। एवं असंखेज्जवित्थडेस वि। नवरं असंखेज्जा भाणियव्वा।
[५६५] इमीसे णं भंते! रयणप्पभाए पुढवीए तीसाए निरयावाससतसहस्सेसु संखेज्जवित्थडेसु नरएसु किं सम्मद्दिट्ठी नेरतिया उववज्जंति, मिच्छद्दिट्ठी नेरइया उववज्जंति, सम्मामिच्छद्दिट्ठी नेरतिया उववज्जंति? गोयमा! सम्मदिट्ठी वि नेरतिया उववज्जति, मिच्छद्दिट्ठी वि नेरतिया उववज्जंति, नो सम्मामिच्छद्दिट्ठी नेरतिया उववज्जंति।
इमीसे णं भंते! रयणप्पभाए पुढवीए तीसाए निरयावाससयसहस्सेसु संखेज्जवित्थडेसु
[दीपरत्नसागर संशोधितः]
[279]
[५-भगवई