Page Text
________________
सतं - १२, वग्गो, सत्तंसत्तं-, उद्देसो- १०
आदिट्ठे असब्भावपज्जवे तिपदेसिए खंधे आया य नो आया य; देसे आदिट्ठे सब्भावपज्जवे, देसा आइट्ठा असब्भावपज्जवा तिपएसिए खंधे आया य नोआयाओ य; देसा आदिट्ठा सब्भावपज्जवा, देसे आदिट्ठे असब्भावपज्जवे तिपएसिए खंधे आयाओ य नोआया य; देसे आदिट्ठे सब्भावपज्जवे, देसे आदिट्ठे तदुभयपज्जवे तिपएसिए खंधे आया य अवत्तव्वं आया इ य नोआया ति य; देसे आदिट्ठे सब्भावपज्जवे, देसा आदिट्ठा तदुभयपज्जवा तिपएसिए खंधे आया य अवत्तव्वाइं आयाओ य नोआयाओ य; देसा आदिट्ठा सब्भावपज्जवा, देसे आदिट्ठे तदुभयपज्जवे तिपएसिए खंधे आयाओ य अवत्तव्वं आयात नोआया ति य; एए तिणि भंगा। देसे आदिट्ठे असब्भावपज्जवे, देसे आदिट्ठे तदुभयपज्जवे तिपएसिए खंधे नोआया य अवत्तव्वं आया ति य नोआया ति य; देसे आदिट्ठे असब्भावपज्जवे, देसा आदिट्ठा तदुभयपज्जवा तिपएसिए खंधे नोआया य अवत्तव्वाइं- आयाओ य नो आयाओ य; देसा आदिट्ठा असब्भावपज्जवा, देसे आदिट्ठे तदुभयपज्जवे तिपएसिए खंधे नोआयाओ य अवत्तव्यं आया ति य नोआया ति य; से आदिट्ठे सब्भावपज्जवे, देसे आदिट्ठे असब्भावपज्जवे, देसे आदिट्ठे तदुभयपज्जवे तिपएसिए खंधे आया य नोआया य अवत्तव्वं आया ति य नोआया ति य। सेतेणट्ठेणं गोयमा ! एवं वुच्चइ तिपएसिए खंधे सिय आया० तं चेव जाव नोआया ति य।
आया भंते! चउप्पएसिए खंधे, अन्ने० पुच्छा। गोयमा ! चउप्पएसिए खंधे सिय आया, सिय नोआया, सिय अवत्तव्यं आया ति य नोआया ति य, सिय आया य नोआया य, सिय आया य अवत्तव्वं, सिय नोआया य अवत्तव्वं, सिय आया य नोआया य अवत्तव्यं आया ति य नोआया ति य, सिय आया य नोआया य अवत्तव्वाइं आयाओ य नोआयाओ य, सिय आया य नोआयाओ य अवत्तव्यं आया ति य नोआया ति य, सिय आयाओ य नोआया य अवत्तव्वं आया ति य नोआया ति य ।
से केणट्ठेणं भंते! एवं वुच्चइ - चउप्पएसिए खंधे सिय आया य, नोआया य, अवत्तव्वं० तं चेव अठ्ठे पडिउच्चारेयव्वं । गोयमा ! अप्पणो आदिट्ठे आया, परस्स आदिट्ठे नोआया, तदुभयस्स आदिट्ठे अवत्तव्वं0, देसे आदिट्ठे सब्भावपज्जवे, देसे आदिट्ठे असब्भावपज्जवे चठभंगो, सत्भावेणं तदुभयेण य चठभंगो, असब्भावेणं तदुभयेण य चठभंगो; देसे आदिट्ठे सब्भावपज्जवे, देसे आदिट्ठे असब्भावपज्जवे, देसे आदिट्ठे तदुभयपज्जवे चउप्पएसिए खंधे आया य, नोआया य, अवत्तव्यं आया ति य नोआया ति य; देसे आदिट्ठे सब्भावपज्जवे, देसे आदिट्ठे असब्भावपज्जवे, देसा आदिट्ठा तदुभयपज्जवा चउप्पएसिए खंधे आया य, नोआया य, अवत्तव्वाइं आयाओ य नोआयाओ य, देसे आदिट्ठे सब्भावपज्जवे, देसा आदिट्ठा असब्भावपज्जवा, देसे आदिट्ठे तदुभयपज्जवे चउप्पए सिए खंधे आया य, नोआयाओ य, अवत्तव्वं आया ति य नोआया ति य, देसा आदिट्ठा सब्भावपज्जवा, देसे आदिट्ठे असब्भावपज्जवे, देसे आदिट्ठे तदुभयपज्जवे चठप्पएसिए खंधे आताओ य, नो आया य, अवत्तव्वं आया ति य नोआया ति य। सेतेणट्ठेणं गोयमा! एवं वुच्चइ चउप्पएसिए खंधे सिय आया, सिय नोआया, सिय अवत्तव्वं । निक्खेवे ते चेव भंगा उच्चारेयव्वा जाव नोआया ति य ।
आया भंते! पंचपएसिए खंधे, अन्ने पंचपएसिए खंधे? गोयमा ! पंचपएसिए खंधे सिय आया, सिय नोआया, सिय अवत्तव्वं आया ति य नोआया ति य, सिय आया य नोआया य, सिय आया य अवत्तव्वं, नोआया अवत्तव्वेण य, तियगसंजोगे एक्को ण पडइ ।
से केणट्ठेणं भंते!0 तं चेव पडिउच्चारेयव्वं । गोयमा ! अप्पणो आदिट्ठे आया, परस्स [दीपरत्नसागर संशोधितः ]
[276]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |