Page Text
________________
सतं-१२, वग्गो- ,सत्तंसत्तं- , उद्देसो-१०
आता ति य, नोआया ति य? गोयमा! अप्पणो आदिठे आया, परस्स आदिढे नोआता, तद्भयस्स आदिठे अवत्तव्वं-रयणप्पभा पुढवी आया ति य, नोआया ति य। सेतेणठेणं तं चेव जाव नोआया ति य।
आया भंते! सक्करप्पभा पुढवी?0 जहा रयणप्पभा पुढवी तहा सक्करप्पभा वि। एवं जाव अहेसत्तमा।
आया भंते! सोहम्मे कप्पे?0 पुच्छा। गोयमा! सोहम्मे कप्पे सिय आया, सिय नोआया, जाव नोआया ति य।
से केणठेणं भंते! जाव नोआया ति य? गोयमा! अप्पणो आदिठे आया, परस्स आदिठे नोआया, तदुभयस्स आदिठे अवत्तव्वं-आता ति य, नोआया ति य। सेतेणठेणं तं चेव जाव नोआया ति य।
एवं जाव अच्चुए कप्पे। आया भंते! गेवेज्जविमाणे, अन्ने गेविज्जविमाणे? एवं जहा रयणप्पभा तहेव। एवं अणुत्तरविमाणा वि। एवं ईसिपब्भारा वि।
आया भंते! परमाणुपोग्गले, अन्ने परमाणुपोग्गले? एवं जहा सोहम्मे तहा परमाणुपोग्गले वि भाणियव्वे।
आया भंते! दुपदेसिए खंधे, अन्ने दुपएसिए खंधे? गोयमा! दुपएसिए खंधे सिय आया, सिय नोआया, सिय अवत्तव्वं-आया ति य नोआया ति य, सिय आया य नोआया य, सिय आया य अवत्तव्वंआया ति य नोआया ति य, सिय नोआया य अवत्तव्वं-आया ति य नोआया ति य।
से केणठेणं भंते! एवं तं चेव जाव नो आया य, अवत्तव्वं-आया ति य नोआया ति य? गोयमा! अप्पणो आदिढे आया; परस्स आदिढे नोआया; तदुभयस्स आदिठे अवत्तव्वं-दुपएसिए खंधे आया ति य, नोआया ति य; देसे आदिढे सब्भावपज्जवे, देसे आदिठे असब्भावपज्जवे दुपदेसिए खंधे आया य नोआया य; देसे आदिठे सब्भावपज्जवे, देसे आदिठे तदुभयपज्जवे दुपएसिए खंधे आया य, अवत्तव्वंआया ति य नोआया ति य; देसे आदिढे असब्भावपज्जवे, देसे आदिढे तदुभयपज्जवे दुपएसिए खंधे नोआया य, अवत्तव्वं-आता ति य नोआया ति य । सेतेणठेणं तं चेव जाव नोआया ति य।
आया भंते! तिपएसिए खंधे, अन्ने तिपएसिए खंधे? गोयमा! तिपएसिए खंधे सिय आया, सिय नो आया, सिय अवत्तव्वं-आता ति य नोआता ति य, सिय आया य नोआया य, सिय आया य नोआयाओ य, सिय आयाओ य नोआया य, सिय आया य अवत्तव्वं-आया ति य नोआया ति य, सिय आया य अवत्तव्वाइं-आयाओ य नोआयाओ य, सिय आयाओ य अवत्तव्वं-आया ति य नोआया ति य, सिय नोआया य अवत्तव्वं-आया ति य नोआया ति य , सिय नोआया य अवत्तव्वाइं-आयाओ य नोआयाओ य , सिय नोआयाओ य अवत्तव्वं-आयाओ य अवतव्वं-आया ति य नोआया ति य , सिय आया य नोआया य अवतव्वं-आया ति य नोआता ति य ।
से केणठेणं भंते! एवं वुच्चति 'तिपएसिए खंधे सिय आया य0 एवं चेव उच्चारेयव्वं जाव सिय आया य नोआया य अवत्तव्वं-आया ति य नोआया ति य? गोयमा! अप्पणो आदिठे आया; परस्स आइढे नोआया; तद्भयस्स आइठे अवतव्वं-आया ति य नोआया ति य; देसे आदिळें सब्भावपज्जवे, देसे
[दीपरत्नसागर संशोधितः]
[275]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |